ᓴᖅᑭᑎᑦᑎᕗᖅ ᓂᕿᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᕐᒧᑦ ᐱᓕᕆᐊᒃᓴᒥᒃ ᑲᑎᙵᑎᑦᑎᔪᒥᒃ ᐃᓕᖅᑯᓯᑐᖃᒃᑯᑦ ᒫᓐᓇᓕᓴᕐᓂᓪᓗ ᐊᑐᖅᑕᐅᕙᒃᑐᓂᒃ ᐃᓕᓐᓂᐊᖅᑎᑦᑎᔪᒪᓪᓗᑎᒃ ᓄᑕᖅᑲᓂᒃ ᐅᑯᑎᒎᓇᖅ, ᐱᕐᓕᒪᒃᓴᕐᓂᖅ, ᐅᔾᔨᕐᓇᖅᓯᑎᑦᑎᓪᓗᓂ ᓂᕿᑦᑎᐊᕙᖕᓂᒃ ᓂᕆᕙᖕᓂᕐᒥᒃ, ᓂᕿᖃᑦᑎᐊᕈᓐᓇᕐᓂᕐᒥᒃ, ᑭᖑᕚᕇᓄᓪᓗ ᐃᓕᑦᑎᕙᓪᓕᐊᓂᕐᒥᒃ ᑕᒪᐃᓐᓂ ᐃᓕᓐᓂᐊᕐᕕᖕᓂ ᐅᓄᕐᓂᖅᓴᓂᓗ ᓄᓇᓕᖕᓂ.

ᓴᖅᑭᑦᑎᕙᓪᓕᐊᕗᑦ ᐃᓄᖕᓄᑦ−ᐋᖅᑭᒃᓱᖅᑕᐅᓯᒪᔪᓂᒃ ᑎᑎᕋᐅᔭᖅᓯᒪᔪᓂᒡᓗ ᕿᒃᓵᒃᑐᓄᑦ ᑎᑎᕋᕐᕕᒃᓴᓂᒃ ᒪᒃᑯᒃᑐᓄᑦ ᐃᓚᓕᐅᔾᔭᐅᖃᑦᑕᕐᓂᐊᖅᑐᓂᒃ ᑲᒪᒋᔭᐅᔾᔪᑎᓄᑦ ᐴᖅᑲᖅᓯᒪᔪᓄᑦ ᑐᓂᐅᖅᑲᖅᑕᐅᓗᑎᒡᓗ ᐃᓕᓐᓂᐊᕐᕕᖕᓄᑦ ᓄᓇᕘᓕᒫᒥ.

ᑲᔪᓯᑎᑦᑎᕗᑦ ᒪᒃᑯᒃᑐᓄᑦ ᐊᑎᒋᓕᐅᕐᓂᕐᒧᑦ ᐱᓕᕆᐊᖑᕙᒃᑐᒥᒃ, ᐱᓕᕆᖃᑎᖃᖅᓱᑎᒃ ᓄᓇᓕᖕᓂ ᒥᖅᓱᖅᑎᓂᒃ ᐱᑎᑦᑎᔪᒪᓪᓗᑎᒃ ᐊᑎᒋᓂᒃ ᐃᓚᒌᓄᑦ ᒪᒃᑯᒃᑐᓪᓗ ᐱᓕᕆᓗᑎᒃ ᐊᔪᕈᓐᓃᖅᓴᖅᑎᑕᐅᕙᒡᓗᑎᒃ ᐃᑲᔪᕈᒪᓂᕐᒧᑦ ᐊᓯᐅᑎᑦᑎᑦᑕᐃᓕᒪᓂᕐᒥᒃ ᑭᖑᕚᕇᓄᑦ ᐊᔪᕈᓐᓃᖅᑕᐅᕙᒃᑐᓂᒃ.

ᖃᐅᔨᓴᖅᑐᑦ ᐱᓕᕆᐊᒃᓴᓂᑦ ᑎᓯ ᒪᒃᑯᒃᑐᓄᑦ ᖃᓄᐃᙱᑦᑎᐊᖕᓂᖕᒧᑦ ᑐᖅᑲᖅᑕᕐᕕᐊᓂᑦ.

ᐱᒋᐊᖅᑎᑦᑎᔪᒪᕗᑦ ᒪᒃᑯᒃᑐᓄᑦ ᐊᐅᓪᓛᖅᑎᑦᑎᓂᕐᒥᒃ ᑕᐅᑐᒐᖃᖅᑐᒥᒃ ᓴᙱᓂᕐᒥᒃ ᐊᔪᕈᓐᓃᖅᓴᕐᓂᕐᒥᒃ, ᖃᓄᐃᙱᑦᑎᐊᕐᓂᕐᒥᒃ, ᐃᓚᓕᐅᔾᔨᓯᒪᓂᕐᒥᒡᓗ, ᐱᒋᐊᕐᕕᖃᕐᓗᑎᒃ ᐃᖅᑲᓇᐃᔭᖅᑎᓂᒃ ᓇᓗᓇᐃᒃᑯᑕᖅᑖᖅᑎᑦᑎᓂᕐᒥᒃ ᓇᓗᙱᑦᑎᐊᕈᒪᓂᕐᒧᑦ ᐃᓚᐅᔪᑦ ᐊᑦᑕᕐᓇᖅᑐᒦᙱᓐᓂᖏᓐᓂᒃ ᐃᑲᔪᖅᑐᖅᑕᐅᕙᖕᓂᖏᓐᓂᒡᓗ.

ᐃᖅᑲᓇᐃᔭᖅᑎᑖᓚᐅᖅᑐᑦ ᐅᓪᓘᑉ ᐃᓚᐃᓐᓇᖓᓂ ᑐᑭᒧᐊᖅᑎᑦᑎᔨᒥᒃ ᐊᐅᓚᓂᐅᔪᓄᑦ ᐊᒻᒪᓗ ᐋᖅᑭᒃᓱᐃᕙᓪᓕᐊᓪᓗᑎᒃ ᑲᔪᖏᖅᓴᐃᔪᓕᕆᓂᕐᒧᑦ ᐱᓕᕆᐊᒃᓴᒥᒃ ᐃᓕᓐᓂᐊᕇᖅᓯᒪᔪᓄᑦ ᐃᓕᓴᐃᖃᑦᑕᕐᓂᐊᕐᒪᑕ ᓄᓇᓕᖏᓐᓂ.

ᐆᒻᒪᖅᑎᑦᑎᒃᑲᓐᓂᕐᓂᖅ ᓴᓇᓂᕐᒥᒃ ᐸᐅᕐᓂᕐᒥᒡᓗ ᐃᓕᖅᑯᓯᑐᖃᒃᑯᑦ ᖃᔭᐃᑦ (ᐃᓄᐃᑦ ᖃᔭᕆᐊᖏᑦ) ᐃᓐᓇᕐᓂᒃ, ᐊᒥᖅᑳᖃᑎᖃᕐᓂᖅ ᐃᓕᖅᑯᓯᑐᖃᕐᒥᒃ ᖃᐅᔨᒪᓂᕐᒥᒃ ᒪᒃᑯᒃᑐᓄᑦ, ᐃᓚᐅᑎᑦᑎᓂᕐᓗ ᓄᓇᓕᖕᓂᒃ.

ᓴᖅᑭᑦᑎᓚᐅᖅᐳᑦ ᐊᐅᖅᑭᑦᑎᔨᐅᑉ ᐃᑲᔪᖅᑎᖓᓂᒃ ᐃᖅᑲᓇᐃᔮᒃᓴᒥᒃ ᐃᓄᐃᑦ ᒪᒃᑯᒃᑐᑦ ᐊᑭᓕᖅᓱᖅᑕᐅᓪᓗᑎᒃ, ᐱᓕᒻᒪᒃᓴᖅᑎᑕᐅᓪᓗᑎᒃ.

ᐋᖅᑭᒃᓱᐃᕙᓪᓕᐊᓂᖅ ᐱᓕᕆᖃᑎᒌᓄᑦ ᐃᑲᔪᖅᑐᐃᓂᕐᒧᑦ ᐱᓕᕆᐊᖑᕙᒃᑐᒥᒃ ᐃᓕᖅᑯᓯᑐᖃᒃᑯᑦ ᑐᙵᕕᓕᖕᒥᒃ, ᖁᐊᖅᓵᖅᓯᒪᓂᕐᒧᑦ ᐅᔾᔨᕈᓱᖕᓂᕐᒥᒃ, ᐊᐅᓚᑕᐅᓗᓂᓗ ᐃᓄᖕᓂᑦ ᐊᑐᕐᓂᑯᖃᖅᓯᒪᔪᓂᑦ.

ᐃᖅᑲᓇᐃᔭᖅᑎᑦᑎᓪᓗᑎᒃ ᐃᖅᑲᓇᐃᔭᖅᑎᓂᒃ ᐃᑲᔪᕐᓂᐊᖅᑐᓂᒃ ᖃᐅᑕᒫᑦ ᐊᐅᓚᓂᕆᔭᐅᔪᓂᒃ ᐊᕗᖓᑲᓪᓚᒡᓗ ᖃᓄᐃᓕᐅᖅᐸᓪᓕᐊᓂᐊᕐᓂᕐᒧᑦ ᐱᕙᒌᔭᕐᓂᕐᒥᒃ ᐱᓕᕆᖃᑎᖃᖅᓗᑎᒃ ᑐᑭᒧᐊᖅᑎᑦᑎᔨᒻᒪᕆᖕᒥᒃ.

ᐊᑐᓚᐅᖅᑐᑦ ᑮᓇᐅᔭᓂᑦ ᐊᐅᓚᑦᑎᓂᖕᓂᑦ ᐊᑭᓕᕐᓱᐃᓂᖕᒧᓪᓗ ᑮᓇᐅᔾᔭᒃᓵᓂᑦ ᐱᕙᓪᓕᐊᓂᖃᖅᑎᓪᓗᒋᑦ ᐅᐸᓗᖓᐃᔭᖅᓯᒪᔪᓂᑦ ᓯᕗᓕᖅᑎᐅᓂᖕᒧᑦ ᓅᑉᐸᓪᓕᐊᓂᖕᒧᑦ ᐸᖕᓇᐃᓂᖕᒥᑦ.

ᐋᖅᑭᒃᓯᓚᐅᖅᐳᑦ ᐱᓕᕆᖃᑎᒌᖕᓂᕐᒧᑦ ᐸᕐᓇᐅᑎᒥᒃ ᐃᖅᑲᓇᐃᔭᖅᑏᑦ ᑲᑎᙵᑎᓪᓗᒋᑦ ᐊᑕᖏᕐᓗᑎᒡᓗ ᑲᑎᙵᓪᓗᑎᒃ ᐱᓕᕆᖃᑎᒌᑦ ᑲᑎᒪᑎᑕᐅᓪᓗᑎᒃ ᐃᖅᑲᓇᐃᔭᖅᑎᓂᒃ ᓄᓇᕘᓕᒫᒥ.

ᐱᖁᑎᖃᖅᑎᑦᑎᓚᐅᖅᐳᑦ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᓂᕿᑖᕐᕕᖕᒧᑦ ᓴᖅᑭᑎᑦᑎᕙᓪᓕᐊᓪᓗᑎᒡᓗ ᓄᓇᓕᖕᓂ ᐃᓂᒋᔭᐅᖃᑦᑕᕐᓂᐊᖅᑐᒥᒃ ᑲᔪᓯᑎᑦᑎᔪᒪᓪᓗᑎᒃ ᐃᓕᓐᓂᐊᖅᑏᑦ ᐃᓚᐅᑎᑕᐅᕙᖕᓂᖏᓐᓄᑦ.

ᕌᓐ ᐃᓄᒪᕆᙳᕐᓂᖅ ᐊᒻᒪ ᐊᒪᐅᓯᐅᕐᓂᖅ ᐱᓕᕆᐊᒃᓴᑦ ᑕᐅᑐᒐᖃᖅᐳᑦ ᒪᒥᓴᕐᓂᕐᒥᒃ ᓇᖕᒥᓂᕐᓗ ᐱᕈᖅᐸᓪᓕᐊᓂᕐᒥᒃ ᐃᓄᐃᑦ ᖃᐅᔨᒪᔭᖏᑎᒍᑦ ᐊᒻᒪ ᐃᓕᖅᑯᓯᑐᖃᒃᑯᑦ ᐊᒪᐅᓯᕆᓂᖅ ᒥᖅᓱᕐᓂᒃᑯᑦ, ᑕᓯᐅᖅᑕᐅᓪᓗᑎᒃ ᐃᓐᓇᕐᓄᑦ.

ᐋᖅᑭᒃᓱᐃᓚᐅᖅᐳᑦ ᓴᕐᕕᕈᑏᑦ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ ᐃᓕᓐᓂᐊᖅᑎᑦᑎᓪᓗᑎᒃ ᓴᐸᖓᓕᕆᓂᕐᒥᒃ ᐊᒻᒪ ᐃᓄᒃᑎᑐᑦ ᐊᓐᓄᕌᑦ ᑕᐃᒎᓯᖏᓐᓂᒃ, ᔭᒐᑎᑦᑎᑦᑕᐃᓕᒪᓪᓗᑎᒃ ᐃᓕᖅᑯᓯᑐᖃᕐᓂᒃ.

ᓯᕗᓪᓕᖅᐹᖅ ᓄᓇᓕᖕᓂ ᓂᕈᐊᒐᒃᓴᙳᖅᑎᑕᐅᔪᖅ ᑐᓐᓂᖅᑯᓯᐊᖅ ᑐᓂᔭᐅᓚᐅᖅᐳᖅ ᑐᑭᓯᒋᐊᕐᕕᒃ ᑲᑐᔾᔨᖃᑎᒌᓄᑦ.

ᐋᖅᑭᒃᓯᓚᐅᖅᐳᑦ ᓄᓇᕘᓕᒫᒥ ᐱᓕᕆᐊᖑᕙᓪᓕᐊᔪᒪᔪᒥᒃ ᐃᓚᐅᑎᑦᑎᔪᒪᓪᓗᑎᒃ ᐃᓄᖕᓂᒃ ᓂᕕᐊᖅᓵᓂᒃ ᕼᐋᑭᖃᑕᐅᔪᓂᒃ ᐃᑲᔪᕐᓗᒋᓪᓗ ᐃᓄᐃᑦ ᐊᕐᓇᐃᑦ ᐱᙳᐊᖅᑎᓄᑦ ᑲᒪᔨᑦ ᐊᐅᓪᓛᖅᑎᑦᑎᓂᒃᑯᑦ, ᐊᔪᕈᓐᓃᖅᑕᐅᕙᒃᑐᓄᑦ ᐊᔪᕈᓐᓃᖅᓴᖅᑎᑕᐅᓂᒃᑯᑦ, ᓯᕗᓕᖅᑎᐅᓂᕐᒧᓪᓗ ᐱᓕᕆᐊᖑᕙᒃᑐᓄᑦ.

ᓴᖅᑭᑦᑎᓚᐅᖅᐳᑦ ᐊᑕᖐᑦᑎᐊᖅᑐᒥᒃ ᓯᕗᓕᖅᑎᐅᓂᕐᒧᑦ ᐃᓕᓐᓂᐊᒐᒃᓴᒥᒃ ᐊᕐᓇᓄᑦ ᓄᓇᕗᒻᒥ ᐱᐅᓯᒋᐊᖅᑎᑦᑎᔪᒥᒃ ᓯᕗᓕᖅᑎᐅᓂᕐᒧᑦ ᐊᔪᕈᓐᓃᖅᑕᐅᕙᒃᑐᓂᒃ ᓄᓇᓕᖕᓂ, ᐃᓚᒌᓂ, ᐃᖅᑲᓇᐃᔭᕐᕕᖕᓂᓗ.

ᐱᓇᓱᐊᕈᓯᑕᒫᑦ ᓄᓇᒥ ᐱᓕᕆᑎᑦᑎᕙᒃᐳᑦ ᐃᓄᐃᑦ ᐊᕐᓇᐃᑦ ᑲᑎᙵᓪᓗᑎᒃ ᐱᓕᕆᐊᖓᑎᒍᑦ ᐅᔾᔨᕐᓇᖅᓯᑎᑦᑎᔪᒪᓪᓗᑎᒃ ᐃᓕᖅᑯᓯᑐᖃᕐᒥᒃ ᐃᓕᑦᑎᕙᓪᓕᐊᓂᕐᒥᒃ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᓄᓇᓕᖕᓂᓗ ᐊᓂᒍᐃᔪᓐᓇᕐᓂᕐᒥᒃ.

ᐱᓕᕆᑎᑦᑎᓚᐅᖅᐳᑦ ᖃᐅᔨᓴᕐᓂᕐᒥᒃ ᐱᓇᓱᐊᕈᓯᕆᔭᐅᔪᒥᒃ ᐃᖅᑲᓇᐃᔭᖅᑐᓄᑦ ᐃᓄᖕᓄᑦ ᐊᕐᓇᓄᑦ ᐱᕙᒌᔭᖅᐸᓪᓕᐊᓪᓗᑎᒡᓗ ᑭᖑᓂᐊᒍᑦ ᐱᓕᕆᐊᖑᒃᑲᓐᓂᕋᔭᖅᑐᒥᒃ ᑕᐅᑐᒐᖃᖅᑐᒥᒃ

ᐱᒋᐊᖅᑎᑦᑎᓚᐅᖅᐳᑦ ᐃᓐᓇᐃᑦ ᐊᔪᕈᓐᓃᖅᓴᖅᑎᑕᐅᓪᓗᑎᒃ ᐱᓕᕆᐊᒃᓴᒥᒃ ᐃᑲᔪᕈᒪᓪᓗᑎᒃ ᔭᒐᑎᑦᑎᑦᑕᐃᓕᒪᓂᕐᒥᒃ ᐃᓄᐃᓐᓇᖅᑐᓐ ᐅᖃᐅᓯᕐᒥᒃ ᐱᑎᑦᑎᕙᒃᑐᑎᒃ ᐊᔪᕈᓐᓃᖅᓴᖅᑎᑦᑎᓂᕐᒥᒃ, ᑎᑎᕋᖅᓯᕙᓪᓕᐊᓂᕐᒥᒃ ᐅᖃᐅᓯᕐᒥᒃ, ᓴᖅᑭᑎᑦᑎᓂᕐᒥᒡᓗ ᐊᑐᖅᑕᐅᔪᓐᓇᖅᑐᓂᒃ.

ᐋᖅᑭᒃᓱᐃᓚᐅᖅᐳᑦ ᒪᓕᒃᑕᐅᕙᓪᓕᐊᕙᒃᑐᒥᒃ ᐊᖓᔪᖅᑳᓄᑦ ᑲᒪᔨᒋᔭᐅᔪᓄᓪᓗ ᐃᑲᔪᖅᑐᐃᔪᒪᓪᓗᑎᒃ ᓄᑕᖅᑲᑦ ᐃᓕᑦᑎᕙᓪᓕᐊᕙᖕᓂᖏᓐᓂᒃ ᐃᓄᒃᑎᑐᑦ ᐊᖏᕐᕋᕆᔭᒥᓂ.

ᐱᓕᕆᑎᑦᑎᓚᐅᖅᐳᑦ ᐊᐅᔭᒃᑯᑦ ᐱᓕᕆᑎᑦᑎᓪᓗᑎᒃ ᒪᒃᑯᒃᑐᓂᒃ ᐊᑭᓕᖅᓱᖅᑕᐅᙱᓪᓗᑎᒃ ᐱᓕᕆᑎᑕᐅᔪᓂᒃ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᓯᕗᓕᖅᑎᐅᓂᕐᒥᒃ ᐊᒻᒪ ᓂᔾᔭᐅᓯᔭᕐᓂᕐᒧᑦ ᐊᔪᕈᓐᓃᖅᑕᐅᕙᒃᑐᓂᒃ.

ᑲᔪᓯᑎᑦᑎᓚᐅᖅᐳᑦ ᓄᑲᖅᑏᑦ ᐃᓕᓐᓂᐊᕐᓂᕐᒥᒃ ᐃᖅᑲᓇᐃᔮᒃᓴᒧᑦ ᓴᓇᔨᐅᓂᕐᒧᓪᓘᓐᓃᑦ ᐱᓕᕆᐊᒃᓴᒥᒃ ᓴᖅᑭᔮᖅᑎᑦᑐᒪᓪᓗᒋᑦ ᐃᓄᐃᑦ ᒪᒃᑯᒃᑐᑦ ᐃᖅᑲᓇᐃᔮᓄᑦ ᓴᓇᔪᓕᕆᓂᕐᒧᑦ ᐱᓕᕆᕝᕕᖕᓂ.

ᑮᓇᐅᔭᑦ ᐊᑐᖅᑕᐅᓚᐅᖅᐳᑦ ᐃᑲᔪᖅᓱᐃᔾᔪᑕᐅᓪᓗᑎᒃ ᐃᖅᑲᓇᐃᔭᖅᑎᓄᑦ ᐃᒡᓗᒧᑦ ᐃᑲᔫᓯᐊᖅᑖᖃᑦᑕᙱᑦᑐᓄᑦ, ᐅᔾᔨᕐᓇᖅᓯᑎᑦᑎᓪᓗᑎᒃ ᐊᔾᔨᒌᒃᑎᑦᑎᓂᕐᒥᒃ ᐊᒻᒪ ᐃᖅᑲᓇᐃᔭᖅᑎᑦ ᖃᓄᐃᙱᑦᑎᐊᕈᓯᖏᓐᓂᒃ.

ᐃᑲᔪᖅᑕᐅᓚᐅᖅᐳᑦ ᐊᑐᓕᖅᑎᑦᑎᔪᒪᓪᓗᑎᒃ ᐋᖅᑭᒃᓯᒪᓕᖅᑎᑦᑎᓂᕐᒧᑦ ᐊᑐᖅᑕᐅᔪᓐᓇᖅᑐᒥᒃ ᐃᑲᔪᖅᑐᐃᓂᐊᖅᑐᒥᒃ ᐊᖏᒡᓕᕙᓪᓕᐊᓂᕆᔭᖓᓂᒃ ᐊᔪᙱᓐᓂᕆᔭᒥᓂᒃ ᓯᕗᓂᒃᓴᒥᓗ ᐱᓕᕆᐊᒃᓴᕆᓇᔭᖅᑕᖏᓐᓂᒃ.

ᐃᑲᔪᖅᑕᐅᓚᐅᖅᑐᑦ ᓴᖅᑮᓪᓗᑎᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᒥᒃ ᐊᒻᒪᓗ ᐸᕐᓇᒍᑕᐅᔪᒥᒃ ᐆᒪᔪᓂᒃ ᓴᐳᔾᔨᕕᒻᒥᒃ ᐊᒻᒪᓗ ᖃᓄᐃᓐᖏᑦᑎᐊᕐᓂᕐᒧᑦ ᐱᓕᕆᕕᒻᒥᒃ.

ᐃᑲᔪᖅᑕᐅᓚᐅᖅᐳᑦ ᐋᖅᑭᒃᓱᐃᒃᑲᓐᓂᕐᓂᕐᒧᑦ ᑲᑐᔾᔨᖃᑎᒌᓄᑦ ᖃᓄᐃᓕᐅᖅᑕᐅᕙᓪᓕᐊᔪᒪᔪᓂᒃ ᐊᐅᓚᓂᕆᔭᐅᔪᓂᒡᓗ.

ᐃᑲᔪᖅᑕᐅᓚᐅᖅᐳᑦ ᑲᔪᓯᑎᑦᑎᔪᒪᓪᓗᑎᒃ ᐊᓯᔾᔨᖅᐸᓪᓕᐊᔪᓂᒃ ᖃᓄᐃᓕᐅᖅᐸᓪᓕᐊᓂᐊᕐᓂᕐᒧᑦ ᐱᕙᒌᔭᕐᓂᕐᒥᒃ ᐱᐅᓯᒋᐊᖅᑎᑦᑎᔪᒪᓂᕐᒧᓪᓗ ᐊᔪᙱᓐᓂᕆᔭᒥᓂᒃ ᐊᐅᓚᑦᑎᔪᓐᓇᕐᓂᕐᒥᒃ ᐃᓄᐃᑦ ᓯᕗᓕᖅᑎᖃᕐᓗᑎᒃ.