ᐊᑭᖃᖖᒋᑦᑐᖅ ᐱᖖᒍᐊᒐᒃᓴᖅ: ᐅᖃᖃᑎᖃᕐᓂᖅ ᒫᓂᑲ ᐃᑦᑐᒃᓵᕐᔪᐊᕐᒥᒃ

ᓯᕗᕐᖕᒐᒍᑦ ᓯᕗᓪᓕᖅᐹᒥᑦ ᐊᑭᖃᖖᒋᑦᑐᒥᑦ ᐱᖖᒍᐊᕐᓂᕐᒧᑦ ᐊᖕᒋᖃᑎᒌᖕᓂᒃᑯᑦ ᑐᓂᓯᓂᕐᒧᑦ ᐱᓕᕆᖃᑎᒌᑦ, ᐃᓕᓴᐃᔨ, ᑎᑎᕋᖅᑎ, ᐃᓄᒃᑎᑐᓪᓗ ᐅᖃᐅᓯᓕᕆᔨᒻᒪᕆᒃ ᒫᓂᑲ ᐃᑦᑐᒃᓵᕐᔪᐊᑦ ᐃᒃᓯᕚᖃᑎᖃᓚᐅᖅᑐᖅ ᓄᓇᓕᖕᓂ ᐱᖃᑕᐅᑎᑦᑎᓂᕐᒧᑦ ᓯᕗᓕᖅᑎᒋᔭᖕᒐᓂ, ᔪᐋᓐ ᐅᐃᑦᒫᒃᒥ, ᐅᖃᓪᓚᐅᓯᖃᖅᑐᑎᒃ ᓱᕈᓯᐅᓪᓗᓂ ᐃᖅᑲᐅᒪᔭᖕᒋᓐᓂᒃ ᐱᖖᒍᐊᖃᑦᑕᖅᑎᓪᓗᒋᑦ ᓄᓇᒥ ᑭᓱᓪᓗ ᐊᓯᐅᔨᔭᐅᕙᖕᒪᖕᒑᑕ ᓱᕈᓰᑦ ᐱᖖᒍᐊᕐᕕᒃᓴᖃᖖᒋᓗᐊᖅᑎᓪᓗᒋᑦ.

‍

ᒫᓂᑲ ᐊᓐᓇᐅᒪᒃᑯᑦ ᐱᓕᕆᔾᔪᑎᖕᒋᓐᓄᑦ ᐅᖃᐅᔾᔨᒋᐊᖅᑎ ᐊᑭᖃᖖᒋᑦᑐᒧᑦ ᐱᖖᒍᐊᕐᓂᕐᒧᑦ, ᑲᓇᑕᓕᒫᒥ ᑮᓇᐅᔭᖃᖅᑎᑕᐅᓂᕐᒧᑦ ᐱᓕᕆᐊᖕᒍᕙᓪᓕᐊᔪᒪᔪᖅ ᐋᖅᑭᒃᓱᖅᑕᐅᓯᒪᓪᓗᓂ ᐋᖅᑭᒃᓱᐃᕙᓪᓕᐊᔪᒪᓪᓗᓂᓗ ᓯᓚᒥ ᐱᖖᒍᐊᕐᓂᕆᔭᐅᕙᒃᑐᒥᒃ ᓱᕈᓯᕐᓄᑦ ᑲᓇᑕᓕᒫᒥ. ᐅᖃᓕᒫᒐᓕᐅᖅᓯᒪᒋᓪᓗᓂ: ᐃᓄᖖᒍᐃᓂᖅ ᐊᒻᒪᓗ ᖁᖕᒐᓯᕈᖅ ᐊᒻᒪᓗ ᑕᕐᕋᓕᑭᑖᖅ, ᐊᔾᔨᖖᒍᐊᖃᖅᑐᓂ ᐃᖅᑲᐅᒪᔭᒥᓂᒃ ᐊᑐᓚᐅᖅᓯᒪᔭᒥᓂᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᓂᖕᒐᓄᑦ.

‍

ᐅᕘᓇ ᓇᕿᓪᓗᒍ ᐃᓄᒃᑎᑐᑦ ᐅᖃᓪᓚᖃᑎᖃᖅᑎᓪᓗᒍ ᐃᓄᒃᑎᑐ.

‍

ᐅᖃᓪᓚᖃᑎᖃᕐᓂᖅ ᒫᓂᑲ ᐃᑦᑐᒃᓵᕐᔪᐊᕐᒥᒃ

‍

ᔫᐋᓐ: ᓱᓇᐅᕙ ᐃᖅᑲᐅᒪᔭᑎᑦ ᓂᕕᐊᖅᓴᐃᖕᒍᑦᓱᑏᑦ ᐱᖖᒍᐊᕈᓯᕕᓃᑦ ᐊᒻᒪᓗ ᓇᓪᓕᐊᓕ ᖁᕕᐊᒋᓂᖅᐹᕆᓯᒪᕕᐅᒃ?

‍

ᒫᓂᑲ: ᖁᕕᐊᒋᓛᕆᓯᒪᔭᕋ ᑕᐃᒪ ᐊᑖᑕᒪ ᐃᓅᔭᓕᐅᓚᐅᕐᒪᖕᒐ ᕿᔪᐊᕐᔪᑯᓗᖕᓂᒃ, ᐊᓈᓇᖖᒍᐊᕇᑦ ᕿᑐᕐᖕᒐᖖᒍᐊᖕᒋᓗ ᐊᒻᒪ ᐊᓈᓇ ᐆᒃᑑᑎᕙᒃᖢᓂᖕᒐ ᐊᒪᐅᑎᖖᒍᐊᖅ ᐊᒪᐅᑎᒃᓴᓂᒃ ᖃᕐᓖᖕᓂᓪᓗ. ᑕᐃᔅᓱᒪᓂ ᓴᐅᒥᐅᓚᐅᖅᓯᒪᒐᒪ ᒥᖅᓱᖅᐸᒃᖢᖕᒐ ᐊᕐᓇᖃᑎᑯᓗᒐᓗ ᒥᖅᓱᖅᐸᒃᖢᓄᑦ ᐊᓐᓄᕌᓕᐅᖅᐸᒃᖢᑎᒃᑯᑦ ᐊᒻᒪ ᖃᕐᒪᖃᕋᑦᑕ, ᐅᐊ ᑕᒪᓐᓇ ᐊᑭ ᑕᒪᓐᓇ ᒪᑐᐊᖅᑐᕋᑦᑕ ᑕᐃᓐᓇ ᐅᐊ ᑕᒪᓐᓇ ᐅᐃᔾᔮᖅᑎᑕᐅᓚᐅᖅᖢᑕ ᓇᓚᐅᒃᑖᖅᖢᑕ ᐅᐊ ᑕᒪᓐᓇ ᐊᑭ ᑕᒪᓐᓇ ᐃᒡᓕᖅ ᑕᒪᓐᓇ ᐅᐃᔾᔮᕋᑦᑕ. ᑖᒃᑯᐊ ᐊᒃᑐᕋᓱᓕᖅᖢᑎᒍᑦ ᓂᐱᖃᖅᑕᐃᓕᒪᓪᓗᑎᒃ ᐊᒃᑐᖅᑕᕗᑦ ᑕᐃᒪᐃᓕᐅᓕᕆᓪᓗᑎᒃ. ᐊᒃᑐᖅᑕᐅᓇᓱᒃᖢᓂ  ᖁᐃᓕᖅᑕᓇᖅᑐᐊᓗᒃ ᓂᐱᖃᖅᑕᐃᓕᒪᓪᓗᓂ ᖃᓄᖅ ᐊᕝᕖᕆᐊᕋᓱᒃᐸᒃᖢᓂ ᑕᐃᒪᓐᓇ ᑖᓐᓇ ᖁᕕᐊᒋᓚᐅᕐᒥᔭᕋ ᐊᒻᒪ ᑎᑭᕐᒥᒃ ᐊᓈᓇᒪ ᑎᑭᖕᒐᓂᒃ ᑕᒫᓂ ᐃᓕᔾᔨᕕᒃᑕᖃᐅᕐᒪᑦ ᓇᒧᑦ ᐃᓕᒍᒃᑯ ᑭᓲᑉ ᐅᖕᒐᑖᓃᖕᒋᓪᓗᓂ ᐊᒻᒪ ᐊᑖᓃᖏᓪᓗ ᑕᑯᒃᓴᐅᓗᓂ ᑕᐃᒪᓐᓇ ᐃᔨᖅᓯᒐᒪ ᑕᐃᒫᕋᒪ ᕿᓂᓕᖅᑐᑎᒃ ᓄᑕᕋᐅᖃᑎᒃᑲ ᑕᐃᒪᓐᓇ ᑕᑯᒃᓴᐅᑎᑕᐅᓇᓱᒃᐸᓚᐅᖅᐳᖅ ᐃᒪᓐᓇ ᐅᑭᐅᒃᑯᑦ ᐊᐳᑐᐃᒻᒪ ᓲᖃᐃᒻᒪ ᖃᐅᓪᓗᖅᑐᒥᒃ ᐅᑲᓕᕐᓂᓪᓗ ᐅᑲᓖᑦ ᖃᑯᖅᑕᐅᖕᒪᑕ ᐊᒻᒪ ᑕᒪᒃᑯᓂᖕᒐᐃᓛᖅ ᐊᐳᑎᒥᒃ ᑕᑯᑦᑎᐊᕈᓐᓇᕆᐅᖅᓴᑎᑕᐅᖃᑦᑕᓚᐅᖅᑐᒍ ᑕᐃᒪᓐᓇ. ᐊᒻᒪ ᓯᓚᒥᓕ ᐊᐳᑎᓕᕆᓪᓗᑕ ᐱᕙᓚᐅᖅᓯᒪᔪᒍᑦ ᐱᖅᓯᓕᕌᖕᒐᓪᓗ ᓲᖃᐃᒻᒪ ᖃᕐᒪᖃᕋᑦᑕ ᓄᓇᒧᑦ ᐊᒃᑐᐊᔪᒥᒃ ᐅᑭᐅᒃᑯᑦ ᐊᐱᓗᐊᕐᓂᑯᒧᑦ ᐃᒪᓐᓇ ᑖᓐᓇ ᓴᖅᑭᔮᖅᑐᑐᐊᖅ ᐳᔪᖅ ᖁᓪᓕᐅᑉ ᐳᔫᖅᑕᖕᒐ ᑕᑉᐹᖖᒐᑦ ᑕᐅᓄᖕᒐᑦ ᐹᖕᒍᖕᒪᑦ ᑕᐅᓇᓂ ᐳᐊᕐᕆᔭᖅᖢᑎᒃ ᒪᔪᕋᐅᑎᓕᐅᖅᖢᑎᒃ ᐊᐳᑎᐅᑉ ᖄᖕᒐᓄᐊᖅᐸᓚᐅᖅᓯᒪᔪᖅ ᐊᐳᑎᐊᓘᖃᑦᑕᓚᐅᖅᓯᒪᖕᒪ ᐃᒡᓗᓕᖕᒥᓖ. ᐱᖅᓯᓕᕌᖕᒐᑦ ᑕᒫᓂ ᐊᐳᖕᒥᑦ ᐃᓚᖖᒑᑎᖅᖢᒍ ᐳᓚᑦᑕᕐᕕᖃᖅᖢᑕ ᒪᐅᖕᒐ ᐊᕗᖕᒐᑦ ᐊᕗᖕᒐ ᑕᐃᒪ ᐃᔨᕋᖅᐸᓚᐅᖅᓯᒪᔪᒍᑦ ᐊᐳᑎᐅᑉ ᐃᓗᐊᓂ, ᐊᖕᒍᑎᓂᓛᒃ ᐊᐳᑎᕆᑎᑕᐅᕙᓚᐅᖅᓯᒪᔪᑦ ᑭᓱᒥᒃ ᓇᓄᖖᒍᐊᕐᒥᒃ ᐊᐳᑎᓕᕆᒋᐅᖅᓴᑎᑕᐅᓪᓗᑎᒃ ᑕᐃᒪᓐᓇ ᐃᒡᓗᓕᔪᓐᓇᖅᓯᓛᕐᒪᑕ ᐊᐳᒻᒥᒃ ᖃᐅᔨᒪᑦᑎᐊᓕᕐᓗᑎᒃ ᑕᖕᒋᖃᖅᑎᑕᐅᓪᓗᑎᒃ ᐊᒻᒪ ᐆᒪᔪᖖᒍᐊᓂᒃ ᓲᕐᓗ ᓇᓄᖖᒍᐊᕐᓂᒃ ᐅᓈᕐᒧᒃ ᐱᓇᓱᒃᐸᒃᖢᑎᒃ ᐊᕙᓘᓐᓃᑦ ᐱᓯᒃᓯᒃ. 

‍

ᔫᐋᓐ: ᐆᒃᑐᕋᖅᑎᑕᐅᑦᓱᑏᒃ ᒥᑭᔫᓂᖕᒋᓐᓂᒃ ᐊᓯᕙᕆᐅᖅ ᖃᓄᖅ ᐊᑐᐃᓐᓇᐅᓛᕐᒪᑕ ᐊᓯᕙᕆᐊᓕᕈᑎᒃ. 

‍

ᒫᓂᑲ: ᐊᐳᒻᒥᒃ ᖃᐅᔨᒪᓕᕐᓗᑎᒃ ᐊᐅᓪᓚᖃᑦᑕᖃᑕᐅᓕᕈᑎᒃ ᐃᒡᓗᓕᔪᓐᓇᕐᓂᖅᓴᐅᓛᕐᒪᑕ.

‍

ᔫᐋᓐ: ᖃᐅᔨᒪᑦᓯᐊᕋᓱᐊᖅᓱᑎᓗ ᖃᓄᖅ ᓯᑎᓂᖕᒐ ᐊᐴᑉ ᓯᑎᔫᑎᓪᓗᒍᓕ ᑭᓯᐊᓂ ᐃᓪᓗᓕᔪᓐᓇᕐᒪᖕᒐᐃ?

‍

ᒫᓂᑲ: ᐃᓛᒃ ᒪᓂᖅᑲᒧᑦ ᑕᒪᓐᓇ ᖃᓂᒃᑐᖅ ᐳᑲᔮᖕᒍᖕᒪᑕ ᑕᐃᒃᑯᐊᑯᓗᐃᑦ ᓂᓚᕐᓚᑯᓘᖅᑰᔨᔪᑦ ᓴᐸᖕᒐᖅᐸᑯᓘᖅᑰᔨᔪᑦ ᐊᑖᓃᒃᑐᑦ ᑕᒪᓐᓇᓗ ᐃᓚᖕᒐ ᑎᓯᔫᓪᓗᓂ ᐃᓚᖕᒐ ᐃᓚᖕᒋᑦ ᑎᓯᔪᐊᓘᓲᖕᒍᖕᒪᑕ ᓇᑎᕈᕕᐊᑲᑕᓚᐅᖅᑎᓪᓗᒍ ᑎᓯᑦᑎᓲᖕᒍᒻᒪᑕ. ᑎᓯᓗᐊᖖᒋᓪᓗᒍ ᐊᕿᐸᓗᒡᓗᒍ ᑭᓯᐊᓂ ᐊᐳᑦᑎᐊᕙᐅᔪᒥ ᓇᓂᓯᒋᐅᖅᓴᑎᑕᐅᕙᓚᐅᖅᓯᒪᖕᒪᑕ ᐳᑲᔮᕈᔪᖕᒥ ᐃᒡᓗᓕᓪᓗᓂ ᓱᕕᖅᑐᐊᓘᖕᒪ ᐳᑲᔮᖕᒍᖖᒋᑦᑐᒥᒃ ᑭᓯᐊᓂ ᐃᒡᓗᓕᕙᓚᐅᖅᓯᒪᖕᒪᑕ. 

‍

ᔫᐋᓐ: ᐃᖅᑲᐅᒪᕖᑦ ᓱᕈᓰᑦ ᓂᕕᐊᖅᓯᐊᑦ ᐊᓃᖖᒍᐊᖃᑦᑕᑎᓪᓗᒋᑦ ᐃᒃᐱᒋᔭᐅᓗᐊᕋᑎᒃ ᐊᖕᒐᔪᖅᑳᒥᓄᑦ, ᖃᓄᐃᑦᑐᒥᒃ ᐱᖖᒍᐊᕈᓯᖃᕐᓂᖅᑲ ᓯᓚᒥᒃ ᐃᓛᒃ ᐅᖃᕋᑖᕋᕕᑦ ᐃᓚᖕᒋᑦ ᐊᐳᒻᒥᒃ ᓴᓇᒋᐅᖅᓴᑎᓪᓗᒋᑦ ᐆᒃᑑᑎᒋᓗᒍ ᒪᑯᐊ ᐃᒃᐱᒋᔭᐅᓗᐊᕋᑎᒃ ᐅᕙᑦᓯᐊᕈᓖ ᒪᐅᔭᕋᖅᐸᔪᒻᒪᑖ ᖃᖅᑲᓄᑦ ᒪᔪᕋᖅ ᒪᑯᐊ ᐊᑦᑕᓇᒐᓚᒃᑐᓂ ᒫᓐᓇᐅᓕᖅᑐᑦ ᖁᔭᐅᓗᐊᕈᓐᓃᖅᑐᓂ ᐊᐅᓚᔨᕕᑦ ᑕᒪᒃᑯᓂᖕᒐ?

‍

ᒫᓂᑲ: ᐃᓛᒃ ᐱᖖᒍᐊᖅᐸᓚᐅᖅᓯᒪᖕᒥᔪᒍᑦ ᐊᓃᕋᔭᒃᖢᑕ ᕿᑐᕐᖕᒐᙳᐊᖃᕋᒪ ᖃᓄᐃ ᐃᓛᒃ ᐃᖅᑲᐅᒪᑦᑎᐊᖖᒋᑕᕋ ᑖᒃᑯᐊ ᓄᑕᕋᐅᖃᑎᒃᑲ ᓴᓂᓕᕇᒃᖢᑎᒃ ᑕᐅᑐᖖᒋᑎᓪᓗᖕᒐ ᕿᑐᕐᖕᒐᙳᐊᕋ ᐃᔨᖅᑕᐅᓪᓗᓂ, ᕿᓂᕋᒃᑯᑦ ᓇᓂᖖᒋᓐᓇᒃᑯᑦ ᑖᓐᓇ ᓯᕗᓪᓕᖅᐹᖅ ᐊᐱᕆᓪᓗᒍ, ᕿᑐᕐᖕᒐᕐᔪᐊᐱᒐ ᓇᐅᒃ? ᑖᓐᓇ ᖃᓄᐃᑐᐃᓐᓇᖅ ᑭᐅᔪᓐᓇᖅᑐᖅ ᓲᕐᓗ ᑕᐃᒪ ᖁᐊᕐᒥᒃ ᐃᖃᓗᖕᒥᒃ ᖃᒧᓯᐅᖅᖢᖕᒐ ᐊᕕᖖᒐᕐᓂᓪᓗ ᕿᒻᒥᖃᖅᖢᖕᒐ ᐊᕗᖕᒐ ᐊᐅᓪᓚᖅᑎᓚᐅᖅᐸᕋ ᖃᓄᑐᐃᓐᓈᓗᒃ ᑕᐃᒪ ᑭᐅᔪᓐᓇᖅᑐᑕ ᑭᐅᔪᖃᖅᐸᒃᖢᓂ ᑕᐅᑐᖖᒐᕐᓇᕈᓘᔭᖅᑐᖅ ᓱᓕᖖᒋᑦᑑᒐᓗᐊᓂᒃ ᑖᒃᑯᐊ ᐊᐱᖅᓱᐊᓂᒃᑲᒃᑭᑦ ᕿᒻᒥᐅᑉ ᐊᓇᖕᒐᓂᒃ ᖁᐊᖅᓯᒪᔪᒥᒃ ᐃᒪᓕᓪᓗᖕᒐ ᐃᑭᒃᐸᒃᖢᑎᒃ  ᕿᒡᒋᖅᑕᖅᖢᑕ ᑕᐃᑯᖕᒐ ᑎᒡᒍᕙᒃᖢᑎᒍᑦ ᐃᒪᓐᓇ ᖃᓄᕈᓘᔮᓗᒃ ᐱᖖᒍᐊᖅᐸᓚᐅᖅᓯᒪᔪᒍᑦ ᖃᓄᖅ ᐃᓱᒪᓇᖖᒋᑦᑎᐊᖅᑐᓂᒃ ᑖᒃᑯᐊ ᑭᐅᕙᒃᖢᑎᒃ ᓂᕆᐅᓐᓇᙱᑦᑐᒥᒃ ᐊᔾᔨᐅᖖᒋᑦᑐᓂᓪᓗ ᑭᐅᕙᒃᖢᑎᒃ ᑕᐃᒪᓐᓇ ᐱᕙᓚᐅᖅᓯᒪᔪᒍᑦ. ᐄ ᐅᐱᕐᖕᒑᒃᑯᑦ ᓯᑯ ᓯᖁᑦᑎᓕᕌᖕᒐᑦ ᑕᐃᒪᓐᓇ ᒪᐅᔭᕋᖅᐸᓚᐅᖅᓯᒪᖕᒪᑕ ᑭᓯᐊᓂ ᐃᓐᓇᖅᑕᖃᕆᐊᖃᖅᑐᖅ ᐃᓐᓇᖅᑕᖃᖖᒋᑎᓪᓗᒍ ᒪᐅᔭᖃᑦᑕᖁᔭᐅᓚᐅᖖᒋᑦᑐᑦ ᐋᒻ ᐃᒫᕐᓂᖅᐸᑕ ᐊᔪᓕᑐᐃᓐᓇᕆᐊᖃᕐᒪᑕ ᐃᓐᓇᖅᑕᖃᖅᑎᓪᓗᒍ ᑭᓯᐊᓂ ᒪᐅᔭᕋᕈᓐᓇᖅᑎᑕᐅᕙᓚᐅᖅᓯᒪᔪᒍᑦ ᐃᑲᔪᖅᑕᐅᔪᓐᓇᕐᓂᐊᕐᒪᑕ ᑕᐃᒪᓐᓇ ᐃᓛᒃ ᐊᖕᒍᑏᑦ ᐱᓗᐊᖅᑐᒥᒃ ᐊᐅᓪᓚᖅᓯᒪᓪᓗᑎᒃ ᓯᑯᑦ ᓯᖁᒥᒃᑐᓐᓇᕐᒫᑦ ᑕᐃᒪ ᑐᐊᕕᕐᓗᑎᑦ ᐊᓪᓗᖅᑕᕐᓗᑎᑦ ᐊᓐᓇᒋᕋᖃᕐᒪᑕ ᖃᓄᐃᒋᔭᐅᕙᓚᐅᖖᒋᑦᑐᑦ ᐱᒋᐅᖅᓴᔾᔪᑎᒋᓚᐅᕐᒪᒍᑦ ᐊᒻᒪ ᐊᕐᓇᑎᒍᑦ ᖃᐃᖅᓱᖕᒥ ᐃᒪᓐᓇ ᐃᒻᒥᓂᒃ ᐋᖅᑭᒃᐸᖕᒪᑕ ᐅᔭᖅᑲᑦ ᐃᓛᒃ ᖃᖅᑲᐃᑦ ᓴᓂᐊᓂᒃ ᑕᒫᓂ ᐃᓪᓕᖖᒍᐊᖃᖅᖢᑕ ᐅᖕᒐᑎᖖᒍᐊᖃᖅᖢᑕ ᐅᔭᖅᑲᓂᒃ ᐱᐅᔫᑎᓂᒃ ᐊᕝᕗᕋᑦᑕ ᑕᒪᐅᖕᒐ ᐋᖅᑭᒃᓱᑦᑎᐊᖅᖢᑎᒍᑦ ᖃᐃᕆᓕᒃᓯᖅᑐᖅ ᐱᐅᓯᑎᒃᖢᑎᒍᑦ ᐊᕿᑦᑐᓂᒃ ᓯᖃᓕ ᖃᑯᖅᑕᐅᒃᐸᑦ ᓯᖃᓕᑎᒃᖢᒍ ᓯᐅᕋᐅᔮᖅᑐᖖᒍᐊᖕᒍᓪᓗᓂ ᕿᕐᓂᖅᑐᒥᒃ ᓯᖃᓕᑎᒃᖢᑎᒍᑦ ᑏᖖᒍᐊᖕᒍᓪᓗᓂ ᑲᔪᖅᑎᐅᒃᐸᑦ ᑯᑯᖖᒍᐊᖕᒍᓪᓕᓂ ᑕᐃᒪ ᐃᓛᒃ ᑖᒃᑯᐊ ᐃᕐᖕᒍᓯᖖᒍᐊᕐᕗᑦ ᖁᓪᓕᖖᒍᐊᕗᑦ ᒪᕋᕐᒥᒃ ᓴᓇᓚᐅᖅᖢᑎᒍᑦ ᐸᓂᕐᒪᑕ ᑕᐃᒪᓐᓇ ᐴᕆᓪᓗᑎᒍᑦ ᐊᒻᒪ ᑖᓐᓇ ᖁᓪᓕᖖᒍᐊᕆᓪᓗᑎᒍᑦ ᑕᐃᒪ ᐱᓪᓚᑦᑖᖖᒍᐊᖅᐸᓚᐅᖅᓯᒪᔪᒍᑦ. 

‍

ᔫᐋᓐ: ᑕᐅᑐᖖᒍᐊᕐᓇᖅᑐᐊᐱᒃ ᐱᒐᓚᖖᒍᐊᕋᓱᐃᓕᕐᒪᓪᓕ ᐅᓪᓗᒥᐅᓕᖅᑐᖅ.

‍

ᒫᓂᑲ: ᐄ.

‍

ᔫᐋᓐ: ᑕᐃᑦᓱᒪᓂᓪᓖ ᐋᓐᓂᕐᓂᕈᕕᓪᓕ ᐱᙳᐊᖅᓱᑎᑦ ᐱᕐᔪᐊᖕᒍᖖᒋᑦᑐᒥᒃ ᐆᒃᑑᑎᒋᓗᒍ ᓰᖅᑯᒃᑯᑦ ᐊᒦᕐᔭᓕᑳᓐᓂᕈᕕᑦ ᐃᓐᓇᐃᑦ or ᐊᖕᒋᔪᖅᑳᕆᔭᐅᔪᑦ ᖃᓄᕐᓕ ᖃᓄᐃᓕᕙᔪᕙᑦ?

‍

ᒫᓂᑲ: ᐊᕕᖖᒐᐅᑉ ᐊᒥᑯᓗᐊᓂᒃ ᖃᐅᓯᖅᑐᒥᒃ ᓂᐱᑎᕝᕕᒋᓪᓗᒍ ᐊᐅᓈᕈᓐᓃᖅᑎᑕᐅᕙᓚᐅᖅᓯᒪᔪᑦ, ᐃᓛᒃ ᐱᓗᐊᖅᑐᒥᒃ ᐊᔪᐊᖅᑐᑦ ᐊᕕᖖᒐᐅᑉ ᐊᒥᖕᒐᓂᑦ ᒪᑦᑐᓯᖅᑕᐅᓪᓗᑎᒃ ᐸᓂᔾᔭᐃᒃᑯᑎᒋᓗᒍ ᐲᔭᕐᓂᖕᒋᑦᑐᐊᓘᖕᒪᑦ. ᐊᕕᖖᒐᐅᑉ ᐊᒥᖕᒐ, ᐊᒻᒪ ᑭᓕᖅᑐᑦ ᐳᔪᐊᓗᖕᒥ ᐃᓪᓕᕆᓪᓗᒍ ᐊᐅᓈᕈᓐᓃᖅᑎᑕᐅᕙ ᐊᓈᓇᒐᓕ ᑭᓯᐊᓂ ᐊᓘᑎᓕᐅᓂᕋᖅᑕᐅᓚᐅᕐᒪᑦ ᑭᓕᖅᑐᖃᕌᖕᒐᑦ ᐊᓗᒃᑲᒥᐅᒃ ᖃᓄᐃᓕᒐᒥᐅᒃᑭᐊᖅ ᒪᒥᒃᖢᓂ ᕿᓕᕈᖃᔮᕈᓐᓃᖅᖢᓂ ᐊᓘᑎᓕᒃ ᐊᓘᑎᓕᐅᓂᕋᖅᑕᐅᓚᐅᖅᑐᖅ ᐊᓈᓇᒐ ᑭᓪᓕᕐᓂᒃ ᒪᒥᑎᑦᑎᕙᓚᐅᖅᓯᒪᖕᒪᑦ ᐊᒻᒪ ᓘᒃᑖᖕᒍᓚᐅᖅ ᐃᓄᒃᑎᑐᑦ ᖃᓄᑐᐃᓐᓇᖅ ᑭᓕᖅᑐᓂᒃ ᓄᔭᕐᒥᓄᑦ ᓄᔭᕐᒥᓄᒃ ᒥᖅᓱᖅᐸᒃᖢᓂᐅᒃ ᒪᒥᑎᑦᑎᐊᖅᐸᒃᖢᓂᐅᓪᓗ ᖃᓄᕈᓘᔭᓗᒃ ᑕᒪᒃᑯᓂᖕᒐ ᓄᓇᓂᒃ ᐱᕈᖅᑐᓂᑦ ᐊᑐᖅᖢᓂ ᐃᖢᐊᖅᓴᐅᑎᖃᖅᐸᓚᐅᖅᓯᒪᔪᖅ.

‍

ᔫᐋᓐ: ᐅᖃᖅᑲᐅᒐᕕᑦ ᐃᓱᒪᖖᒍᐊᕐᓂᒃᑯᑦ ᑕᐅᑐᖖᒍᐊᕐᓂᒃᑯᑦ ᐱᖖᒍᐊᖃᑦᑕᕐᓂᖃᑦᓯᑦᑕᐅᖅ ᖃᓄᐃᑦᑐᓂᓪᓕ ᑕᐅᑐᖖᒍᐊᕐᓂᒃᑯᑦ ᐱᖖᒍᐊᕈᓯᕐᓂᒃ ᐃᖅᑲᐅᒪᕕᑦ? ᐆᒃᑑᑎᒋᓗᒍ ᐃᖃᖅᑲᐅᒐᕕᑦ ᐃᒡᓗᖖᒍᐊᖅ ᐃᒡᓗᖖᒍᐊᓕᐅᕐᓂᖅ ᓯᓚᒥᑦ ᐅᕝᕙᓗ ᐆᒪᔪᖖᒍᐊᕐᓂ ᑕᒪᒃᑯᓇᖖᒐᒐᓚᒃ, ᐃᖅᑲᐅᒪᔭᖃᖅᐱᑦ ᖁᕕᒋᓂᖅᐹᕆᓯᒪᔭᕐᓂᒃ?

‍

ᒫᓂᑲ: ᐃᓛᒃ ᑕᐃᒪ, ᓯᓂᒐᓱᓕᕌᖕᒐᑦᑕ ᐊᐃᓕᓴᖃᖅᐸᓚᐅᖅᓯᒪᒐᑦᑕ ᓲᖃᐃᒻᒪ ᖃᓪᓗᓈᑎᑐᑦ ᓇᓗᓪᓗᑕ ᑎᑎᕋᐅᓯᕐᓂᓪᓗ ᓇᓗᓪᓗᑕ, ᓯᓂᒐᓱᓕᕌᖕᒐᑦᑕ ᐊᖅᓵᕈᖅᑖᖅᑯᖕᒑ ᐃᒃᑯᐊ ᐊᖅᓵᕋᐃᑦ ᕿᔪᐊᕐᔪᖕᒥ ᑎᒍᒻᒥᕕᖃᖅᖢᑎᒃ ᕿᑎᐊᒍᑦ ᕿᓯᖕᓂᒃ ᐊᒃᖢᓇᐅᔭᕐᓂᒃ ᐊᖅᓵᕋᖅᐸᓚᐅᖅᓯᒪᖕᒪᑕ. ᖃᓄᖅ ᓴᖖᒋᓂᖅᓴᐅᓇᓱᒃᖢᑎᒃ ᑕᐃᒃᑯᐊ ᓱᓇᐅᕝᕙ ᐊᖅᓵᕋᖅᑖᖅᐳᖕᒐ ᐊᖅᓵᕋᖅᑖᖅᐳᖕᒐ ᑕᐃᒪᐃᓕᐅᖅᐸᓚᐅᖅᓯᒪᔪᒍᑦ ᐊᒻᒪ ᓂᒃᓯᖖᒍᐊᑯᓗᒃ ᓂᒃᓯᒃᓯᐊᖅᐳᖕᒐ ᑕᒪᒃᑯᓂᖕᒐ ᐊᐃᓕᓴᕐᓂᒃ ᕿᓂᖅᐸᒃᖢᑕ ᐊᒻᒪ ᓇᓚᐅᑦᑖᖅᑎᑦᑎᕙᓚᐅᖅᓯᒪᔪᒍᑦ ᓲᕐᓗ ᐅᕙᖕᒐ ᕿᑐᕐᖕᒐᒃᑲ ᐃᒪᓐᓇᐅᒻᒪᑕᐃ “ᐃᓱᒪᕗᖕᒑ

ᐊᓈᓇ ᐊᑖᑕ ᐃᕐᓂᖅ ᐃᕐᓂᖅ ᐸᓂᒃ ᑕᐃᒪᓐᓇ ᐱᔪᖅ ᑭᒃᑯᓐᓂᓪᓖ ᐃᓱᒪᕗᖕᒑ? ᓇᓚᐅᒃᑖᓕᖅᖢᑎᒃ. ᐅᕝᕙᓘᓐᓃᑦ ᐃᓱᒪᕗᖕᒐ ᐊᓈᓇ ᐊᑖᑕ ᐸᓂᒃ ᐃᕐᓂᖅ ᑕᐃᒪᐃᓕᖅᑐᑎᑦ ᓇᓚᐅᑦᑖᖅᐸᓚᐅᖅᓯᒪᖕᒪᑕ ᑕᐃᒪᓐᓇ ᐃᓱᒪᖖᒍᐊᕈᓘᔭ ᐃᒪᓐᓇ ᐱᖃᑦᑕᓚᐅᖅᖢᑕ ᑕᕝᕙ ᐊᓈᓇᖖᒍᐊᕆᔭᐅᒐᑦᑕ ᕿᑐᕐᖕᒐᖖᒍᐊᖃᖅᖢᑕ ᐅᐃᖖᒍᐊᖃᖅᖢᑕ ᑕᐃᒪ ᐊᖕᒍᓇᓱᒋᐊᖖᒍᐊᖅᑐᑦ ᓇᑦᑎᐅᑉ ᐊᒃᓴᖅᑯᖕᒋᓐᓂᒃ ᕿᒻᒥᖖᒍᐊᖃᖅᖢᑎᒃ ᐊᓄᓕᐅᖅᑕᐅᓪᓗᑎᒡᓗ ᐃᐱᐅᑕᓕᐅᖅᑕᐅᓪᓗᑎᓪᓗ ᐊᐅᓪᓚᖖᒍᐊᖅᐸᓚᐅᖅᓯᒪᖕᒪᑕ ᐅᑎᕋᒥᒃ ᑕᕝᕙ ᐅᓂᒃᑳᖖᒍᐊᓕᖅᖢᑎᒃ ᖃᓄᖅ ᖃᓄᐃᓕᐅᖅᑲᐅᓂᕐᒥᓂᒃ ᓇᑦᑎᖅᑲᐅᕙ ᐋᓐᓂᐊᖅᑲᐅᕙ ᑕᐃᒪᓐᓇ ᐊᑖᑕᒃᑯᒥᒃ ᐅᓂᒃᑳᖅᐸᖕᒪᑕ ᐃᔾᔪᐊᖅᓯᓪᓗᑎᒃ ᑕᐃᒪᓐᓇ ᐅᓂᒃᑳᖖᒍᐊᖅᑐᑦ. ᐊᒻᒪ ᑕᐃᓐᓇ ᐊᔭᒐᖅ ᐊᔭᒐᕐᓂᖅ ᑕᐃᓐᓇ.

‍

ᔫᐋᓐ: ᐅᑲᓕᐅᑉ ᓂᐊᖁᖕᒐᓃ?

‍

ᒫᓂᑲ: ᐅᑲᓕᐅᑉ ᓂᐊᖁᖕᒐᓂᓘᓐᓃᑦ ᐅᒡᔫᓪᓘᓐᓃᑦ ᐊᒃᓴᖅᑯᖕᒋᓐᓄᑦ ᐅᕝᕙᓘᓐᓃᑦ ᑐᒃᑑᑉ ᕿᒥᕐᓗᐊᓂᒃ, ᑐᒃᑑᓪᓕ ᕿᒥᕐᓗᐊᓂᒃ ᐱᖃᕋᓱᓚᐅᖅᑐᒍᑦ ᑕᐃᒪᓐᓇ. ᐊᕚᖅᐸᒋᑦ ᑎᓱᕋᐅᓯᖅᐸᒋᑦ ᑎᓱᕗᑎᑦ ᖁᓖᖅᓱᕐᓗᓂ ᑎᓱᓗᓂ ᑎᓱᒻᒪᑦ ᐊᒻᒪ ᓯᒡᔭᒧᑦ ᓯᒡᔭᒨᕐᒪᑦ ᐃᒫᕐᒪᑦ ᐃᒫᕐᒪᑦ ᐃᒫᕐᒪᑦ ᑕᓪᓕᒪᐃᖅᑐᐃᖃᐃ ᐃᒫᕐᒪᓇᐃ ᐊᒻᒪ ᑭᓱᓂᒃᑯᐊ ᑭᖕᒍᖕᓂᒃ ᐅᐸᒃᑕᐅᓕᖅᐸᑕ ᐅᐸᒃᑕᐅᓕᖅᐸᑕ ᓂᕆᔭᐅᓕᖅᐳᑎᑦ ᓂᕆᔭᐅᓕᖅᐳᑎᑦ ᓄᖕᒍᑕᐅᕗᑎᑦ ᖃᓄᕈᓘᔮᓗᒃ ᑕᐃᒪᓐᓇ ᓲᕐᓗ ᐅᕙᖕᒐ ᐱᑎᓪᓗᖕᒐᐃ ᐃᓚᒃ ᒪᕐᕈᐃᕐᓗᒍ ᓴᐅᒥᖕᓄᑦ ᐊᔪᖅᐸᑦ ᒪᕐᕈᐃᕐᓗᒍ ᑕᓕᖅᐱᖕᓄᑦ ᐊᔭᒃᓯᓂᓕᒫᑦ ᑖᒃᑯᐊ ᑕᐃᒪᐃᓕᐅᕐᓕ ᐊᕚᖅᐸᓪᓗᒋᑦ ᑎᓱᕋᐅᑎᒃᐳᑦ ᑎᓱᕗᑎᑦ ᓲᕐᓗ ᐊᑕᐅᓯᐊᕐᓗᑎᑦ ᑎᓱᒍᕕᑦ ᐊᕚᖅᐸᒋᑦ ᑎᓱᕋᐅᓯᖅᐸᒋᑦ ᑎᓱᕗᑎᑦ, ᐃᕝᕕᑦ ᐱᓕᕋᕕᑦ ᒪᔪᖅᐳᑎᓐ ᑎᓱᓃᑦ ᐅᑎᖅᐳᖅ ᐊᑕᐅᓯᕐᒧᑦ ᑎᓱᕋᐅᑎᖃᕈᓐᓃᖅᐳᑎᑦ ᐊᓐᓇᒃᐳᑎᑦ ᐊᒻᒪ ᐊᓐᓇᒃᑲᕕᑦ ᐃᕝᕕᑦ ᐊᕚᖅᐸᕐᒪᑦ ᑎᓱᕋᐅᓯᖅᐸᖕᒪ ᑕᐃᒪ ᐅᑎᖅᑕᕋᐅᔭᖅᖢᑕ ᐃᖅᑲᐅᒪᖃᑦᑕᕆᐊᖃᖅᑐᑕ ᑕᐃᒪᓐᓇᐅᕙᓚᐅᖅᓯᒪᔪᒍᑦ. ᐊᒻᒪ ᐊᔭᕌᖅᖢᑕ ᑭᓱᖖᒍᐊᓕᒫᑦᑎᐊᓂᒃ ᑐᒃᑐᕐᔪᒃ, ᑭᓱᖖᒍᐊ ᐊᒻᒪ ᑲᑕᕐᔪᒃ, ᐅᑲᓕᐊᕐᔪᒃ, ᑭᓱᖖᒍᐊᖅ ᓇᓄᕐᔪᒃ, ᑕᓕᕐᔪᒃ ᑭᓱᖖᒍᐊᓕᒫᑦᑎᐊᓂᒃ ᐊᔪᕆᖅᓲᔾᔭᐅᕙᒃᖢᑕ ᐊᔭᕌᖅᑎᑕᐅᕙᓚᐅᖅᑐᒍᑦ ᐃᒪᓐᓇ ᒥᖅᓱᕈᓐᓇᖅᓯᓛᕋᑦᑕ ᐊᒡᒐᕗᑦ ᐊᔪᖖᒋᑦᑎᐊᕐᓗᑎᒃ ᐱᔭᕆᐊᖃᖅᐸᓚᐅᖅᓯᒪᒐᑦᑕ ᐃᖅᑲᐅᒪᔭᕆᐊᖃᖅᑕᕗᑦ ᐊᒥᓱᐊᓘᕙᓚᐅᖅᓯᒪᔪᑦ ᐊᒥᓱᓂᒃ ᐊᔭᕋᐅᓯᕐᓂᒃ ᖃᐅᔨᒪᓪᓗᑕ ᖃᐅᔨᒪᔭᕌᖕᒐᑦᑕ ᐊᒻᒪ ᒥᑭᓐᓂᖅᓴᑦ ᐊᔪᕆᖅᓲᑎᕙᒃᑭᓪᓗᑎᒍ ᐊᒻᒪ ᐃᒡᓗᑭᓵᖅᐸᒃᖢᑕ ᑕᐃᓐᓇ ᖁᓗᒃᐹᓲᓰ ᒪᓕᒃᖢᒍ ᐃᖖᒋᖅᖢᑕ ᐃᓛᓐᓂᒃ ᐱᖕᒐᓱᓂᒃ ᐱᒋᐅᖅᓴ ᐊᒻᒪ ᐃᓚᖕᒐᓐᓂᒃ ᖃᐅᔨᓚᐅᖅᓯᒪᔪᖕᒐ ᐱᔪᓐᓇᖅᓯᓗᐊᕐᓂᑯᒧᑦ ᐃᒪᓐᓇ ᐃᒪᓕᐅᕋᒥᑦ ᑕᕝᕙ ᐅᓇ ᐃᒪᐃᓕᕐᓂᕐᒥᒃ ᑕᐃᒪᓐᓇ ᐊᔪᖖᒋᑎᒋᓕᓚᐅᖅᓯᒪᔪᖕᒐ ᐊᔪᕈᓐᓃᒃᑳᓘᓚᐅᖅᓯᒪᔪᐃᓂᒃᑯᐊ.

‍

ᔫᐋᓐ: ᐅᔭᕋᕐᓄᑦ ᐃᓪᓗᑭᑖᖃᑦᑕᕆᕕᑦ?

‍

ᒫᓂᑲ: ᐋᓐᓂᕐᓇᖅᑐᕈᓗ, ᐄᖕᒍᒐᓗᐊᖅ ᒥᑭᑦᑐᓂᒃ. ᑭᓯᐊᓂ ᐃᒃᑯᓂᖕᒐ ᓴᓇᕙᓚᐅᖅᑐᒍᑦ ᐊᒥᕐᓂᒃ ᑕᒪᓐᓇ ᑭᓗᖕᒐ ᐃᓗᐊᓃᒃᖢᓂ ᐅᕿᑦᑐᑯᓘᓪᓗᑎᒃ ᑭᓯᐊᓂ ᕿᓰᑦ ᑕᐃᒃᑯᐊ ᐃᓗᓕᖅᓱᖅᖢᑎᒍᑦ ᓯᐅᕋᕐᒥᒃ ᒥᖅᓱᖅᖢᑎᒍ ᑕᐃᒪᓐᓇ ᐊᖅᑭᓐᓂᖅᓴᐅᒻᒪᑕ ᑕᐃᒃᑯᓂᖕᒐ ᐃᓪᓗᑭᓵᕈᑎᖃᖅᐸᓚᐅᖅᓯᒪᔪᒍᑦ. ᐊᒻᒪᓗ ᐃᓐᓈᓗᒐᓗᐊᓪᓘᓐᓃᑦ ᐱᖖᒍᐊᖅᐸᓚᐅᖅᓯᒪᖕᒪᑕ ᐊᖅᓴᖅᐸᓚᐅᖅᓯᒪᔪᑦ. ᑕᐃᒃᑯᐊ ᐅᑭᐅᒃᑯᑦ ᐃᓅᔪᕕᓃᑦ ᑭᓱᓂᒃᑯᐊ ᐊᕿᒡᒋᐅᕙᒃᖢᑎᒃ.

ᐊᐅᔭᒃᑯᑦ ᐃᓅᔪᕕᓃᑦ ᒥᑎᐅᕙᒃᖢᑎᒃ ᑕᐃᒪᓐᓇ ᑕᕝᕙ ᐊᖅᓴᖅᑐᐊᓘᒐᒥᒃ ᒥᑏᑦ ᑖᒃᑯᐊ ᓄᓇᒧᐊᖅᑎᑦᑎᓇᓱᒃᐸᒃᖢᑎᒃ ᑕᐃᒃᑯᐊ ᐊᕿᒡᒌᑦ ᓯᑯᒧᐊᖅᑎᑦᑎᓇᓱᒃᐸᒃᖢᑎᓂᒃ ᐅᓪᓗᓗᒃᑖᕌᓗᒃ ᐃᓛᓐᓂᒃ ᐊᖅᓴᖅᐸᓚᐅᖅᓯᒪᔪᒍᑦ, ᐃᓐᓈᓘᒐᓗᐊᑦ. ᐊᒻᒪ ᐅᐱᕐᖕᒑᒃᑯᑦ ᐋᒃᑕᐅᔭᖅᐸᓚᐅᖅᓯᒪᒋᓪᓗᑕ ᒪᕐᕉᒃᑕᖅᑐᑕ ᐱᖃᑎᒌᑦ ᐅᓄᕈᓘᔭᕋᑦᑕ, ᑕᐃᓐᓇ ᐅᖕᒐᓯᒃᑲᓗᐊᖅᐸᑦ ᑕᐃᓐᓇ ᐃᓕᑦᑎᕕᒋᖃᑦᑕᐅᑎᓪᓗᓄ ᐊᓯᑦᑎᓐᓂᒃ ᐱᔭᐅᓇᓱᒃᐸᖢᑎᒃ ᐊᖅᓵᖅᑕᐅᕙᒃᖢᑕ ᑕᐃᒪᓐᓇ ᖁᓂᐊᓇᖅᑐᐊᓘᕙᓚᐅᖅᓯᒪᔪᖅ ᓵᓚᖃᕈᒪᓗᐊᕐᓂᑯᒧᑦ. ᐊᒪᕉᔭᖅᐸᒃᖢᑕ ᐊᒻᒪ ᑖᖅᓯᖃᑦᑕᓕᕌᖕᒐ ᓄᓇᖕᒧᐊᖃᑦᑕᖅᑐᑎᑦ ᓲᕐᓗ ᐅᔭᕋᓱᒃᔪᕈᓗᖕᒧᑦ ᑭᓱᒥᓪᓗᒃᑭᐊᖅ. ᐊᒻᒪ ᐊᒪᕐᕈᖅ ᑕᕝᕙ ᐅᓪᓚᒃᓯᖕᒪᑦ ᐊᒪᕉᔭᖅᖢᓂ ᐅᕙᒍᑦ ᑕᐃᑯᖕᒐ ᓄᓇᒧᑦ ᓄᓇᒋᔭᑦᑎᓐᓄᑦ ᑎᑭᐅᑎᓇᓱᒃᐸᒃᖢᑕ ᑎᑭᖖᒋᓐᓂᑦᑎᓐᓂᒃ ᐊᒃᑐᖅᑕᐅᔪᖃᕌᖕᒐᑦ ᑖᓐᓇ ᐊᑦᑐᖅᑕᐅᔪᖅ ᐊᒪᕈᖖᒍᖅᐸᒃᖢᓂ ᑕᐃᒪᓐᓇ ᖁᐃᓕᖅᑕᓇᖅᑕᐅᓘᕙᓚᐅᖅᓯᒪᔪᖅ.

‍

ᔫᐋᓐ: ᑖᓐᓇᑦᑕᐅᖅ ᐱᖖᒍᐊᖃᑦᑕᓚᐅᖅᓯᒪᒻᒥᒐᒃᑯᑦ ᒥᑭᔫᑦᓱᖕᒐ ᖁᕕᐊᓈᓘᕙᓚᐅᖅᓯᒪᔪᖅ. ᐊᒪᕉᔭᖅ. ᐊᒪᕉᔭᖖᒍᐊᖅᑐᖅ.

‍

ᒫᓂᑲ: ᒫᓐᓇᓕ ᒪᑯᐊ ᐊᓃᕋᔭᓗᐊᖅᐸᒍᓐᓃᖅᑐᑦ. ᐅᖄᓚᐅᑎᕋᓛᖅ ᑐᐱᐅᑉ ᐃᓗᐊᓂ ᑕᕝᕙᓕ ᐅᓪᓚᔭᒃᖢᑕ ᖁᕕᐊᓇᖅᑐᖅ ᐃᓪᓚᒪᔭᒃᖢᑕ ᐊᒻᒪ ᐃᖃᐃᓕᓴᖅᖢᑕ ᐱᕙᓚᐅᖅᓯᒪᒐᓗᐊᕋᑦᑕ.

‍

ᔫᐋᓐ: ᐃᒫᓪᓚᕆᒃ ᐊᓃᖖᒍᐊᖅᑐᕕᐅᓂᐅᑦᓱᓂ ᓲᓛᕆᔪᕕᓂᐅᑦᓱᓂ ᐅᓐᓄᒃᑯᑦ ᓯᓂᑦᓯᐊᑦᑕᖅᑯᖅ ᑕᖃᑎᖅᓯᑦᓯᐊᖅ ᕿᑦᑕᐃᖕᒐᑐᐃᓐᓇᖃᑦᑕᓕᕐᒪᑕᓕ ᐊᓪᓛᑦ ᒫᓐᓇ ᐅᕕᒃᑲᓛᑦ ᓱᕈᓰᑦ. ᐅᖄᓚᐅᓯᕆᓂᑯᒧᑦ ᕿᑦᑕᐃᖕᒐᔪᐃᑦ ᑎᒥᖕᒋᑦ ᐊᐅᓚᖖᒋᓗᐊᕐᓂᑯᒧᑦ.

‍

ᒫᓂᑲ: ᐊᒻᒪ ᓯᓂᒐᓱᓕᕌᖕᒐᑦᑕ ᐃᓛᓐᓂᒃ ᐅᓂᒃᑳᖅᑐᐊᕐᕕᐅᕙᒃᖢᑕ. ᑕᐃᒪ ᐅᓂᒃᑳᕐᕕᐅᖕᒍᔭᖅᖢᑕ ᓯᓂᓕᖅᐸᒃᖢᑕ ᐃᓛᓐᓂᓘᓐᓃᑦ ᓇᓗᓇᖅᐸᓚᐅᖅᑐᖅ ᑕᐃᓐᓇ ᑭᕕᐅᖅ ᑕᑭᓗᐊᖅᑕᐅᓘᖕᒪᑦ ᐃᓚᖕᒐᑦ ᑐᓴᕈᓐᓇᖅᐸᓚᐅᖅᓯᒪᖖᒋᑕᕋ ᐃᓐᓇᐅᓕᖅᖢᖕᒐ ᑭᓯᐊᓂ ᐃᓗᐃᑦᑑᓪᓗᒍ ᑕᓴᖃᑦᑕᓕᑕᐃᓐᓇᓚᐅᖅᓯᒪᔭᕋ.

‍

ᔫᐋᓐ: ᖃᓄᐃᑦᑐᓂᓪᓖ ᐱᖖᒍᐊᕈᓯᕐᓂᒃ ᕿᑐᕐᖕᒐᑎᑦ ᐃᕐᖕᒍᑕᑎᓪᓗ ᐱᖖᒍᐊᖃᑦᑕᖅᓯᒪᕙᑦ ᓱᓇᐃᓪᓕ ᐊᓯᔾᔨᖅᓯᒪᓕᖅᐸᑦ ᑕᐃᔅᓱᒪᓂᐅᓚᐅᖅᓯᒪᒻᒪᓂᒃ?

‍

ᒫᓂᑲ: ᑕᐃᒃᑯᓂᖕᒐ ᓱᓕ ᐱᖖᒍᐊᖅᑎᓲᒃᑲᑦ, ᕿᒻᒥᖖᒍᐊᑦ ᐃᒪᓐᓇ ᒪᑭᑦᑕᖅᑎᒃᖢᒋᑦ ᓇᓚᐅᑦᑖᖅᑎᒃᖢᒋᑦ ᑕᐃᒪ ᐃᒪᓐᓇᐅᕙᓚᐅᖅᓯᒪᖕᒪᓕ ᑕᐃᔅᓱᒪᓂ ᐊᑖᑕᒃᑯᒃᑲ ᓇᑦᑎᕋᓱᒋᐊᖅᓯᒪᒃᐸᑕ ᐊᑖᑕᒐ ᑕᐃᒪ ᓇᑦᑎᖅᓯᒪᓗᓂ ᑎᑭᑦᑕᕐᓂᐊᖅᐳᖅ ᒪᑭᖕᒪᑦ ᓇᑦᑎᖅᓯᒪᔪᖅ ᒪᑭᖖᒋᒻᒪᑦ ᓇᑦᑎᔾᔮᖖᒋᓚᖅ. ᑕᐃᒪᓐᓇᓕ ᐱᖖᒍᐊᖅᑐᑕᓖ ᓇᑦᑎᓕᕆᖖᒋᑦᑎᐊᖅᑐᑕ ᒪᑭᑦᑎᔪᖅ ᑖᓐᓇ ᐱᙳᐊᖅᑕᑦᑎᓐᓂᑦ ᐲᔭᐃᓕᕐᓗᓂ ᒪᑭᑦᑎᖖᒋᑦᑐᖅ ᑐᓂᓯᕙᒃᖢᓂ ᑕᐃᔅᓱᒥᖕᒐ ᕿᒻᒥᖖᒍᐊᕈᓗᖕᒥᒃ ᐊᑐᓲᖕᒍᓪᓗᖕᒐ ᓱᓕ ᐊᒻᒪ ᑭᓱᒥᒡᓗᐃᓐᓇ ᕿᓚᕈᔾᔮᖅᑎᕆᑎᓲᒃᑲ ᐊᒃᓱᕈᕐᓇᕋᓗᐊᖅᐸᑦ ᕿᓚᕈᔾᔮᖅᑎᕆᑎᓲᒃᑲ ᐊᒻᒪ ᐃᒪᓐᓇᐅᕙᓚᐅᖅᓯᒪᖕᒥᔪᖕᒐ ᐃᒪᓐᓇ ᓲᕐᓗ ᐃᔾᔪᑎᒋᔪᒥᒃ ᑭᓱᖖᒍᐊᓕᐅᕋᒪ ᐊᖕᒪᖅᑎᖅᖢᒍ ᒥᖅᓱᕆᐅᖅᓴᑎᒃᖢᒋᑦ ᑕᕝᕙ ᐊᖕᒪᔪᑯᓗᐃᑦ ᐃᒃᑯᐊ ᓄᕗᖃᑦᑎᐊᖖᒋᒃᑐᑦ ᓯᓕᒃᑐᑦ ᓄᕕᖅᓵᒃᓴᖅᓯᐅᑎᑯᓗᖕᒥ ᑕᐃᒪᐃᑦᑐᒥᒃ ᒥᖅᑯᑎᖃᖅᑎᒃᖢᒋᑦ ᒥᖅᓱᖅᑎᒃᐸᓚᐅᖅᓯᒪᔭᒃᑲ ᐱᔭᒃᓴᖃᖅᑎᓐᓇᓱᒧ ᐊᒻᒪ ᐊᒡᒐᖕᒋᑦ ᐱᒋᐅᖅᓴᓂᐊᕐᒪᑕ ᐃᓕᓐᓂᐊᓕᕈᑎᒃ ᑎᑎᕋᕈᓐᓇᖅᓯᔾᔫᒥᓂᐊᕐᒪᑕ.

‍

ᔫᐋᓐ: ᓱᓇᐅᓯᒪᕙᑦ ᐃᓚᖕᒋᑦ ᐃᓕᓐᓂᐊᕋᑦᓴᐃᑦ ᐱᖖᒍᐊᕐᓂᒃᑯᑦ, ᖃᓄᕐᓕ ᐃᓕᑦᓯᒪᕕᑦ? ᐆᒃᑑᑎᒋᓗᒍ ᐅᖃᖅᑲᐅᒐᕕᑦ ᐅᖃᕋᑖᕋᕕᑦ ᐊᒡᒐᖕᒋᑦ ᓅᒋᐅᖅᓴᖅ ᒥᑭᔫᓂᖕᒋᓐᓂᒃ ᒥᖅᓱᑦᓯᐊᓲᖕᒍᓛᕐᒪᑕ ᐅᕝᕙᓗ ᐊᐳᒻᒥᑦ ᓴᓇᖖᒍᐊᕆᐅᖅᓴᖅ ᑕᒪᒃᑯᐊᒐᓚᐃᑦ ᐃᓕᓐᓂᐊᕈᑎᒃᓴᒐᓚᐃᑦ. ᑭᐅᒌᖅᑲᐅᒐᕕᐅᑦ ᑖᓐᓇ ᒪᒥᐊᓇᖅ ᖄᖕᒋᑲᐃᓐᓇᖅᑕᕋ. ᖃᓪᓗᓈᓂᒃ ᑐᓴᖃᑦᑕᖅᓯᒪᕗᒍᑦ ᓱᕈᓰᑦ ᐃᓱᒪᖅᓱᖖᒋᓐᓂᖅᓴᐅᒋᐊᓂ ᐱᖖᒍᐊᕐᓂᕐᒥᒃ ᓲᕐᓗ ᐋᖅᑭᒃᓱᖅᓯᒪᒌᖅᑐᓂ ᑭᓯᐊᓂ ᐱᖖᒍᐊᓲᖕᒍᓕᕐᒪᑕ ᐃᒻᒥᓂᕿᑎᑕᐅᓗᐊᕋᑏᑦ ᒫᓃᖅᑭᑎᑕᐅᓗᕋᑎᑦ ᐊᓃᕈᓐᓇᐃᓪᓕᒻᒪᑕ ᒫᓐᓇᐅᓕᖅᑐᖅ, ᖃᓄᐃᑉᐸᓕ ᑕᐅᓇᓂ ᖃᓪᓗᓈᓂᑦ?

‍

ᒫᓂᑲ: ᑕᐃᒪᓐᓇᐃᓛᒃ ᑲᒪᒋᔭᐅᑦᑎᐊ ᓲᖃᐃᒻᒪ ᓄᓇᓯᐅᑎᓂᓪᓗ ᐊᐳᖅᑕᐅᑐᐃᓐᓇᕆᐊᖃᖅᑐᑎᒃ ᑖᒃᑯᐊ ᐆᔭᐅᔭᖖᒍᖅᑐᑦ ᐅᔾᔨᕈᓱᑦᑎᐊᕆᐊᕆᑦ ᐊᕗᖕᒐᓗ ᐊᕗᖕᒐᓗ ᕿᕕᐊᓚᐅᖅᓗᑎᒃ ᑕᐃᒪᐃᑦᑐᖅᑕᖃᖖᒋᒃᑕᕌᖕᒐᑦ ᐃᑳᕆᐊᖅᐸᒃᑐᑎᑦ ᐊᒻᒪ ᑕᓕᖅᐱᒃ ᐊᖅᑯᑎᐅᑉ ᑕᒪᑐᒥᖕᒐ ᑕᓕᖅᐱᐊᓃᒃᐸᓪᓗᑎᒃ ᖃᐃᔪᓂᑦ ᐅᔾᔨᕈᓱᖕᓂᐊᕋᕕᑦ ᐊᕘᓇᖕᒑᑦ ᐱᓱᒃᑯᕕᑦ ᑕᐅᑐᔾᔮᖖᒋᓐᓇᕕᑦ ᑕᒪᓐᓇ ᑭᓯᐊᓂ ᑕᐃᒪᓐᓇ ᐅᖃᐅᔾᔭᐅᕙᓪᓕᐊᖕᒋᓐᓇᖅᖢᑎᒃ ᐃᒻᒥᓂ ᐃᓛᒃ ᑕᐅᓇᓂᓖ ᓄᓇᓕᐸᐅᔭᕐᓂᒃ ᐱᖃᑎᒌᓐᓇᕐᓗᒋᑦ ᑭᓯᐊᓂ ᐱᕙᒻᒥᔪᑦ ᒪᑯᓇᓂ ᑎᓱᕋᕐᕕᖕᓂᓗ ᐱᖖᒍᐊᕐᕕᖕᓂ ᐃᒻᒥᓂᕿᔪᓐᓇᕋᓚᐅᖅᖢᑎᒃ.

‍

ᔫᐋᓐ: ᐊᖕᒐᔪᖅᑳᓕᔭᐃᓐᓇ ᐸᐃᕆᑦᓯᔨᓕᔭᐃᓐᓇᕆᐊᓖᑦ ᑭᓯᐊᓂᖕᒐᐃ ᑕᐅᕙᓂ.

‍

ᒫᓂᑲ: ᐄ, ᖃᖕᒐᓕᒫᖅ ᒪᑯᐊᓗ ᓇᓗᓇᕐᒪᑕ ᐃᓄᐃᑦ ᐃᖅᓯᓇᓲᖕᒍᓪᓗᑎᒃ ᑎᓪᓕᓲᖕᒍᓪᓗᑎ ᖃᓄᑐᐃᓐᓈᓲᖕᒍᒻᒪᑕ ᖃᐅᔨᓴᐃᓐᓇᐅᔭᕆᓖᑦ ᕿᑐᕐᖕᒐᖕᒋᑦ.

‍

ᔫᐋᓐ: ᐅᔾᔨᕆᓯᒪᕕᐅᓪᓕ ᑕᒪᓐᓇ ᐅᑭᐅᖅᑕᖅᑐᒥ ᓄᓇᕘᒥ? ᐸᐃᕆᔭᐅᖕᒋᓐᓇᕆᐊᓖᑦ ᐆᒃᑑᑎᒋᓗᒍ ᕿᑐᕐᖕᒐᕗᓪᓕ ᒫᓂ ᓄᓇᓕᕋᓛᖕᒍᓂᖅᓴᐅᒐᑦᑕᓖ ᒫᓂᖅᑭᓂᖅᓴᐅᒻᒪᑕ ᐃᓚᒌᒐᓚᐅᖕᒋᓐᓇᐅᑦᓱᑕᓗ ᐃᓛᒃ ᐃᓅᑦᓱᑕ ᑕᒪᓐᓇᓕ ᖃᓄ ᐅᔾᔨᕆᕕᐅᓪᓖ ᐅᑭᐅᖅᑕᖅᑐᒥ ᑕᐃᒪᐃᓕᖕᒐᒋᐊᖕᒐ ᐅᕝᕙᓗ ᐊᓯᔾᔨᕙᓪᓕᐊᕙ?

‍

ᒫᓂᑲ: ᐃᓛᒡᓕ ᐊᖅᑯᑎᒃᑰᕐᓂᐊᕐᓗᓂᑦᑕᐅᖅ ᐱᖃᑎᖃᕆᐊᓕᒃ ᒥᑭᓗᐊᖅᑎᓪᓗᒋᑦ ᐸᐃᕆᔨᖃᕐᓗᑎᒃ ᑭᓯᐊᓂᐅᒐᓗᐊᕆᓪᓗᑎᒃ ᐊᖕᒋᓂᖅᓴᕈᖅᑎᓪᓗᒋᑦ ᐃᓱᒪᖅᑎᕐᓂᖅᓴᐅᓪᓗᒋᑦ ᐃᒪᓐᓇ ᐊᒃᑕᕐᓇᖅᑐᓂ ᓇᒻᒥᓂᖅ ᖃᐅᔨᖃᑦᑕᕆᐊᖃᖅᑐᑎᓪᓗ ᐊᔪᕐᓇᖅᓯᔭᕌᖕᒐᑦ ᓲᕐᓗ ᐃᑳᕆᐊᖃᖅᐸᑕ ᐃᒻᒥᓂᒃ ᒥᓯᒡᓗᑎᒃ ᐱᔪᓐᓇᖅᓯᓇᓱᒋᐊᓖᑦ ᐊᒃᑕᕐᓇᓗᐊᖖᒋᑦᑕᕌᖕᒐᑦ ᐃᒻᒥᓂᒃ ᐱᒋᐅᖅᓴᑎᑦᑎᓂᖅᓴᐅᖅᑰᔨᒻᒪᑕᓕ ᑕᒫᓂ ᐱᓱᔪᒃᐸᒃᖢᑎᑦ ᓄᓂᕙᒋᐊᖅᑐᑎᒃ

ᐃᓱᒪᐃᓐᓇᕿᓪᓗᑎᒃ ᐱᖃᑎᖃᖅᖢᑎᐅᒐᓗᐊᖅ, ᑕᐃᒪᓐᓇ ᐃᒻᒥᓂᒃ ᓲᕐᓗ ᐃᒻᒥᓂᒃ ᖃᐅᔨᓴᕐᓂᖅᓴᐅᖕᒪᑕ ᐊᔪᖅᑕᒥᓂᒃ ᐊᔪᕈᓐᓃᖅᓴᓂᖅᓴᐅ ᐃᒻᒥᓂᒃ ᐱᓇᔪᖕᓂᖅᓴᐅᖅᑰᔨᔪᑦ ᑕᒪᓂ ᖃᐅᔨᓴᖅᑕᐅᓗᐊᕌᓗᖖᒋᒃᖢᑎᒃ ᐊᐅᓚᑕᐅᓗᐊᕌᓗᖖᒋᖦᖢᑎᒃ ᑕᐃᒪᓐᓇ ᐃᒃᐱᒋᔪᓐᓇᕐᓂᖅᓴᐅᖅᑰᔨᓱᑦ ᐃᒻᒥᓂ ᖃᐅᔨᒪᓇᓱ ᐅᓇ ᐊᔪᕋᒃᑯᑦ ᐊᔪᕈᓐᓃᖅᓴᒋᐊᖃᖅᑕᕋ ᐃᓂᖅᑎᖅᑕᐅᓂᕐᒨᖖᒋᑦᑐᖅ ᐃᒻᒥᓂᒃ ᐱᔪᓐᓇᖅᓯᓂᖅᓴᐅᖅᑰᔨᓲᑦ ᑕᒫᓂ.

‍

ᔫᐋᓐ: ᓱᓇᐅᕙᓪᓖ ᐃᓚᖕᒋᑦ ᐊᕝᕕᐊᕈᑏᑦ ᐱᖖᒍᐊᕐᓂᐊᕐᓗᓂ ᓄᓇᕗᒻᒥ ᐱᑕᖃᖖᒋᑐᐃᓐᓇᕆᐊᓖᑦ ᖃᓪᓗᓈᑦ ᓄᓇᖕᒋᓐᓂ? ᐆᒃᑑᑎᒋᓗᒍ ᖃᓪᓗᓈᓂᓪᓕ ᐱᖖᒍᐊᕕᑦᓴᐃᑦ ᐊᒥᓲᒻᒪᑕ ᓯᑐᕋᕆᐊᖅᑐᐃᑦ ᒪᑯᐊ ᓱᓇᐃᓪᓕ ᐃᓚᖕᒋᑦ ᐊᕝᕕᐊᕈᑎᐅᔪᕆᕕᒋᑦ ᐅᑭᐅᖅᑕᖅᑐᒥ ᐱᙳᐊᓂᕐᒧᑦ ᓱᕈᓯᕐᒧᑦ?

‍

ᒫᓂᑲ: ᐃᓛᒃ, ᓲᕐᓗ ᓇᓃᓐᓇ, ᒫᓂ ᐃᓕᓐᓂᐊᕐᕕᐅᑉ ᓯᓚᑖᓂ ᑎᓱᕋᕐᕕᐅᖕᒫ ᑕᐃᓐᓇ ᐊᑲᐅᑦᑎᐊᖅᑐᖅ ᑕᐃᓐᓇᓗ ᐊᖅᑯᑎ ᐳᖅᑐᓂᖅᓴᐅᓪᓗᓂ ᑕᒪᓐᓇᓗ ᑎᓱᕋᕐᕕᒃ ᐅᓇᓃᒃᖢᓂ ᐊᐳᖅᑕᐅᓐᓇᖖᒋᑦᑐᖅ ᑕᐃᓐᓇ ᐊᒃᑕᕐᓇᖖᒋᑦᑐᖅ ᑭᓯᐊᓂ ᐅᔾᔨᕆᔭᐅᖃᑦᑕᕆᐊᓕᒃ ᓲᕐᓗ ᑕᐅᕙᓂ White row-ᒥᑦ ᓵᑦᑎᐊᖕᒐᓂ ᑎᓱᕋᕐᕕᒋᓪᓗᒍ ᐊᖅᑯᑎᒧᐊᔭᓐᓇᕐᒪᑦ ᑕᒪᓐᓇ ᐊᒃᑕᕐᓇᕈᓐᓇᖅᖢᓂ ᐊᒻᒪᓗ ᐱᓱᔪᒃᓯᒪᓪᓗᓂ ᐅᔾᔨᕈᖅᓱᕆᐊᖃᕐᓇᖅᑐᓂ ᓇᓄᖅᑕᖃᖖᒋᒃᑲᓗᐊᕐᒪᖕᒑᑦ ᒫᓐᓇᓕ ᓇᓄᐃᑦ ᓇᓂᑐᐃᓐᓈᖅᑐᑦ ᐊᐅᔭᒃᑯᑦ ᐃᓛᒃ ᐱᓗᐊᖅᑐᒥᒃ ᓇᓂᑐᐃᓐᓈᖅᑐᐊᓘᖃᑦᑕᓕᕐᒪᑕ ᖃᐅᔨᓴᖃᑦᑕᕆᐊᓖᑦ ᐅᔾᔨᖅᓱᖃᑦᑕᕆᐊᓖᑦ ᐅᖃᐅᑎᔭᐅᓱᖕᒐᖅᑲᑕ ᓇᓄᖅᑕᖃᖖᒋᒃᑲᓗᐊᕆᐊᒃᓴᖕᒐᓂᒃ ᖃᐅᔨᒋᐊᖅᐸᒡᓗᑎᒃ ᐃᓛᒃ ᓄᓇᓕᒃ, ᑕᒫᓂᑭᐊᖅ ᖃᓄᖅ ᐱᕙ? ᓇᓄᖅᑕᖃᕋᔭᒋᐊᒃᓴᖅ ᐃᒡᓗᓕᖕᒥᓕ ᑎᑭᕌᓲᕌᓘᓕᕐᒪᑕ.

‍

ᔫᐋᓐ: ᑕᐃᒪᑦᑕᐅᖅ ᑭᖖᒐᒥᐅᑕᑦᓴᔭᐅᒐᒪᑦᑕᐅᖅ ᑎᑭᕌᖅᐸᒃᑐᐃᑦ ᒪᐅᖕᒐ ᐃᖃᓗᖕᓄᑦ ᑎᑭᕌᖕᒋᓐᓂᖅᓴᐹᓘᓗᐊᖅᓚᑐᖅᐸᓪᓚᐃᔫᒐᓗᐊᖅ ᑭᓯᐊᓂ ᓄᓇᓕᖕᓄ ᑎᑭᕌᓪᓚᕆᐊᓗᓲᑦᓯᐊᒪᕆᐅᓕᖅᑐᐃᑦ ᓇᓄᐃᑦ ᐃᖅᓯᒐᑎᑦ ᒪᑯᐊ ᐊᑦᑕᕕᒻᒧᑦ ᑖᕙᓂ ᑐᕌᖅᓱᑎᑦ ᐊᓪᓛᑦ ᓄᓇᓕᐅᑉ ᐃᓗᐊᓃᓯᕙᑦᓱᑎᑦ ᐃᓛᓐᓂᒃᑯᑦ.

‍

ᒫᓂᑲ: ᑭᓯᐊᓂ ᑕᐃᒪ ᐊᑦᑕᕐᓇᖅᑐᐊᓘᓕᖅᑐᑦ ᒪᑯᐊ ᓱᐴᖅᑐᒐᐃᓪᓗ ᐋᖕᒐᔮᕐᓇᖅᑐᑦ ᓱᕐᕋᖕᓇᖅᑐᑦ ᐃᒃᑯ ᐱᕋᔭᐃᑦ ᓄᑕᖅᑲᓄᓪᓘᓐᓃᑦ ᑐᓂᓯᓇᓱᒃᐸᓕᕐᒪᑕ ᐊᔪᕆᓲᑎᖃᑦᑕᕆᐊᖃᖅᑕᕗᑦ ᐃᒪᐃᑦᑐᐃᑦ ᓱᕐᕋᖕᓇᖅᑑᒻᒪᑕ ᑐᓂᔭᐅᒍᕕᑦ ᐋᒃᑳᕐᓂᐊᖅᐳᑎᑦ ᐊᖕᒋᖃᑦᑕᖖᒋᓪᓗᑎᑦ ᑐᓂᔭᐅᓇᓱᒃᑯᕕᑦ ᓄᖕᒍᓴᒐᐅᓇᓱᒋᒐᓗᐊᕈᕕᒋᑦ ᑕᐃᒪᐃᑦᑑᑐᐃᓐᓇᕆᐊᖃᕐᒪᑕ ᑕᐃᒪᑐ ᐊᑦᑕᕐᓇᖅᑑᕗᑦ. ᖃᓄᕐᓗᑭᐊᖅ ᐊᑦᑕᕐᓇᕋᔭᖅᐸᐃ? ᐃᓄᑑᓗᑎᒃ ᐅᒥᐊᖅᑐᕋᓱᒋᐊᖃᖖᒋᑦᑎᐊᖅᑐᑦ ᐃᓐᓇᖅᑕᖃᕐᓗᓂ ᑭᓯᐊᓂ, ᑕᒪᒃᑯᐊ ᖃᐅᔨᒪᔭᐅᔫᑦ.

‍

ᔫᐋᓐ: ᖃᓄᕐᓕ ᐱᙳᐊᕐᒥᒃ ᑕᐅᑦᑐᖃᓚᐅᖅᑲ ᐃᒃᑮᓇᖅᑎᓪᓗᒍ ᓯᓚ ᐊᒻᒪᓗ ᑖᓯᓲᖕᒍᓕᖅᑎᓪᓗᒍ ᐊᓃᑯᑖᕕᑦᓴᐅᔪᓐᓃᖅᑎᓪᓗᒍ?

‍

ᒫᓂᑲ: ᐅᕙᒍᓪᓕ ᐅᑭᐊᓪᓕᕕᖃᖅᑎᓪᓗᑕ ᐊᓃᕋᔭᒃᐸᓚᐅᖅᑎᓪᓗᖕᒐ ᕿᑭᖅᑖᕐᔪᖕᒥ ᐊᓃᑯᑖᓗᐊᒧᑦ ᐳᐊᓗᕗᑦ ᖁᐊᖅᐸᓚᐅᖅᓯᒪᖕᒪᑖ ᐊᒡᒐᐃᔭᓗᐊᓕᕌᖕᒐᒪ ᐃᓯᕋᒪ ᐊᓈᓇᒪ ᑕᕝᕙ ᐆᓇᖅᓯᒻᒪᑦ ᑕᕝᕙ ᐊᑎᓪᓗᒍ ᐊᑎᒐᒃᑯᑦ ᐊᓃᒃᑲᓐᓂᓕᕆᓪᓗᖕᒐ ᑕᐃᒪᓐᓇᐅᕙᓚᐅᖅᓯᒪᖕᒪᑦ. ᖃᓄᕐᖕᒋᓐᓇ ᐊᐱᕆᖅᑲᐅᕕᑦ ᐳᐃᒍᑦᑕᒻᒪᕆᒃᖢᖕᒐ?

‍

ᔫᐋᓐ: ᐆᑦᑑᑎᒋᓗᒍ ᒫᓐᓇᐅᓕᖅᑐᖅ ᐊᓃᖁᔭᐅᒍᓐᓃᕐᒪᑕᓖᑦ ᐱᖅᓯᓕᕋᐃᒻᒪ ᒪᑐᒪᑦᓱᑎᓗ ᐃᓕᓐᓂᐊᕖᑦ ᓱᕈᓰᑦ ᐃᓯᖅᓯᒪᖁᔭᐅᕙᓕᕐᒪᑕ ᑕᐃᑦᓱᒪᓂᐅᓚᐅᖅᑎᓪᓗᒍᓪᓕ ᐱᖅᓯᕐᒥᒃ ᐊᓃᖖᒍᐊᖅᐸᔪᔪᒎᑦ ᓯᑐᕋᖅᐸᑦᓱᑕ ᐅᐃᒪ ᑎᑦᑕᐅᕋᓛᖅ ᐊᓄᕆᒧᑦ ᒫᓐᓇᓕ ᑕᐃᒪᐃᒍᓐᓃᕐᒪᑦ ᖃᓄᖅ ᐊᓃᖖᒍᐊᖅᐸᔪᒋᕕᓪᓖ ᐱᖅᓯᖅᑎᓪᓗᒍ ᐅᕝᕙᓗ ᓯ ᑖᓕᖅᑎᓪᓗᒍ?

‍

ᒫᓂᑲ: ᖁᕕᐊᓇᖅᓯᑦᑎᐊᒻᒪᕆᖃᑦᑕᖅᑐᖅ ᐃᓕᓐᓂᐊᔾᔮᖖᒋᑦᑐᑯᓘᒐᑦᑕ ᐊᖕᒋᕐᕋᖅᑎᑕᐅᓪᓗᑕ ᐱᖅᓯᓗᐊᕐᒪᑦ ᐊᖕᒋᕐᕋᕋᑦᑕ ᐊᓃᕋᔭᒃᑐᐊᓘᓕᖅᖢᑕ ᑕᐃᒪᓐᓇ ᐊᐳᒻᒥᒃ ᐃᓗᖅᑐᖅᑎᕆᓪᓗᑕ ᑕᕝᕙ ᐊᒻᒪ ᖃᓄᑐᐃᓐᓇᖅ ᐃᔨᕌᖅᖢᑕ ᓲᖃᐃ ᐱᖅᓯᕐᒪᑦ ᑕᑯᒃᓴᐅᓇᓗᐊᑦᑎᐊᙱᖦᖢᓂ ᑕᐃᒪᓐᓇ ᐊᑯᓂᕈᓗᒃ ᓇᓂᔭᐅᖖᒋᖦᖢᓂ ᖁᕕᐊᓇᕈᓘᔭᕐᒪᑦ ᐊᓃᕋᔭᖕᓂᖅᓴᐅᕙᓚᐅᖅᑐᒍᓪᓕ ᐱᖅᓯᓕᕌᖕᒐᑦ. ᑖᖅᓯᑎᓪᓗᒍᓕ ᐃᓛᒃ ᓄᑕᖅᑲᑦ ᑲᑉᐱᐊᒋᔭᖃᕐᒪᑕ ᑖᖅᑐᒥ ᐃᖕᒥᓂᓪᓕ ᐃᓯᖅᓯᒪᑎᑐᐃᓐᓇᓲᑦ ᓚᐅᖅᑐᓪᓖᑦ ᕿᑐᕐᖕᒐᒃᑲ.

‍

ᔫᐋᓐ: ᐅᕕᒃᑲᓛᕈᖅᐸᓪᓕᐊᑦᓱᑎᓪᓖ ᒪᑯᐊ ᐆᑦᑑᑎᒋᓗᒍ ᐊᖅᓴᕐᓃᑦ ᐅᖃᐅᔾᔪᖅᑕᐅᕙᔪᒋᕕᓰᑦ ᐅᓂᒃᑲᐅᓯᖃᕆᕖᑦ?

‍

ᒫᓂᑲ: ᐄ, ᑕᐃᓐᓇᒎᖅ ᓂᐊᖁᕐᒥᒃ ᐊᖅᓴᖃᖅᑐᖅ, ᓂᐊᖁᐃᖅᓯᓲᖕᒍᒻᒪᒡᒎᖅ ᐅᒃᐱᕆᓗᐊᕐᓂᑯᒧᑦ ᑲᑉᐱᐊᒋᒐᑦᑎᒍᑦ ᑕᕝᕙ ᐊᖕᒍᑎᑦ ᑕᐸᓱᒃᖢᑎᒃ ᐅᕕᖖᒋᐊᖅᑐᐊᓘᒃᖤᖅᐳᑦ ᐅᕕᖖᒋᐊᓕᕌᖕᒐᑲ ᑐᓴᖅᓴᕈᒻᒪᕆᖃᑦᑕᖅᑐᑦ ᐊᖅᓴᕐᓃᑦ ᐱᕙᔪ ᑕᐃᒪ ᓂᐊᖁᐃᖅᓯᔭᖅᑐᖅᑐᐊᓗᒃ ᐃᓱᒪᒋᓪᓗᒍ ᑕᐃᒃᑯᐊ ᐅᕕᖖᒋᐊᕋᖅᑐᕈᓘᓕᕌᖕᒐᑕ ᐊᖕᒍᑎᑦ ᐃᒪᐃᓕᐅᖅᑐᐊᓗᕙᒃᖢᑎᑦ ᑕᐃᒪᐃᓕᐅᓕᕌᖕᒐᑕ ᐅᖕᒐᕙᕐᔫᒥᕙᒃᖢᑎᒃ ᑕᐃᒪᓐᓇᐅᕙᓚᐅᖅᓯᒪᔪᖅ.

‍

ᔫᐋᓐ: ᖃᓄᖅ ᐊᓃᖁᔭᐅᖖᒋᒨᑦ ᑖᓕᕋᐃᒻᒪᑦ? ᐅᖃᐅᔾᔭᐅᕙᒃᐱᓯᑦ ᑕᐃᒫᒃ ᐊᖅᓴᕐᓃᑦ ᓂᐊᖁᐃᖅᓯᓲᖕᒍᒋᐊᓂ?

‍

ᒫᓂᑲ: ᐅᓂᒃᑳᖅᑐᐊᖕᒍᖕᒫᑦ ᑐᓴᐅᒻᒪᓪᓗᑎᒍᑦ ᑕᐃᓐᓇ.

‍

ᔫᐋᓐ: ᓱᓕᔪᕆᕙᒃᑭᕕᓯᐅᒃ?

‍

ᒫᓂᑲ: ᐄ, ᐃᒪᓐᓇ ᐅᓂᒃᑳᖅᑐᐊᖕᒍᒐᓗᐊᖅ ᐃᓱᒪᒋᕙᓚᐅᖅᓯᒪᒐᒃᑯᑦ ᑕᐃᔅᓱᒪᓂᖃᐃ ᑕᐃᒪᐃᑉᐸᓪᓗᐊᓘᓐᓂᕐᒪᑕᐃ.

‍

ᔫᐋᓐ: ᐄ.

‍

ᒫᓂᑲ: ᐅᒃᐱᕆᓪᓗᒋᑦ, ᓱᓇᐅᕝᕙᐃᒃᑯᐊ ᐅᓂᒃᑳᖅᑐᐊᑐᐃᓐᓇᐃᑦ.

‍

ᔫᐋᓐ: ᐅᕙᖕᒐᓕᑦᑕᐅᖅ ᓇᖕᒥᓂᖅ ᓱᓕᔪᕆᕙᓚᐅᖅᓯᒪᒻᒥᔭᕋ ᑕᒪᓐᓇ. ᐅᕕᖖᒋᐊᓯᑐᐊᕈᕕᑦ ᓂᐊᖁᐃᖅᑕᐅᓂᐊᖅᑐᑎᑦ ᐅᕝᕙᓗ ᓇᓴᐃᖕᒐᒋᐊᖃᖖᒋᑦᑐᖅ ᓇᓴᖅᓯᒪᐃᓐᓇᕆᐊᓕᒃ ᐅᑭᐅᖕᒍᓕᕋᐃᒻᒪ ᐱᓗᐊᖅᑐᖅ.

‍

ᒫᓂᑲ: ᑭᓯᐊᓂ ᑕᐃᒪ ᐊᐅᔭᒃᑯᓪᓕ ᕿᖅᑯᐊᓂᒃ ᐃᐸᕋᓂᖃᑦᑕᖁᔭᐅᕙᓚᐅᖅᓯᒪᖖᒋᑦᑐᑦ ᐊᓄᕌᓕᖅᑎᑦᑎᑐᐃᓐᓇᕆᐊᖃᕐᒪᑕ. ᓱᓇᐅᕝᕙᐃᑯᐊ ᐃᒪᓐᓇ ᐅᖃᐅᑎᔭᐅᒍᑎᒃ ᕿᖅᑯᐊᓂᒃ ᐃᐸᕋᐅᑕᖃᖃᑦᑕᕆᐊᖃᖖᒋᑦᑐᑎᑦ ᓯᒡᔭᖅ ᓯᐅᕋᖃᕐᒪᑦ ᑕᐃᒪᐃᓕᐅᓕᕈᕕᑦ ᖃᓄᕐᖕᒋᒃᑯᐊ ᐃᔾᔨ ᐄ, ᐃᔾᔨᑎᑦᑎᑐᐃᓐᓇᕆᐊᖃᕋᕕᑦ ᑕᐃᒪᐃᓕᐅᖖᒋᓪᓗᑏᖅᑕᐅᒑᖕᒐᒥᒃ ᓂᐱᖃ ᑕᐃᒪᐃᓕᐅᕋᓱᓕᓲᖕᒍᒻᒪᑕ. ᑕᐃᒪᓐᓇᖃᐃ ᓴᓪᓗᕿᑕᐅᓪᓗᑎᖕᒐᐃ ᕿᖅᑯᐊᓂᒃ ᐃᐸᕋᓂᖁᔭᐅᖃᑦᑕᖖᒋᑦᑐᑦ ᐊᓄᕌᓕᖅᑎᑦᑎᖤᕐᓂᐊᕐᒪᑕ ᐊᓄᕌᓕᖅᐸᑦ ᑕᕝᕙ.

‍

ᐊᓃᑲᑕᒍᓐᓃᕐᓂᐊᕐᓗᑎᒃ ᐊᓄᕌᖁᔨᖖᒋᒧᑦ ᕿᖅᑯᐊᓂᒃ ᐃᐸᕋᐅᑕᖃᕋᓱᒃᐸᖖᒋᖦᖢᑎᒃ. ᖃᓄᕐᓗᑭᐊᖅ ᑕᐃᒪ? ᑕᐃᒪᓐᓇ ᓲᕐᓗ ᐃᓂᖅᑎᖅᑕᐅᒍᓗᐊᖅᖢᑎᒃ ᐃᒪᓐᓇᐅᖦᖤᕐᓂᐊᕐᒪᑦ ᐅᖃᐅᑎᔭᐅᓪᓗᑎᒃ ᐃᒪᐃᓕᐅᖃᑦᑕᖖᒋᓗᒡᓗᑎ ᐃᒪᐃᓕᔭᐅᖖᒋᖦᖢᑎᒃ ᐃᒪᓐᓇ ᐱᒍᕕᑦ ᐃᒪᓐᓇ ᐱᔪᖃᕐᓂᐊᖅᑐᖅ ᐊᒻᒪ ᐊᒻᒪᓗ ᓯᐅᖅᑲᓂᒃ ᐸᐅᖕᒐ ᐃᒋᑦᑎᖃᑦᑕᖖᒋᓪᓗᑎᑦ.

‍

ᒪᖁᓕᖅᑎᑦᑎᖦᖤᕐᓂᐊᕋᕕᑦ ᓱᓇᐅᕝᕙ ᐃᔾᔨᑎᑦᑎᖦᖤᕐᓂᐊᕋᕕᑦ ᓯᐅᕋᕐᓂᒃ ᐃᒋᑦᑎᖃᑦᑕᖁᔭᐅᖖᒋᑦᑐᑦ ᑕᒪᒃᑯᓂᖕᒐ ᐃᒪᓐᓇ ᐃᒪᓐᓇᖕᒑᖅ ᐅᖃᐅᔾᔨᕙᓚᐅᕐᒪᑕ.

‍

ᔫᐋᓐ: ᓱᓇᓂᓪᓖ ᓱᕈᓰᑦ ᐊᑑᑎᖖᒋᓚᑦ ᐱᖖᒍᐊᖃᑦᑕᖖᒋᑉᐸᑕ ᒫᓐᓇ? ᐅᖃᖅᑲᐅᒐᕖᓛᒃ ᓄᑭᕗᑦ ᑎᒥᕗᑦ ᐱᒋᐅᖅᓴᕆᐊᓖᑦ ᐊᒻᒪ ᐱᐅᓗᐊᖅᑐᑦ ᒥᑭᔫᓂᖕᒋᓐᓂᒃ ᓱᕈᓰᑦ ᑖᒃᑯᐊ ᐊᑐᕆᐅᖅᓴᕐᓗᒋᑦ ᖃᓄᕐᓖ ᓱᓇᓂᓪᓕ ᓱᕈᓰᑦ ᐊᑑᑎᖖᒋᓚᑦ? ᒫᓐᓇ?

‍

ᒫᓂᑲ: ᖃᓅᒐᓗᐊᑭᐊᕐᖕᒐᐃ? ᑕᐃᔅᓱᒪᓂᓖᓛᒃ ᑎᓱᕋᐅᑎᖃᖖᒋᒃᑯᑦᑕ ᕿᓯᖕᓂᒃ ᑎᓱᕋᐅᑎᖃᖅᑎᑕᐅᕙᓚᐅᖅᓯᒪᒐᑦᑕ ᓱᓇᐅᕝᕙᓗ ᐱᕈᓐᓇᖅᓴᖅᖢᑎᒍᑦ ᕿᓪᓕᖅᓴᖅᖢᑎᒍᑦ ᓱᓇᐅᕝᕙ ᒪᔪᕋᑲᑕᒋᐊᒃᓴᖅ ᐊᒃᓱᕈᕐᓇᖅᑐᕈᓘᒐᓗᐊᖅᖢᓂ ᖁᕕᐊᓇᕐᒪᑦ ᑎᓱᓪᓗᓂ ᑕᐃᒪᓐᓇ ᐱᖃᐃᓕᓴᕐᓂᖅᓴᐅᕙᓚᐅᖅᓯᒪᔪᑦ ᒫᓐᓇᓕ ᐃᓕᓐᓂᐊᕐᕕᖕᒥ ᐱᑎᑕᐅᕙᒃᑑᒐᓗᐊᖅ ᐊᖕᒋᕐᕋᑦᑎᓐᓂᑦ ᑕᐃᒪᐃᓕᐅᖅᑎᑕᐅᖖᒋᓗᐊᖅᑐᑦ ᑕᕐᕆᔭᕐᒪᑕ ᑕᕝᕙ ᐅᖄᓚᐅᓯᕆᖕᒪᑕ ᐱᖖᒍᐊᕐᒪᑕ ᑕᐃᒪᓐᓇ ᑎᒥᖕᒋᑦ ᓄᖅᑲᖕᒑᑐᐃᓐᓇᓕᖅᑐᑦ ᐊᓃᕋᔭᖃᑦᑕᕐᓂᖅᓴᐅᒍᑎᒃ ᐃᖃᐃᓕᓴᖅᔫᒥᓇᔭᕋᓗᐊᖅᑐᑦ.

‍

ᔫᐋᓐ: ᑎᒥᖕᒋᑦ ᐊᑐᐃᓐᓇᕈᖅᓂᖅᓴᐅᒐᔭᖅᑎᓪᓗᒋᓇᐃ ᒥᑭᓲᑎᓛᑦ.

‍

ᒫᓂᑲ: ᐄ.

‍

ᔫᐋᓐ: ᐃᖃᐃᓕᓴᖅᓯᒪ ᓄᑭᖕᒋᑦ ᐊᐅᓚ ᑎᒥᖕᒐᑦ. ᐃᒻᒥᓃᓛᒃ ᑕᐃᒫᒃ ᓱᕈᓰᑦ ᐃᓕᓚᖕᒐᒻᒪᑕ ᐱᒋᐅᖅᓴᓚᖕᒐᒻᒪᑕ ᐊᓃᖃᑦᑕᕈᑎᒃ ᐆᒃᑐᖃᑦᑕᕈᑎᒃ ᑕᒪᒃᑯᓂᖕᒐᒐᓚᒃ.

‍

ᒫᓂᑲ: ᒫᓐᓇᓕ ᐋᒻᒪᑲᓴᐅᑎᑕᐅᕙᓚᐅ ᐃᓛᒃ ᐋᒻᒪᑲᓴᐅᑎᕙᓚᐅᖅᓯᒪᒐᑦᑕ ᐋᒻᒪᑲᓴᐅᑎᕙᒃᑐᑕ ᐊᒻᒪ ᐊᒡᓛᒡᓘᓐᓃᑦ ᕿᒧᒃᓯᖅᖢᑕ ᕿᒧᒃᓯᖃᑎᒋᔭᒃᑎᓐᓂᒃ ᑕᕝᕙ ᖃᒡᓕᒑᖕᒐᑦᑕ ᐊᒻᒪᒋᐊᖅᑐᐊᓪᓚᒍᑦ ᖃᒧᑎᑦᑎᓐᓄᑦ ᐃᑭᐊᓪᓚᕈᓗᒃᐸᒃᖢᑎᒃ ᖃᒡᓕᒻᒥᒍᑎᒃ ᑖᓐᓇ ᐋᒻᒪᒃᓯᔭᖅᑐᕐᓂ ᕿᒪᒑᖕᒍᓱᖕᒐᖅᖢᓂ ᑕᕝᕙ ᐅᓪᓚᒃᑐᖅ ᐃᒪᓐᓇᕐᔪᐊᕌᓗᒃ ᐱᕙᓚᐅᖅᓯᒪᖕᒪᑕᐃ ᐊᒻᒪ. ᐋᒻᒪᑲᓴᐅᑎᓂᖅ ᖃᓄᕐᓗᑭᕐᖕᒋᓐᓇ ᐃᓱᒪᒋᖅᑲᐅᒻᒥᔭᕋᓗᐊᕋ ᑎᒥᒧᑦ ᐱᒋᐅᖅᓴᓇᓱᖕᓂᖅ ᐱᓪᓗᒍ ᐃᖅᑲᐃᔪᓐᓇᐃᓪᓕᔪᖕᒐ.

‍

ᔫᐋᓐ: ᑖᒃᑯᐊᑦᑕᐅᖅ ᓯᓚᒥᒃ ᐱᖖᒍᐊᖅᐸᔪᒋᕕᓯᐅᒃ ᐆᒃᑑᑎᒋᓗᒍ ᓂᐅᒻᒧᒃ ᓄᒃᑭᒃᓴᐅᑏᑦ ᐊᑦᓱᕈᓕᐅᑎᔪᑦ ᓂᐅᒥᓄᑦ ᐅᕝᕙᓗ ᐅᒥᒻᒪᐅᔭᖖᒍᐊᖅᑐᑦ ᓵᓚᖃᕋᓱᐊᖅᑐᑦ ᐅᒥᒻᒪᐅᔭᖅᓱᑎᑦ ᑕᒪᒃᑯᐊᒐᓚᐃᑦ?

‍

ᒫᓂᑲ: ᐄ. ᐅᕝᕙᓘ ᒥᑎᑦᑖ ᖃᓄᑐᐃᓐᓇᖅ, ᑕᒪᒃᑯᐊᒐᓚᐃᑦ? ᐄ, ᓈᖖᒋᔭᖅᑎᑕᐅᕙᓚᐅᖅᓯᒪᖕᒥᒐᑦᑕ ᓱᒃᑲᓴᐅᒡᔪᐊᖅᑎᑕᐅᓪᓗᑕ ᓈᖕᒋᔭᖅᖢᑕ ᐊᒻᒪ ᖃᓄᕐᖕᒋᓐᓈ ᐳᐃᒍᓕᖅᑐᖕᒐᓕ ᑕᐃᓐᓇ ᐊᖁᕕᓯᒪᓪᓗᓂ ᐃᒪᐃᓕᐅᖅᑐᖅ.

‍

ᔫᐋᓐ: ᓯᖅᑐᖅᑕᖅ?

‍

ᒫᓂᑲ: ᓯᖅᑐᖅᑕ, ᐄ ᓯᖅᑐᖅᑕᖅ, ᐱᒡᓕᖅᑕᖅ ᐊᒻᒪᓗ ᓴᖕᒋᖅᑯᓴᐅᑎᓇᓱᒃ ᑕᐃᔅᓱᒪᓂᓕ ᐊᒃᖢᓈᕐᒥᒃ ᕿᓚᒃᖢᒍ ᐊᕗᖕᒐ ᐃᒡᓗᐊ ᕿᓚᒃᖢᒍ ᒪᐅᖕᒐ ᑖᓐᓇ ᐃᒡᓘᑦ ᐃᓗᐊᓂ ᑕᕝᕙᓂ ᓇᐸᔭᕋᖅᐸᒃᖢᑎᒃ ᐱᕙᓚᐅᖅᓯᒪᔪᑦ ᖃᓄᑐᐃᓐᓇᖅ ᖃᕝᕕᕋᓱᒃᐸᒃᖢᑎᒃ ᑕᐃᒪ ᐊᒃᓱᕈᖅᑎᑕᐅᕙᓚᐅᖅᓯᒪᔪᐃᓪᓕ ᑕᐃᔅᓱᒪᓂ ᑕᒪᒃᑯᐊᓗ ᖁᑦᑎᒃᑐᒥᒃ ᐊᖅᑭᓯᓇᓱᖕᓂᕐᓂᒃ ᑕᒪᒃᑯᐊᕈᓘᔮᓗᐃᑦ ᐃᓄᐃᑦ ᐱᖖᒍᐊᕈᓯᖕᒋᓐᓂᒃ ᐱᖖᒍᐊᖅᑐᑎᒃ ᖁᖖᒋᐊᖅᖢᒋᓪᓗ ᖁᕕᐊᓇᖅᑐᑯᓘᕙᓚᐅᕐᒪᑦ ᖁᕕᐊᒋᔭᐅᓪᓗᑎᓪᓗ ᐃᓐᓇᕐᓂᒃ ᑖᒃᑯᐊᓗ ᐃᖃᐃᓕᓴᖅᑎᑕᐅᓪᓗᑎᒃ ᑕᐃᒪᐃᓕᐅᖅᑎᑕᐅᕙᓚᐅᖅᓯᒪᒐᓗᐊᕐᒪᑕ.

‍

ᔫᐋᓐ: ᒫᓐᓇᐅᓕᖅᑐᕐᓕ ᑕᐃᒪᐃᓕᐅᖖᒋᓂᖅᓴᐅᓕᕐᒪᑕ ᑕᒡᒐ.

‍

ᒫᓂᑲ: ᑕᕝᕙᓂ ᐃᒡᓗᒥ ᐋᖅᑭᒃᓱᐃᕈᓘᔭᕐᓗᓂ ᑕᐃᒪᐃᓕᐅᖅᑎᑕᐅᔪᓐᓇᕋᓗᐊᕆᓪᓗᑎᒃ ᐱᔭᕆᐊᑭᒃᑐᖅ ᓂᐅᕕᕆᐊᑐᖖᒋᑦᑐᕐᓘᓐᓃᑦ ᓂᐅᕕᕐᕕᖕᒥ ᑕᒪᒃᑯᓂᖖᒐᒐᓚᒃ. ᐊᒃᓱ.

‍

ᔫᐋᓐ: ᐃᒻᒥᓂᒃ ᑕᐃᒫᒃ ᐱᖖᒍᐊᖅ ᐃᓅᑦᓱᑕ ᓱᓇᖃᓗᐊᕆᐊᑐᖖᒋᓐᓇᑦᑕ.

‍

ᒫᓂᑲ: ᐄ.

‍

ᔫᐋᓐ: ᓱᓇᖃᓗᐊᖖᒋᒃᑲᓗᐊᖅ ᒪᑯᐊ ᐊᑑᕈᓐᓇᖅᑕᐃᓐᓇᕗᑦ ᐅᔭᕋᐃᑦ ᓴᐅᓃᑦ ᐱᖖᒍᐊᕈᑏᑦ ᐊᒥᓲ

ᖃᓄᑐᐃᓐᓇᖅ ᐱᖖᒍᐊᕈᓐᓇᐅᑎᒋᔪᓐᓇᕋᑦᑎᒍ.

‍

ᒫᓂᑲ: ᐄ, ᐊᒻᒪ ᑕᐃᒪ ᑭᓱᐃᓛᖕᒋᒃᑯᐊ? ᐃᒍᓇᐅᔭᖅᐸᓚᐅᖅᓯᒪᖕᒥᒐᑦᑕ. ᐊᒥᓲᒡᓗᑎᑦ ᑖᒃᑯᐊ ᐃᒪᓐᓇ ᐃᖕᒋᒃᖢᑎᒃ ᓂᐅᖕᒋᒃ ᐊᖕᒪᓗᖅᓯᒪ ᕿᑎᐊᓃᑦᑐᖅ ᑖᓐᓇ ᕿᕋᑦᑕᑦᑎᐊᖅᖢᓂ ᐅᕐᕈᖕᒪᑦ ᑖᒃᑯᓇᖖᒐᑦ ᐊᔭᒃᑕᐅᕕᐊᓪᓕᐊ ᐅᐃᔾᔮᖅᑎᑕᐅᓪᓗᓂ ᐅᕐᕈᓚᐅᖖᒌᓐᓇᖅᑐᓂ ᓄᖅᑲᖅᐸᒃᖢᑎᒃ ᑖᒃᑯᐊᓕ ᑕᓕᕐᒥᓄᑦ ᓱᓇᐅᕝᕙ ᐃᖃᐃᓕᓴᖅᑎᑕᐅᔪᑦ ᖁᕕᐊᓇᑐᐃᓐᓇᕐᒪᓪᓕ ᖁᕕᐊᒋᓪᓗᓂᔾᔪᑦ ᓱᓇᐅᕝᕙᐅᑯᐊ ᐃᖃᐃᓕᓴᖅᑐᑦ.

‍

ᔫᐋᓐ: ᐄᕌᐱᒃ. ᐅᓇ ᑭᖕᒍᓪᓕᖅᐸᐅᑲᐃᓐᓇᓯᔪᖅ ᐊᐱᖅᑯᑎᒐ ᖃᓄᐃᓕᐅᕈᓐᓇᖅᑲᑦ ᐃᓄᐃᑦ ᑲᑐᔾᔨᖃᑎᒌᒐᓚᐃᓪᓗ ᓄᓇᕘᒻᒥ ᐊᔪᕐᓇᖖᒋᓐᓂᖅᓴᐅᑎᑦᑎᑦᓯᔪᓐᓇᖅᑳᑦ ᓱᕈᓯᕐᓄᑦ ᐃᓱᒪᖅᓱᕐᓗᑎᒃ ᐱᖖᒍᐊᕈᓐᓇᖁᓪᓗᒋᑦ? ᐆᑦᑑᑎᒋᓗᒍ ᐃᓄᐃᑦ ᖃᓄᖅ ᐱᑲᓐᓇᐃᕈᓐᓇᖅᑲᑦ ᑲᑐᔾᔨᖃᑎᒌᒐᓚᐃᓪᓗ ᐊᑐᐃᓐᓇᐅᓂᖅᓴᐅᖁᓪᓗᒍ ᐱᖖᒍᐊᕐᓂᖅ ᓱᕈᓯᕐᓄᑦ?

‍

ᒫᓂᑲ: ᐄ, ᐃᒃᑯᐊᓕ ᐃᒡᓗᓕᖕᒥ ᖁᕕᐊᓱᒡᕕᐅᑎᓪᓗᒍ ᐱᖖᒍᐊᕐᓇᐅᑎᓪᓗᒍ ᐊᔪᕆᖅᓲᔾᔨᑲᑕᓚᐅᖅᓯᒪᖕᒪᑕ ᑕᐃᔅᓱᒥᖕᒐ ᐅᖃᐅᓯᕆᖅᑲᐅᔭᖕᓂᒃ ᕿᑐᕐᖕᒐᕐᔪᐊᐱᒐᓕ ᓇᐅᒃ? ᐃᖅᑲᐃᓯᒋᒃᑲᓐᓂᓚᐅᖅᓯᒪᔭᕋ ᑖᒃᑯᐊ ᑭᐅᔪᑦ ᖃᓄᑐᐃᓐᓇᖅ ᖃᓄᑐᐃᓐᓇᖅ ᑭᐅᔪᓐᓇᖅᑐᖅ ᐃᓱᒪᖕᒐ ᐃᓱᒪᒃᑲᐅᓕᖅᑎᑕᐅᓲᖕᒍᔪᑦ ᑕᐃᒪᓐᓇ ᐃᓱᒪᓇᖖᒋᑦᑐᒥᒃ ᐃᓱᒫᔾᔪᕆᒃᓯᓪᓗᑎᓪᓗ ᐊᒻᒪᓗ ᖃᓄᑐᐃᓐᓇᐅᔪᓐᓇᕐᒪᑕ ᑕᐃᒪ ᐃᒪᐃᑦᑐᒥᒃ ᐴᖅᖢᒍᑦ ᐅᒥᐊᖅᑐᓕᖅᑎᖅᑲᐅᕙ ᖃᓄᑐᐃᓐᓇᑦᑎᐊᖅ ᑭᐅᔪᓐᓇᕐᒪᑕ ᑕᐃᒃᑯᓇᖖᒐᑦ ᐊᔪᕆᖅᓲᔾᔭᐅᓪᓗᑕ ᐃᓄᒋᐊᕐᒃᖢᑎᒃ ᓲᖃᐃᒻᒪ ᐱᖖᒍᐊᕐᕕᐅᖕᒪᑦ ᐊᓯᖕᒋᓐᓂᒡᓗ ᑕᐃᒪᓐᓇ ᐱᖖᒍᐊᕈᓯᕆᕙᓚᐅᖅᓯᒪᔭᖖᒋᓐᓂᒃ ᐊᔪᕆᖅᓲᔾᔨᑲᑕᓚᐅᖅᓯᒪᖕᒪᑕ ᑕᐃᒪᓐᓇ ᐊᑐᕐᓂᖃᖅᑐᖅ ᐳᐃᒍᖅᑕᕕᓂᕋᓗᐊᓐᓂᒃ ᐃᖅᑲᐃᖃᑦᑕᓕᓚᐅᖅᑐᖕᒐ ᓱᓇᐅᕝᕙ ᑕᐃᒪᐃᓕᐅᖅᐸᓚᐅᖅᓯᒪᔪᒍᑦ ᑕᐃᒪ ᐃᖅᑲᐃᕙᓕᖅᑐᖕᒐ ᑕᐃᓐᓇᓗ ᐊᒪᕉᔭᕐᓂᖅ

ᖃᐅᔨᒪᐃᓐᓇᖅᑐᒍᑦ ᑕᐃᒃᑯᐊ ᐅᖃᐅᓯᐅᑲᑕᒃᑐᑦ ᐅᖃᐅᓯᕆᖅᑲᐅᔭᒃᑲ ᖃᐅᔨᒪᐃᓐᓇᖅᑕᕋᓗᐊᒃᑲ ᒫᓐᓇᓕ ᒪᒃᑯᒃᑐᓂᑦ ᖃᐅᔨᒪᔭᐅᔪᓐᓃᕐᒪᑕ ᑕᑯᔭᐅᓚᐅᖅᓯᒪᓇᑎᒡᓗ ᐅᖃᐅᓯᐅᓚᐅᖅᓯᒪᒐᑎᒡᓗ ᑭᓯᐊᓂ ᑕᐃᒪ ᐊᔪᕆᖅᓲᔾᔭᐅᒐᑦᑕ ᐃᓐᓇᕐᓄᑦ ᐅᕙᓐᓄᓪᓕ ᐃᖅᑲᐃᓯᓇᓚᐅᖅᓯᒪᔪᑦ ᐊᒻᒪᓗ ᓄᑕᖅᑲᓄᑦ ᑕᐃᒪᐃᓕᐅᕆᐅᖅᓴᔾᔪᑎᒋᔪᓐᓇᕆᓪᓗᑎᒍᑦ ᐊᑐᕐᓗᓂᔾᔪᒃ ᐅᖃᐅᓯᖅ ᐅᖃᐅᓯᐅᔪᑦ ᐊᓱᕆᖅᓲᔾᔭᐅᕙᓪᓕᐊᓗᑎᒃ ᐱᔪᓐᓇᖅᓯᔪᓐᓇᖅᑐᑦ.

‍

ᔫᐋᓐ: ᑕᐃᒫᓪᓗ ᐅᖃᐅᓯᕆᖃᑦᑕᕈᑦᑎᒍᑦ ᑲᔪᖕᒋᖅᓴᐃᖃᑦᑕᕈᑦᑕ ᑕᒪᒃᑯᓇᖖᒐᑦ ᑭᓯᐊᓂ ᔭᒐᐃᔾᔮᖖᒋᑦᑕᕗᑦ ᐅᖃᐅᓯᕆᖃᑦᑕᕈᑦᑎᒍᑦ ᕿᑐᖕᒐᑦᑎᓐᓄᑦ ᐃᓚᒐᓚᑦᑎᓐᓄᑦ ᐊᓪᓛ ᐃᓕᓐᓂᐊᕕᒻᒥᐅᒐᓗᐊᖅ ᐸᐃᕆᕕᒻᒥ ᐱᓗᐊᖅᑐᖅ ᐅᖃᐅᓯᐅᔪᓐᓇᖅᐸᑕ ᑕᒪᒃᑯᐊ.

‍

ᒫᓂᑲ: ᐊᒃᓱᑦ. ᐃᓐᓇᕐᒥᒃ ᑕᐃᒪᓐᓇ ᐊᔪᕆᖅᓲᔾᔨᓗᑎᑦ ᐊᔾᔨᓕᐅᖅᑕᐅᓗᑎᓪᓘᓐᓃᑦ ᐃᓐᓇᐃ ᑕᕝᕙᐅᖖᒋᓕᕋᓗᐊᖅᑎᓪᓗᒋᑦ ᑕᕐᕆᔭᖅᑕᒥᖕᓄᑦ ᐃᓕᑦᑎᔪᓐᓇᕐᒪᑕ ᑕᐃᒫᓪᓗ ᐃᓕᓚᖕᒐᑦᓱᑎᒃ ᑭᓯᐊᓂ ᐅᖃᐅᓯᕆᖃᑦᑕᕈᑦᑎᒍᑦ ᐅᖃᓕᒪᐅᑎᒋᖃᑦᑕᕈᑦᑎᒍᑦ.