ᐱᓕᕆᐊᖑᕙᓪᓕᐊᔪᒪᔪᑦ

ᐃᑲᔪᖅᑐᖅᑕᐅᔪᑦ

ᐊᓐᓇᐅᒪ ᐱᒃᑯᒍᓱᒃᐳᖅ ᑮᓇᐅᔭᖃᖅᑎᑦᑎᔪᓐᓇᕋᒥᒃ ᐃᑲᔪᖅᑐᐃᔪᓂᒃ ᐃᓄᖕᓄᑦ−ᐊᐅᓚᑕᐅᔪᓂᒃ ᐱᓕᕆᐊᖑᕙᓪᓕᐊᔪᒪᔪᓂᒃ ᓄᓇᓕᖕᓂ−ᐱᓕᕆᐊᖑᔪᓂᒃ ᑲᔪᓯᑎᑦᑎᔪᓂᒃ ᐊᑕᖃᑎᒌᖕᓂᕐᒥᒃ, ᐃᓕᑦᑎᕙᓪᓕᐊᓂᕐᒥᒃ, ᑲᑐᔾᔨᖃᑎᒌᖕᓂᕐᒥᒡᓗ ᑭᖑᕚᕇᓄᑦ ᐊᕕᒃᓯᒪᓂᕆᔭᐅᔪᓄᓪᓗ.

ᐅᓇ ᒪᒃᐱᒐᖅ ᑕᑯᒃᓴᐅᑎᑦᑎᕗᖅ ᑕᒪᐃᓐᓂᒃ ᑮᓇᐅᔭᓂᒃ ᑐᓂᔭᐅᔪᓂᒃ ᐊᓐᓇᐅᒪᒧᑦ ᐊᒻᒪ ᐊᐅᓚᑕᐅᔪᓂᒃ ᑮᓇᐅᔭᓂᒃ ᐃᑲᔫᑕᐅᔪᓐᓇᖅᑐᓂᒃ ᓄᓇᓕᖕᓂ ᐱᓕᕆᖃᑎᒌᒃᑐᓂᒃ ᓯᕗᓂᒃᓴᖃᑦᑎᐊᖏᓐᓇᖁᓪᓗᒋᑦ ᑲᑐᔾᔨᓗᑎᒃ.

ᐊᓐᓇᐅᒪ ᑐᑭᓯᐅᒪᔪᖅ ᐱᓕᕆᐊᒃᓴᒧᑦ ᓯᕗᓪᓕᐅᔾᔭᐅᔪᒪᔪᑦ ᐊᓯᔾᔨᕈᓐᓇᕐᓂᖏᓐᓂᒃ, ᐸᕐᓇᐅᑎᑦ ᐊᓯᔾᔨᕈᓐᓇᕐᓂᖏᓐᓂᒃ, ᐊᒻᒪ ᑲᑐᔾᔨᖃᑎᒌᑦ ᐋᖅᑭᒋᐊᖅᓯᔭᕆᐊᖃᑐᐃᓐᓇᕆᐊᖃᕐᓂᖏᓐᓂᒃ ᐱᓕᕆᔾᔪᓯᖏᓐᓂᒃ ᑮᓇᐅᔭᖅᑖᖅᑎᑕᐅᓚᐅᖅᑎᓪᓗᒋᑦ. ᑕᐃᒪᐃᑦᑕᕌᖓᑦ, ᐃᓚᐅᔪᑦ ᑲᑎᒃᑲᓐᓂᖅᐸᒃᐳᑦ ᓇᓗᓇᐃᖅᓯᒃᑲᓐᓂᒃᓱᑎᒃ ᐊᖏᖃᑎᒌᒍᑎᒋᔭᒥᓂᒃ, ᐊᓐᓇᐅᒪᓗ ᑲᔪᓰᓐᓇᖅᐸᒃᑐᓂ ᐱᑎᑦᑎᕙᒃᑐᓂ ᑮᓇᐅᔭᑎᒍᑦ ᐃᑲᔪᖅᑐᐃᓂᕐᒥᒃ ᑐᙵᕕᖃᖅᑎᑕᐅᓪᓗᓂ ᑲᑐᔾᔨᖃᑎᒌᒃᑐᑎᒃ ᐋᖅᑭᒃᓯᒪᓕᖅᑎᑕᐅᔪᒥᒃ ᐱᓕᕆᖃᑎᒌᒃᑐᓄᑦ. ᑖᓐᓇ ᒪᒃᐱᒐᖅ ᐋᖅᑭᒋᐊᖅᑕᐅᑐᐃᓐᓇᕆᐊᓕᒃ ᐊᔾᔨᖃᖁᓪᓗᒍ ᐊᓯᔾᔨᕐᓂᐅᔪᓄᑦ.

2026-2027

ᐊᑭᖃᙱᑦᑐᖅ ᐱᙳᐊᕐᓂᖅ

ᓴᓂᕐᕙᒃᑕᐅᔪᑦ $330,000:

ᐸᐃᕆᕕᒃ ᑲᑐᔾᔨᖃᑎᒌᑦ

ᓴᖅᑭᑦᑎᓗᑎᒃ ᓄᓇᒥᑦ ᐱᔾᔪᑎᖃᕐᓗᑎᒃ ᓯᓚᒥ ᐃᓕᓐᓂᐊᕈᑎᒃᓴᓂᑦ ᓄᑕᖅᑲᓄᑦ.

ᖃᐅᔨᒋᐊᒃᑲᓐᓂᕆᑦ

ᐃᓕᑕᖅᓯᓂᖅ

ᐆᒃᑐᕐᓂᖅ ᓄᑕᖅᑲᓄᑦ−ᐊᐅᓚᑕᐅᔪᒥᒃ ᓯᓚᒥ ᐱᙳᐊᕐᓂᕐᒧᑦ ᐱᓕᕆᐊᖑᕙᒃᑐᒥᒃ ᑲᖏᖅᖠᓂᕐᒥ.

ᖃᐅᔨᒋᐊᒃᑲᓐᓂᕆᑦ

ᕼᐋᒻᓚᑦᑯᓐᓂ ᓇᐅᔮᓂ

ᐃᑲᔪᕐᓗᒋᑦ ᓄᑕᖅᑲᑦ ᐃᓚᐅᑎᓪᓗᒋᑦ ᓯᓚᒥ ᐱᙳᐊᕐᓂᕐᒧᑦ ᐃᓕᑦᑎᕙᓪᓕᐊᓂᕐᒧᓪᓗ ᐊᕐᕌᒍᓕᒫᖅ.

ᖃᐅᔨᒋᐊᒃᑲᓐᓂᕆᑦ

ᕼᐋᒻᓚᒋᔭᐅᔪᒥ ᑭᙵᕐᓂ

ᒪᓂᒪᑎᑦᑎᓗᑎᒃ ᒪᒃᑯᒃᑐᓄᑦ ᓯᕗᓕᖅᑎᐅᓂᕐᒧᑦ ᖃᓄᐃᙱᑦᑎᐊᕈᓐᓇᕐᓂᕐᒧᓪᓗ ᐱᓕᕆᐊᖑᕙᒃᑐᓂᒃ ᑕᐃᑲᓂ Rise Up Youth Gathering.

ᖃᐅᔨᒋᐊᒃᑲᓐᓂᕆᑦ

ᑭᐱᙳᐃᔭᖅᑎᑦᑎᕙᖕᓂᕐᒧᑦ ᒥᕐᙳᐃᖅᓯᕐᕕᓕᕆᓂᕐᒧᓪᓗ ᑲᑐᔾᔨᖃᑎᒌᑦ ᓄᓇᕗᒻᒥ

ᐱᕈᖅᐸᓪᓕᐊᔪᑦ ᓄᓇᓕᖕᓂ ᐊᐅᓚᑕᐅᔪᑦ ᐊᐅᔭᒃᑯᑦ ᐅᑭᐅᒃᑯᓪᓗ ᒪᒃᑯᒃᑐᑦ ᐊᐅᓪᓛᖅᓯᒪᕝᕕᖏᑦ ᓄᓇᕘᓕᒫᒥ.

ᖃᐅᔨᒋᐊᒃᑲᓐᓂᕆᑦ

Pijunnaq Sector Development

The 2026-2029 Pijunnaq Cohort works together to strengthen their internal operations and support the long-term growth of the nonprofit sector in Nunavut. Together, they are distributing $300,000 annually over three years to support this work:

Agguaq Collective

Revitalizing Inuit sewing knowledge by bringing Inuit women together to visit museum collections, recreate historical patterns, and reclaim traditional garment-making practices.

ᖃᐅᔨᒋᐊᒃᑲᓐᓂᕆᑦ

Piruqatigiit Resource Centre

Supporting Nunavummiut with neurodiversities and their families through a multidisciplinary assessment clinic, alternative education, and essential outreach services.

ᖃᐅᔨᒋᐊᒃᑲᓐᓂᕆᑦ

Red Fish Art Society

Providing hands-on welding training, job readiness, and life skills programming for at-risk young men in Cambridge Bay.

ᖃᐅᔨᒋᐊᒃᑲᓐᓂᕆᑦ

Tumikuluit Saipaaqivik Inuktitut Daycare

Operating Iqaluit’s only fully Inuktitut-language daycare, offering culturally grounded childcare with daily country food.

ᖃᐅᔨᒋᐊᒃᑲᓐᓂᕆᑦ

2025-2026

ᓴᓇᐅᒐᓕᕆᓂᖅ ᐃᓕᖅᑯᓯᓕᕆᓂᕐᓗ

ᒥᖅᓱᖃᑎᒌᒃᐸᒃᑐᓂᒃ ᓄᓇᒧᑦ ᐊᐅᓪᓛᖅᓯᒪᑎᑦᑎᕙᒃᑐᑎᒃ, ᑕᒪᒃᑯᐊ ᐱᓇᔪᒃᑕᐅᔪᑦ ᐃᑲᔪᖅᐸᒃᐳᑦ ᐃᓄᐃᑦ ᓴᓇᙳᐊᖅᐸᒃᑕᖏᓐᓂᒃ ᐃᓕᖅᑯᓯᖏᓐᓂᒡᓗ ᐆᒪᑎᑦᑎᓪᓗᑎᒃ ᑲᑎᙵᑎᑦᑎᓪᓗᑎᒡᓗ ᑭᖑᕚᕇᓄᑦ. ᓴᓂᕐᕙᒃᑕᐅᔪᑦ $250,000:

ᓄᓇᑦᑕ ᓱᓇᒃᑯᑖᖏᑦ ᑕᑯᔭᒐᖃᕐᕕᒃ

ᑲᑎᑎᕆᓂᖅ ᑕᑯᑦᓴᐅᑎᑦᓯᕕᓐᓂᒃ, ᐅᖃᖅᑎᓄᑦ ᐊᐅᓚᓂᐅᔪᓂᒃ, ᑭᒃᑯᑐᐃᓐᓇᕐᓄᓪᓗ ᐊᐅᓚᓂᐅᔪᓂᒃ ᐱᕚᓪᓕᑎᑦᓯᓂᕐᒧᑦ ᐃᓕᖅᑯᓯᕐᒨᖓᔪᓂᒃ ᓄᓇᓕᓐᓂᓪᓗ ᐃᓚᐅᑎᑦᓯᓂᕐᒧᑦ.

ᖃᐅᔨᒋᐊᒃᑲᓐᓂᕆᑦ

ᐊᒡᒍᐊᖅ ᑲᑎᙵᔪᑦ

ᐃᓄᐃᑦ ᒥᖅᓱᕈᓐᓇᕐᓂᖏᑦ ᐅᑎᖅᑎᒃᑲᓐᓂᕐᓗᒋᑦ ᑭᖑᕚᕇᑦ ᑲᑎᙵᑎᑕᐅᓗᑎᒃ ᑲᔪᖏᖅᓴᐃᓂᒃᑯᑦ, ᑕᑯᔭᒐᖃᕐᕕᖕᒥ ᑲᑎᖅᓱᖅᑕᐅᓯᒪᔪᑦ, ᐊᒻᒪ ᐃᓕᖅᑯᓯᕐᒧᑦ ᑲᑎᙵᓂᐅᔪᑦ.

ᖃᐅᔨᒋᐊᒃᑲᓐᓂᕆᑦ

ᐊᓕᐊᓇᐃᑦ

ᐃᓄᐃᑦ ᐃᙱᐅᓯᑐᖃᖏᑦ ᓴᓇᙳᐊᖅᐸᒃᑕᖏᓪᓗ ᐆᒻᒪᖅᑎᒃᑲᓐᓂᕐᓗᒋᑦ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ ᐊᒻᒪ ᐃᓕᖅᑯᓯᕆᔭᐅᔪᓂᒃ ᑕᐅᖅᓰᖃᑎᒌᖕᓂᒃᑯᑦ.

ᖃᐅᔨᒋᐊᒃᑲᓐᓂᕆᑦ

Artcirq

ᐃᖏᕐᕋᑎᑦᑎᓗᑎᒃ ᓄᓇᒥ ᑐᙵᕕᓕᖕᓂᒃ ᐃᓕᖅᑯᓯᑐᖃᕐᓄᑦ ᐊᐅᓪᓛᖅᓯᒪᕝᕕᖕᓂᒃ ᐃᓄᖕᓄᑦ ᒪᒃᑯᒃᑐᓄᑦ ᖁᙱᐊᖅᑕᐅᕙᒃᑐᓄᑦ ᐃᓕᖅᑯᓯᑐᖃᕐᓄᓪᓗ ᐊᔪᕈᓐᓃᖅᑕᐅᕙᒃᑐᓄᑦ.

ᖃᐅᔨᒋᐊᒃᑲᓐᓂᕆᑦ

ᐃᓕᓴᕐᓂᓕᕆᓂᖅ ᐃᓕᓐᓂᐊᓂᕐᓗᑦ

ᑖᒃᑯᐊ ᐱᓕᕆᐊᒃᓴᑦ ᑲᑎᙵᑎᑦᑎᕗᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᔪᕈᓐᓃᕈᑕᐅᔪᓂᒃ ᓄᓇᕗᒻᒥ ᒫᓐᓇ ᐱᔭᐅᔭᕆᐊᓕᖕᓂᒃ, ᐊᐅᓚᑕᐅᓪᓗᑎᒃ ᐃᓄᖕᓄᑦ. ᓴᓂᕐᕙᒃᑕᐅᔪᑦ $250,000:

ᐃᓕᑕᖅᓯᓂᖅ

ᐃᓕᓐᓂᐊᖅᑎᑦᑎᓂᖅ ᐃᓄᖕᓂᒃ ᐊᕐᓇᓂᒃ ᖃᓄᖅ ᓴᓇᓂᕐᒥᒃ ᑐᒃᑐᐃᑦ ᐊᒥᖏᓐᓂᒃ, ᓴᓇᐅᒐᓕᐅᕐᓂᕐᒥᒃ, ᐊᒻᒪᓗ ᐃᓕᑦᑎᓗᑎᒃ ᐃᓄᒃᑎᑐᑦ ᑕᐃᒍᓯᕐᓂᒃ ᐃᑲᔪᕈᒪᓪᓗᑎᒃ ᐃᓕᖅᑯᓯᕐᒥᓂᒃ ᐊᒻᒪᓗ ᖃᓄᐃᖏᑦᑎᐊᕐᓂᕐᒧᑦ ᓴᙱᔪᒥᒃ.

ᖃᐅᔨᒋᐊᒃᑲᓐᓂᕆᑦ

Pitquhirnikkut Ilihautiniq/ᕿᑎᕐᒥᐅᓂ ᐃᑦᑕᕐᓂᓴᓕᕆᔨᒃᑯᑦ ᑲᑐᔾᔨᖃᑎᒌᖏᑦ

ᓱᖏᐅᓴᓂᖅ ᐃᓄᐃᑦ ᐃᓕᓐᓂᐊᕈᑎᒃᓴᖏᓐᓂᒃ ᐊᑐᖅᑕᐅᔪᒃᓴᓂᒃ ᓄᑲᖅᑎᑦ ᐃᓕᓐᓂᐊᕐᕕᖏᓐᓂ, ᐊᖓᔪᒃᑎᑦ ᐃᓕᓐᓂᐊᕐᕕᖏᓐᓂ, ᐊᒻᒪ ᓯᓚᑦᑐᖅᓴᕐᕕᖕᒥ ᐱᓕᕆᐊᒃᓴᓂ ᓄᓇᕘᓕᒫᒥ.

ᖃᐅᔨᒋᐊᒃᑲᓐᓂᕆᑦ

Red Fish ᓴᓇᙳᐊᖅᑏᑦ ᑲᑐᔾᔨᖃᑎᒌᖏᑦ

ᐃᑲᔪᕐᓗᒋᑦ ᐃᓄᐃᑦ ᒪᒃᑯᒃᑐᑦ ᐊᔪᕈᓐᓃᖅᐸᓪᓕᐊᑎᓪᓗᒋᑦ ᑮᓇᐅᔾᔭᒃᓴᒃᑲᓐᓂᕐᓂᒃᑯᑦ ᐊᒻᒪ ᐃᑲᔪᖅᑎᕋᓛᓄᑦ ᐃᖅᑲᓇᐃᔮᓄᑦ.

ᖃᐅᔨᒋᐊᒃᑲᓐᓂᕆᑦ

Skills Canada, ᓄᓇᕗᑦ

ᐱᓇᓱᐊᕈᓰᑦ ᐱᖓᓲᔪᖅᑐᑦ (6) ᐊᑭᓕᖅᓱᖅᑕᐅᓗᑎᑦ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᕐᓂᕐᒥᒃ ᐃᖅᑲᓇᐃᔮᒃᓴᒧᑦ ᓴᓇᔨᐅᓂᕐᒧᓪᓘᓐᓃᑦ ᐱᓕᒻᒪᓴᖅᑕᐅᓗᑎᑦ ᐊᒻᒪᓗ ᐃᖅᑲᓇᐃᔭᕐᕕᒻᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᓇᓗᓇᐃᒃᑯᑕᖅᑖᕐᓗᑎᑦ.

ᖃᐅᔨᒋᐊᒃᑲᓐᓂᕆᑦ

ᐃᓄᐃᑦ ᓱᕈᓰᑦ ᒪᒃᑯᒃᑐᓪᓗ

ᑖᒃᑯᐊ ᐱᓕᕆᐊᒃᓴᐃᑦ ᑲᒪᒋᔭᖃᖅᐸᒃᐳᑦ ᐃᓄᖕᓂᒃ ᓄᑕᖅᑲᓂᒃ ᒪᒃᑯᒃᑐᓂᒡᓗ ᑎᒥᒃᑯᑦ, ᐃᓱᒪᒃᑯᑦ, ᐃᓕᖅᑯᓯᑐᖃᒃᑯᓪᓗ. ᓴᓂᕐᕙᒃᑕᐅᔪᑦ $300,000.

ᐱᕈᕐᕕᒃ ᓱᕈᓯᓛᓄᑦ ᐃᓕᓐᓂᐊᕐᕕᒃ

ᓴᖅᑭᑎᑦᑎᕗᖅ ᓂᕿᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᕐᒧᑦ ᐱᓕᕆᐊᒃᓴᒥᒃ ᑲᑎᙵᑎᑦᑎᔪᒥᒃ ᐃᓕᖅᑯᓯᑐᖃᒃᑯᑦ ᒫᓐᓇᓕᓴᕐᓂᓪᓗ ᐊᑐᖅᑕᐅᕙᒃᑐᓂᒃ ᐃᓕᓐᓂᐊᖅᑎᑦᑎᔪᒪᓪᓗᑎᒃ ᓄᑕᖅᑲᓂᒃ ᐅᑯᑎᒎᓇᖅ, ᐱᕐᓕᒪᒃᓴᕐᓂᖅ, ᐅᔾᔨᕐᓇᖅᓯᑎᑦᑎᓪᓗᓂ ᓂᕿᑦᑎᐊᕙᖕᓂᒃ ᓂᕆᕙᖕᓂᕐᒥᒃ, ᓂᕿᖃᑦᑎᐊᕈᓐᓇᕐᓂᕐᒥᒃ, ᑭᖑᕚᕇᓄᓪᓗ ᐃᓕᑦᑎᕙᓪᓕᐊᓂᕐᒥᒃ ᑕᒪᐃᓐᓂ ᐃᓕᓐᓂᐊᕐᕕᖕᓂ ᐅᓄᕐᓂᖅᓴᓂᓗ ᓄᓇᓕᖕᓂ.

ᖃᐅᔨᒋᐊᒃᑲᓐᓂᕆᑦ

ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ

ᓴᖅᑭᑦᑎᕙᓪᓕᐊᕗᑦ ᐃᓄᖕᓄᑦ−ᐋᖅᑭᒃᓱᖅᑕᐅᓯᒪᔪᓂᒃ ᑎᑎᕋᐅᔭᖅᓯᒪᔪᓂᒡᓗ ᕿᒃᓵᒃᑐᓄᑦ ᑎᑎᕋᕐᕕᒃᓴᓂᒃ ᒪᒃᑯᒃᑐᓄᑦ ᐃᓚᓕᐅᔾᔭᐅᖃᑦᑕᕐᓂᐊᖅᑐᓂᒃ ᑲᒪᒋᔭᐅᔾᔪᑎᓄᑦ ᐴᖅᑲᖅᓯᒪᔪᓄᑦ ᑐᓂᐅᖅᑲᖅᑕᐅᓗᑎᒡᓗ ᐃᓕᓐᓂᐊᕐᕕᖕᓄᑦ ᓄᓇᕘᓕᒫᒥ.

ᖃᐅᔨᒋᐊᒃᑲᓐᓂᕆᑦ

ᐅᑭᐅᖅᑕᖅᑐᒥ ᓄᑕᖅᑲᑦ ᒪᒃᑯᒃᑐᓪᓗ ᑐᙵᕕᖓᑦ

ᑲᔪᓯᑎᑦᑎᕗᑦ ᒪᒃᑯᒃᑐᓄᑦ ᐊᑎᒋᓕᐅᕐᓂᕐᒧᑦ ᐱᓕᕆᐊᖑᕙᒃᑐᒥᒃ, ᐱᓕᕆᖃᑎᖃᖅᓱᑎᒃ ᓄᓇᓕᖕᓂ ᒥᖅᓱᖅᑎᓂᒃ ᐱᑎᑦᑎᔪᒪᓪᓗᑎᒃ ᐊᑎᒋᓂᒃ ᐃᓚᒌᓄᑦ ᒪᒃᑯᒃᑐᓪᓗ ᐱᓕᕆᓗᑎᒃ ᐊᔪᕈᓐᓃᖅᓴᖅᑎᑕᐅᕙᒡᓗᑎᒃ ᐃᑲᔪᕈᒪᓂᕐᒧᑦ ᐊᓯᐅᑎᑦᑎᑦᑕᐃᓕᒪᓂᕐᒥᒃ ᑭᖑᕚᕇᓄᑦ ᐊᔪᕈᓐᓃᖅᑕᐅᕙᒃᑐᓂᒃ.

ᖃᐅᔨᒋᐊᒃᑲᓐᓂᕆᑦ

ᖃᐅᔨᒋᐊᖅᑏᑦ ᖃᓄᐃᙱᑦᑎᐊᕐᕕᖕᒥ ᖃᐅᔨᓴᕐᕕᒃ

ᖃᐅᔨᓴᖅᑐᑦ ᐱᓕᕆᐊᒃᓴᓂᑦ ᑎᓯ ᒪᒃᑯᒃᑐᓄᑦ ᖃᓄᐃᙱᑦᑎᐊᖕᓂᖕᒧᑦ ᑐᖅᑲᖅᑕᕐᕕᐊᓂᑦ.

ᖃᐅᔨᒋᐊᒃᑲᓐᓂᕆᑦ

867 ᓴᙱᓂᖅ

ᐱᒋᐊᖅᑎᑦᑎᔪᒪᕗᑦ ᒪᒃᑯᒃᑐᓄᑦ ᐊᐅᓪᓛᖅᑎᑦᑎᓂᕐᒥᒃ ᑕᐅᑐᒐᖃᖅᑐᒥᒃ ᓴᙱᓂᕐᒥᒃ ᐊᔪᕈᓐᓃᖅᓴᕐᓂᕐᒥᒃ, ᖃᓄᐃᙱᑦᑎᐊᕐᓂᕐᒥᒃ, ᐃᓚᓕᐅᔾᔨᓯᒪᓂᕐᒥᒡᓗ, ᐱᒋᐊᕐᕕᖃᕐᓗᑎᒃ ᐃᖅᑲᓇᐃᔭᖅᑎᓂᒃ ᓇᓗᓇᐃᒃᑯᑕᖅᑖᖅᑎᑦᑎᓂᕐᒥᒃ ᓇᓗᙱᑦᑎᐊᕈᒪᓂᕐᒧᑦ ᐃᓚᐅᔪᑦ ᐊᑦᑕᕐᓇᖅᑐᒦᙱᓐᓂᖏᓐᓂᒃ ᐃᑲᔪᖅᑐᖅᑕᐅᕙᖕᓂᖏᓐᓂᒡᓗ.

ᖃᐅᔨᒋᐊᒃᑲᓐᓂᕆᑦ

ᐱᕕᒃᓴᐃᑦ ᓇᓗᓇᐃᖅᑕᐅᓯᒪᔪᑦ ᓄᓇᓕᖕᓂᓄᓇᓕᖕᓂ

ᑐᓐᓂᖅᑯᓯᐊᖅ ᓂᕈᐊᒐᒃᓴᙳᖅᑎᑕᐅᔪᖅ: $100,000

Pitquhirnikkut Ilihautiniq/ᕿᑎᕐᒥᐅᓂ ᐃᑦᑕᕐᓂᓴᓕᕆᔨᒃᑯᑦ ᑲᑐᔾᔨᖃᑎᒌᖏᑦ

ᑐᓐᓂᖅᑯᓯᐊᖅ ᓂᕈᐊᒐᒃᓴᙳᖅᑎᑕᐅᔪᖅ: $100,000

ᖃᐅᔨᒋᐊᒃᑲᓐᓂᕆᑦ

2024-2025

ᓴᓇᙳᐊᒐᕐᓄᑦ ᐃᓕᖅᑯᓯᕐᓄᓪᓗ

ᑮᓇᐅᔭᖃᖅᑎᑕᐅᔪᑦ: $250,000

ᐊᒋᐊᒐᑦ ᓄᐊᑦ/ᕚᓕᓐᔅ ᓄᐊᑦ

ᐃᖅᑲᓇᐃᔭᖅᑎᑖᓚᐅᖅᑐᑦ ᐅᓪᓘᑉ ᐃᓚᐃᓐᓇᖓᓂ ᑐᑭᒧᐊᖅᑎᑦᑎᔨᒥᒃ ᐊᐅᓚᓂᐅᔪᓄᑦ ᐊᒻᒪᓗ ᐋᖅᑭᒃᓱᐃᕙᓪᓕᐊᓪᓗᑎᒃ ᑲᔪᖏᖅᓴᐃᔪᓕᕆᓂᕐᒧᑦ ᐱᓕᕆᐊᒃᓴᒥᒃ ᐃᓕᓐᓂᐊᕇᖅᓯᒪᔪᓄᑦ ᐃᓕᓴᐃᖃᑦᑕᕐᓂᐊᕐᒪᑕ ᓄᓇᓕᖏᓐᓂ.

ᖃᐅᔨᒋᐊᒃᑲᓐᓂᕆᑦ

ᖃᔭᒃᑯᑦ ᑲᑐᔾᔨᖃᑎᒌᑦ

ᐆᒻᒪᖅᑎᑦᑎᒃᑲᓐᓂᕐᓂᖅ ᓴᓇᓂᕐᒥᒃ ᐸᐅᕐᓂᕐᒥᒡᓗ ᐃᓕᖅᑯᓯᑐᖃᒃᑯᑦ ᖃᔭᐃᑦ (ᐃᓄᐃᑦ ᖃᔭᕆᐊᖏᑦ) ᐃᓐᓇᕐᓂᒃ, ᐊᒥᖅᑳᖃᑎᖃᕐᓂᖅ ᐃᓕᖅᑯᓯᑐᖃᕐᒥᒃ ᖃᐅᔨᒪᓂᕐᒥᒃ ᒪᒃᑯᒃᑐᓄᑦ, ᐃᓚᐅᑎᑦᑎᓂᕐᓗ ᓄᓇᓕᖕᓂᒃ.

ᖃᐅᔨᒋᐊᒃᑲᓐᓂᕆᑦ

Redfish ᓴᓇᙳᐊᖅᑏᑦ ᑲᑐᔾᔨᖃᑎᒌᖓᑦ

ᓴᖅᑭᑦᑎᓚᐅᖅᐳᑦ ᐊᐅᖅᑭᑦᑎᔨᐅᑉ ᐃᑲᔪᖅᑎᖓᓂᒃ ᐃᖅᑲᓇᐃᔮᒃᓴᒥᒃ ᐃᓄᐃᑦ ᒪᒃᑯᒃᑐᑦ ᐊᑭᓕᖅᓱᖅᑕᐅᓪᓗᑎᒃ, ᐱᓕᒻᒪᒃᓴᖅᑎᑕᐅᓪᓗᑎᒃ.

ᖃᐅᔨᒋᐊᒃᑲᓐᓂᕆᑦ

ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᓂᖅ ᖃᓄᐃᙱᑦᑎᐊᕐᓂᕐᓗ: ᑮᓇᐅᔭᑦ

ᓴᓂᕐᕙᒃᑕᐅᔪᑦ $240,000

ᐅᖂᑕᖅ ᑲᑐᔾᔨᖃᑎᒌᑦ

ᐋᖅᑭᒃᓱᐃᕙᓪᓕᐊᓂᖅ ᐱᓕᕆᖃᑎᒌᓄᑦ ᐃᑲᔪᖅᑐᐃᓂᕐᒧᑦ ᐱᓕᕆᐊᖑᕙᒃᑐᒥᒃ ᐃᓕᖅᑯᓯᑐᖃᒃᑯᑦ ᑐᙵᕕᓕᖕᒥᒃ, ᖁᐊᖅᓵᖅᓯᒪᓂᕐᒧᑦ ᐅᔾᔨᕈᓱᖕᓂᕐᒥᒃ, ᐊᐅᓚᑕᐅᓗᓂᓗ ᐃᓄᖕᓂᑦ ᐊᑐᕐᓂᑯᖃᖅᓯᒪᔪᓂᑦ.

ᖃᐅᔨᒋᐊᒃᑲᓐᓂᕆᑦ

ᐸᐃᕆᔩᑦ ᑎᒍᒻᒥᐊᒃᑎᒃᑯᑦ ᐃᓄᐃᑦ ᐃᓐᓇᐃᑦ ᑲᑐᔾᔨᖃᑎᒌᖏᑦ

ᐃᖅᑲᓇᐃᔭᖅᑎᑦᑎᓪᓗᑎᒃ ᐃᖅᑲᓇᐃᔭᖅᑎᓂᒃ ᐃᑲᔪᕐᓂᐊᖅᑐᓂᒃ ᖃᐅᑕᒫᑦ ᐊᐅᓚᓂᕆᔭᐅᔪᓂᒃ ᐊᕗᖓᑲᓪᓚᒡᓗ ᖃᓄᐃᓕᐅᖅᐸᓪᓕᐊᓂᐊᕐᓂᕐᒧᑦ ᐱᕙᒌᔭᕐᓂᕐᒥᒃ ᐱᓕᕆᖃᑎᖃᖅᓗᑎᒃ ᑐᑭᒧᐊᖅᑎᑦᑎᔨᒻᒪᕆᖕᒥᒃ.

ᖃᐅᔨᒋᐊᒃᑲᓐᓂᕆᑦ

ᐱᕈᖃᑎᒌᑦ ᑐᑭᓯᒋᐊᕐᕕᒃ

ᐊᑐᓚᐅᖅᑐᑦ ᑮᓇᐅᔭᓂᑦ ᐊᐅᓚᑦᑎᓂᖕᓂᑦ ᐊᑭᓕᕐᓱᐃᓂᖕᒧᓪᓗ ᑮᓇᐅᔾᔭᒃᓵᓂᑦ ᐱᕙᓪᓕᐊᓂᖃᖅᑎᓪᓗᒋᑦ ᐅᐸᓗᖓᐃᔭᖅᓯᒪᔪᓂᑦ ᓯᕗᓕᖅᑎᐅᓂᖕᒧᑦ ᓅᑉᐸᓪᓕᐊᓂᖕᒧᑦ ᐸᖕᓇᐃᓂᖕᒥᑦ.

ᖃᐅᔨᒋᐊᒃᑲᓐᓂᕆᑦ

ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ

ᐋᖅᑭᒃᓯᓚᐅᖅᐳᑦ ᐱᓕᕆᖃᑎᒌᖕᓂᕐᒧᑦ ᐸᕐᓇᐅᑎᒥᒃ ᐃᖅᑲᓇᐃᔭᖅᑏᑦ ᑲᑎᙵᑎᓪᓗᒋᑦ ᐊᑕᖏᕐᓗᑎᒡᓗ ᑲᑎᙵᓪᓗᑎᒃ ᐱᓕᕆᖃᑎᒌᑦ ᑲᑎᒪᑎᑕᐅᓪᓗᑎᒃ ᐃᖅᑲᓇᐃᔭᖅᑎᓂᒃ ᓄᓇᕘᓕᒫᒥ.

ᖃᐅᔨᒋᐊᒃᑲᓐᓂᕆᑦ

ᐃᓕᓐᓂᐊᕐᓂᕐᒧᑦ ᐃᓕᑦᑎᕙᓪᓕᐊᓂᕐᒧᓪᓗ

ᑮᓇᐅᔭᖃᖅᑎᑕᐅᓂᕐᒧᑦ ᓴᓂᕐᕙᒃᑕᐅᓯᒪᔪᑦ: $140,000

ᓄᓇᑦᑕ ᐃᓕᓐᓂᐊᖅᑏᑦ ᑲᑎᒪᔨᖏᑦ

ᐱᖁᑎᖃᖅᑎᑦᑎᓚᐅᖅᐳᑦ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᓂᕿᑖᕐᕕᖕᒧᑦ ᓴᖅᑭᑎᑦᑎᕙᓪᓕᐊᓪᓗᑎᒡᓗ ᓄᓇᓕᖕᓂ ᐃᓂᒋᔭᐅᖃᑦᑕᕐᓂᐊᖅᑐᒥᒃ ᑲᔪᓯᑎᑦᑎᔪᒪᓪᓗᑎᒃ ᐃᓕᓐᓂᐊᖅᑏᑦ ᐃᓚᐅᑎᑕᐅᕙᖕᓂᖏᓐᓄᑦ.

ᖃᐅᔨᒋᐊᒃᑲᓐᓂᕆᑦ

ᐃᓕᑕᖅᓯᓂᖅ

ᕌᓐ ᐃᓄᒪᕆᙳᕐᓂᖅ ᐊᒻᒪ ᐊᒪᐅᓯᐅᕐᓂᖅ ᐱᓕᕆᐊᒃᓴᑦ ᑕᐅᑐᒐᖃᖅᐳᑦ ᒪᒥᓴᕐᓂᕐᒥᒃ ᓇᖕᒥᓂᕐᓗ ᐱᕈᖅᐸᓪᓕᐊᓂᕐᒥᒃ ᐃᓄᐃᑦ ᖃᐅᔨᒪᔭᖏᑎᒍᑦ ᐊᒻᒪ ᐃᓕᖅᑯᓯᑐᖃᒃᑯᑦ ᐊᒪᐅᓯᕆᓂᖅ ᒥᖅᓱᕐᓂᒃᑯᑦ, ᑕᓯᐅᖅᑕᐅᓪᓗᑎᒃ ᐃᓐᓇᕐᓄᑦ.

ᖃᐅᔨᒋᐊᒃᑲᓐᓂᕆᑦ

ᑐᑭᓯᒋᐊᕐᕕᒃ ᑲᑐᔾᔨᖃᑎᒌᑦ

ᐋᖅᑭᒃᓱᐃᓚᐅᖅᐳᑦ ᓴᕐᕕᕈᑏᑦ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ ᐃᓕᓐᓂᐊᖅᑎᑦᑎᓪᓗᑎᒃ ᓴᐸᖓᓕᕆᓂᕐᒥᒃ ᐊᒻᒪ ᐃᓄᒃᑎᑐᑦ ᐊᓐᓄᕌᑦ ᑕᐃᒎᓯᖏᓐᓂᒃ, ᔭᒐᑎᑦᑎᑦᑕᐃᓕᒪᓪᓗᑎᒃ ᐃᓕᖅᑯᓯᑐᖃᕐᓂᒃ.

ᖃᐅᔨᒋᐊᒃᑲᓐᓂᕆᑦ

ᐱᕕᒃᓴᐃᑦ ᓇᓗᓇᐃᖅᑕᐅᓯᒪᔪᑦ ᓄᓇᓕᖕᓂᓄᓇᓕᖕᓂ

ᑐᓐᓂᖅᑯᓯᐊᖅ ᓂᕈᐊᒐᒃᓴᙳᖅᑎᑕᐅᔪᖅ: $100,000

Tᑐᑭᓯᒋᐊᕐᕕᒃ ᑲᑐᔾᔨᖃᑎᒌᓄᑦ

ᓯᕗᓪᓕᖅᐹᖅ ᓄᓇᓕᖕᓂ ᓂᕈᐊᒐᒃᓴᙳᖅᑎᑕᐅᔪᖅ ᑐᓐᓂᖅᑯᓯᐊᖅ ᑐᓂᔭᐅᓚᐅᖅᐳᖅ ᑐᑭᓯᒋᐊᕐᕕᒃ ᑲᑐᔾᔨᖃᑎᒌᓄᑦ.

ᖃᐅᔨᒋᐊᒃᑲᓐᓂᕆᑦ

ᑖᒃᑯᐊ ᑮᓇᐅᔭᑦ ᐊᕐᓇᐃᑦ/ᐊᖑᑎᑦ ᓇᓕᒧᒌᒃᑎᑕᐅᓂᖏᓐᓄᑦ

ᑖᒃᑯᐊ ᑮᓇᐅᔭᑦ ᐊᕐᓇᐃᑦ/ᐊᖑᑎᑦ ᓇᓕᒧᒌᒃᑎᑕᐅᓂᖏᓐᓄᑦ ᑲᑐᔾᔨᖃᑎᖃᖅᑐᑎᒃ ᓄᓇᓕᖕᓂ ᑐᙵᕕᒋᔭᐅᔪᓂᒃ ᑲᓇᑕᒥ, ᓴᓂᕐᕙᐃᓯᒪᖕᒪᑕ ᑮᓇᐅᔭᓂᒃ $825,000-ᓂᒃ.

ᐃᖃᓗᖕᓂ ᕼᐋᑭᖅᑐᓄᑦ ᑲᑐᔾᔨᖃᑎᒌᑦ

ᐋᖅᑭᒃᓯᓚᐅᖅᐳᑦ ᓄᓇᕘᓕᒫᒥ ᐱᓕᕆᐊᖑᕙᓪᓕᐊᔪᒪᔪᒥᒃ ᐃᓚᐅᑎᑦᑎᔪᒪᓪᓗᑎᒃ ᐃᓄᖕᓂᒃ ᓂᕕᐊᖅᓵᓂᒃ ᕼᐋᑭᖃᑕᐅᔪᓂᒃ ᐃᑲᔪᕐᓗᒋᓪᓗ ᐃᓄᐃᑦ ᐊᕐᓇᐃᑦ ᐱᙳᐊᖅᑎᓄᑦ ᑲᒪᔨᑦ ᐊᐅᓪᓛᖅᑎᑦᑎᓂᒃᑯᑦ, ᐊᔪᕈᓐᓃᖅᑕᐅᕙᒃᑐᓄᑦ ᐊᔪᕈᓐᓃᖅᓴᖅᑎᑕᐅᓂᒃᑯᑦ, ᓯᕗᓕᖅᑎᐅᓂᕐᒧᓪᓗ ᐱᓕᕆᐊᖑᕙᒃᑐᓄᑦ.

ᖃᐅᔨᒋᐊᒃᑲᓐᓂᕆᑦ

ᐃᓕᑕᖅᓯᓂᖅ

ᓴᖅᑭᑦᑎᓚᐅᖅᐳᑦ ᐊᑕᖐᑦᑎᐊᖅᑐᒥᒃ ᓯᕗᓕᖅᑎᐅᓂᕐᒧᑦ ᐃᓕᓐᓂᐊᒐᒃᓴᒥᒃ ᐊᕐᓇᓄᑦ ᓄᓇᕗᒻᒥ ᐱᐅᓯᒋᐊᖅᑎᑦᑎᔪᒥᒃ ᓯᕗᓕᖅᑎᐅᓂᕐᒧᑦ ᐊᔪᕈᓐᓃᖅᑕᐅᕙᒃᑐᓂᒃ ᓄᓇᓕᖕᓂ, ᐃᓚᒌᓂ, ᐃᖅᑲᓇᐃᔭᕐᕕᖕᓂᓗ.

ᖃᐅᔨᒋᐊᒃᑲᓐᓂᕆᑦ

ᖃᔪᖅᑐᕐᕕᒃ ᓄᓇᓕᖕᓂ ᓂᕿᓕᕆᕝᕕᒃ

ᐱᓇᓱᐊᕈᓯᑕᒫᑦ ᓄᓇᒥ ᐱᓕᕆᑎᑦᑎᕙᒃᐳᑦ ᐃᓄᐃᑦ ᐊᕐᓇᐃᑦ ᑲᑎᙵᓪᓗᑎᒃ ᐱᓕᕆᐊᖓᑎᒍᑦ ᐅᔾᔨᕐᓇᖅᓯᑎᑦᑎᔪᒪᓪᓗᑎᒃ ᐃᓕᖅᑯᓯᑐᖃᕐᒥᒃ ᐃᓕᑦᑎᕙᓪᓕᐊᓂᕐᒥᒃ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᓄᓇᓕᖕᓂᓗ ᐊᓂᒍᐃᔪᓐᓇᕐᓂᕐᒥᒃ.

ᖃᐅᔨᒋᐊᒃᑲᓐᓂᕆᑦ

ᖃᐅᔨᒋᐊᖅᑏᑦ ᖃᓄᐃᙱᑦᑎᐊᕐᕕᖕᒥ ᖃᐅᔨᓴᕐᕕᒃ

ᐱᓕᕆᑎᑦᑎᓚᐅᖅᐳᑦ ᖃᐅᔨᓴᕐᓂᕐᒥᒃ ᐱᓇᓱᐊᕈᓯᕆᔭᐅᔪᒥᒃ ᐃᖅᑲᓇᐃᔭᖅᑐᓄᑦ ᐃᓄᖕᓄᑦ ᐊᕐᓇᓄᑦ ᐱᕙᒌᔭᖅᐸᓪᓕᐊᓪᓗᑎᒡᓗ ᑭᖑᓂᐊᒍᑦ ᐱᓕᕆᐊᖑᒃᑲᓐᓂᕋᔭᖅᑐᒥᒃ ᑕᐅᑐᒐᖃᖅᑐᒥᒃ

ᖃᐅᔨᒋᐊᒃᑲᓐᓂᕆᑦ

Pitquhirnikkut Ilihautiniq/ᕿᑎᕐᒥᐅᓂ ᐃᑦᑕᕐᓂᓴᓕᕆᔨᒃᑯᑦ ᑲᑐᔾᔨᖃᑎᒌᖓᑦ

ᐱᒋᐊᖅᑎᑦᑎᓚᐅᖅᐳᑦ ᐃᓐᓇᐃᑦ ᐊᔪᕈᓐᓃᖅᓴᖅᑎᑕᐅᓪᓗᑎᒃ ᐱᓕᕆᐊᒃᓴᒥᒃ ᐃᑲᔪᕈᒪᓪᓗᑎᒃ ᔭᒐᑎᑦᑎᑦᑕᐃᓕᒪᓂᕐᒥᒃ ᐃᓄᐃᓐᓇᖅᑐᓐ ᐅᖃᐅᓯᕐᒥᒃ ᐱᑎᑦᑎᕙᒃᑐᑎᒃ ᐊᔪᕈᓐᓃᖅᓴᖅᑎᑦᑎᓂᕐᒥᒃ, ᑎᑎᕋᖅᓯᕙᓪᓕᐊᓂᕐᒥᒃ ᐅᖃᐅᓯᕐᒥᒃ, ᓴᖅᑭᑎᑦᑎᓂᕐᒥᒡᓗ ᐊᑐᖅᑕᐅᔪᓐᓇᖅᑐᓂᒃ.

ᖃᐅᔨᒋᐊᒃᑲᓐᓂᕆᑦ

2023-2024

ᐃᓄᐃᑦ ᓱᕈᓰᑦ ᒪᒃᑯᒃᑐᓪᓗ

ᑮᓇᐅᔭᑦ ᓴᓂᕐᕙᒃᑕᐅᔪᑦ $240,000

ᓄᓇᕗᒻᒥ ᒪᕐᕉᖕᓂᒃ ᐅᖃᐅᓯᖃᕐᓂᕐᒧᑦ ᑲᑐᔾᔨᖃᑎᒌᑦ

ᐋᖅᑭᒃᓱᐃᓚᐅᖅᐳᑦ ᒪᓕᒃᑕᐅᕙᓪᓕᐊᕙᒃᑐᒥᒃ ᐊᖓᔪᖅᑳᓄᑦ ᑲᒪᔨᒋᔭᐅᔪᓄᓪᓗ ᐃᑲᔪᖅᑐᐃᔪᒪᓪᓗᑎᒃ ᓄᑕᖅᑲᑦ ᐃᓕᑦᑎᕙᓪᓕᐊᕙᖕᓂᖏᓐᓂᒃ ᐃᓄᒃᑎᑐᑦ ᐊᖏᕐᕋᕆᔭᒥᓂ.

ᖃᐅᔨᒋᐊᒃᑲᓐᓂᕆᑦ

ᐃᖃᓗᖕᓂ ᓂᔾᔭᐅᓯᔭᖅᑏᑦ ᑲᑐᔾᔨᖃᑎᒌᖓᑦ

ᐱᓕᕆᑎᑦᑎᓚᐅᖅᐳᑦ ᐊᐅᔭᒃᑯᑦ ᐱᓕᕆᑎᑦᑎᓪᓗᑎᒃ ᒪᒃᑯᒃᑐᓂᒃ ᐊᑭᓕᖅᓱᖅᑕᐅᙱᓪᓗᑎᒃ ᐱᓕᕆᑎᑕᐅᔪᓂᒃ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᓯᕗᓕᖅᑎᐅᓂᕐᒥᒃ ᐊᒻᒪ ᓂᔾᔭᐅᓯᔭᕐᓂᕐᒧᑦ ᐊᔪᕈᓐᓃᖅᑕᐅᕙᒃᑐᓂᒃ.

ᖃᐅᔨᒋᐊᒃᑲᓐᓂᕆᑦ

ᐊᔪᙱᓐᓂᐅᔪᑦ ᑲᓇᑕᒥ ᓄᓇᕗᒻᒥ

ᑲᔪᓯᑎᑦᑎᓚᐅᖅᐳᑦ ᓄᑲᖅᑏᑦ ᐃᓕᓐᓂᐊᕐᓂᕐᒥᒃ ᐃᖅᑲᓇᐃᔮᒃᓴᒧᑦ ᓴᓇᔨᐅᓂᕐᒧᓪᓘᓐᓃᑦ ᐱᓕᕆᐊᒃᓴᒥᒃ ᓴᖅᑭᔮᖅᑎᑦᑐᒪᓪᓗᒋᑦ ᐃᓄᐃᑦ ᒪᒃᑯᒃᑐᑦ ᐃᖅᑲᓇᐃᔮᓄᑦ ᓴᓇᔪᓕᕆᓂᕐᒧᑦ ᐱᓕᕆᕝᕕᖕᓂ.

ᖃᐅᔨᒋᐊᒃᑲᓐᓂᕆᑦ

ᐅᑭᐅᖅᑕᖅᑐᒥ ᓄᑕᖅᑲᑦ ᒪᒃᑯᒃᑐᓪᓗ ᑐᙵᕕᖓᑦ

ᑮᓇᐅᔭᑦ ᐊᑐᖅᑕᐅᓚᐅᖅᐳᑦ ᐃᑲᔪᖅᓱᐃᔾᔪᑕᐅᓪᓗᑎᒃ ᐃᖅᑲᓇᐃᔭᖅᑎᓄᑦ ᐃᒡᓗᒧᑦ ᐃᑲᔫᓯᐊᖅᑖᖃᑦᑕᙱᑦᑐᓄᑦ, ᐅᔾᔨᕐᓇᖅᓯᑎᑦᑎᓪᓗᑎᒃ ᐊᔾᔨᒌᒃᑎᑦᑎᓂᕐᒥᒃ ᐊᒻᒪ ᐃᖅᑲᓇᐃᔭᖅᑎᑦ ᖃᓄᐃᙱᑦᑎᐊᕈᓯᖏᓐᓂᒃ.

ᖃᐅᔨᒋᐊᒃᑲᓐᓂᕆᑦ

2022-2023

ᓄᓇᓕᖕᓂ ᐱᔨᑦᑎᕋᐅᑎᓄᑦ ᐅᑎᖅᑎᑦᑎᓂᕐᒧᑦ ᑮᓇᐅᔭᑦ

ᓄᓇᓕᖕᓂ ᐱᔨᑦᑎᕋᐅᑎᓄᑦ ᐅᑎᖅᑎᑦᑎᓂᕐᒧᑦ ᑮᓇᐅᔭᑦ, ᐱᓕᕆᖃᑎᖃᖅᑐᑎᒃ ᓄᓇᓕᖕᓂ ᑐᙵᕕᒋᔭᐅᔪᓂᒃ ᑲᓇᑕᒥ, ᓴᓂᕐᕙᒃᑕᐅᓯᒪᔪᑦ ᑮᓇᐅᔭᑦ: $330,000

‍

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

ᐃᑲᔪᖅᑕᐅᓚᐅᖅᐳᑦ ᐊᑐᓕᖅᑎᑦᑎᔪᒪᓪᓗᑎᒃ ᐋᖅᑭᒃᓯᒪᓕᖅᑎᑦᑎᓂᕐᒧᑦ ᐊᑐᖅᑕᐅᔪᓐᓇᖅᑐᒥᒃ ᐃᑲᔪᖅᑐᐃᓂᐊᖅᑐᒥᒃ ᐊᖏᒡᓕᕙᓪᓕᐊᓂᕆᔭᖓᓂᒃ ᐊᔪᙱᓐᓂᕆᔭᒥᓂᒃ ᓯᕗᓂᒃᓴᒥᓗ ᐱᓕᕆᐊᒃᓴᕆᓇᔭᖅᑕᖏᓐᓂᒃ.

ᖃᐅᔨᒋᐊᒃᑲᓐᓂᕆᑦ

ᐃᖃᓗᓐᓂ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᒃᑯᑦ

ᐃᑲᔪᖅᑕᐅᓚᐅᖅᑐᑦ ᓴᖅᑮᓪᓗᑎᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᒥᒃ ᐊᒻᒪᓗ ᐸᕐᓇᒍᑕᐅᔪᒥᒃ ᐆᒪᔪᓂᒃ ᓴᐳᔾᔨᕕᒻᒥᒃ ᐊᒻᒪᓗ ᖃᓄᐃᓐᖏᑦᑎᐊᕐᓂᕐᒧᑦ ᐱᓕᕆᕕᒻᒥᒃ.

ᖃᐅᔨᒋᐊᒃᑲᓐᓂᕆᑦ

ᐅᑭᐅᖅᑕᖅᑐᒥ ᓱᕈᓰᑦ ᒪᒃᑯᒃᑐᓪᓗ ᑐᙵᕕᖓᑦ

ᐃᑲᔪᖅᑕᐅᓚᐅᖅᐳᑦ ᐋᖅᑭᒃᓱᐃᒃᑲᓐᓂᕐᓂᕐᒧᑦ ᑲᑐᔾᔨᖃᑎᒌᓄᑦ ᖃᓄᐃᓕᐅᖅᑕᐅᕙᓪᓕᐊᔪᒪᔪᓂᒃ ᐊᐅᓚᓂᕆᔭᐅᔪᓂᒡᓗ.

ᖃᐅᔨᒋᐊᒃᑲᓐᓂᕆᑦ

Pitquhirnikkut Ilihautiniq/ᕿᑎᕐᒥᐅᓂ ᐃᑦᑕᕐᓂᓴᓕᕆᔨᒃᑯᑦ ᑲᑐᔾᔨᖃᑎᒌᖏᑦ

ᐃᑲᔪᖅᑕᐅᓚᐅᖅᐳᑦ ᑲᔪᓯᑎᑦᑎᔪᒪᓪᓗᑎᒃ ᐊᓯᔾᔨᖅᐸᓪᓕᐊᔪᓂᒃ ᖃᓄᐃᓕᐅᖅᐸᓪᓕᐊᓂᐊᕐᓂᕐᒧᑦ ᐱᕙᒌᔭᕐᓂᕐᒥᒃ ᐱᐅᓯᒋᐊᖅᑎᑦᑎᔪᒪᓂᕐᒧᓪᓗ ᐊᔪᙱᓐᓂᕆᔭᒥᓂᒃ ᐊᐅᓚᑦᑎᔪᓐᓇᕐᓂᕐᒥᒃ ᐃᓄᐃᑦ ᓯᕗᓕᖅᑎᖃᕐᓗᑎᒃ.

ᖃᐅᔨᒋᐊᒃᑲᓐᓂᕆᑦ

ᑲᒪᒋᔭᖃᕈᓐᓇᕐᓂᖅ ᓄᓇᓕᑦᑎᓐᓄᑦ

ᐊᓐᓇᐅᒪ ᓄᓇᓕᖕᓂ ᑐᙵᕕᖓᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑐᖅᐳᑦ ᑐᓂᓯᓂᕐᒥᒃ ᐊᒻᒪ ᐊᔾᔨᒌᒃᑎᑦᓯᓂᕐᒥᒃ, ᑐᓂᓯᓂᖅ ᐱᔾᔪᑎᖃᙱᒡᓗᓂ ᐅᑎᕐᕕᐅᓂᕐᒥᒃ ᑭᓯᐊᓂ ᐊᓯᒥᓂᒃ ᑲᒪᑦᑎᐊᖃᑦᑕᐅᑎᓂᕐᒥᒃ. ᐃᓚᖓ ᑖᔅᓱᒪ ᑐᑭᖃᖅᐳᖅ ᐊᓐᓇᐅᒪ ᐊᖏᖅᓯᒪᑦᑎᐊᖅᐳᖅ ᐃᑲᔪᖅᑐᐃᓂᕐᒥᒃ ᑕᒪᐃᓐᓂᒃ ᓄᓇᓕᖕᓂ ᐱᓕᕆᖃᑎᒋᔭᐅᔪᓂᒃ ᐊᒻᒪ ᐃᓄᖕᓂ ᐃᓚᒋᔭᐅᔪᓂᒃ ᐱᓕᕆᖃᑕᐅᔪᓂᒃ ᐊᓐᓇᐅᒪ−ᑮᓇᐅᔭᖃᖅᑎᑕᐅᔪᓄᑦ ᐱᓕᕆᐊᓄᑦ.

ᑮᓇᐅᔭᖃᖅᑎᑦᓯᔨᕗᑦ ᐱᓕᕆᖃᑎᒌᒃᐸᒃᐳᑦ ᖃᐅᔨᒪᑦᑎᐊᕈᒪᓪᓗᑎᒃ ᑕᒪᕐᒥᑦᑎᐊᖅ ᐱᓕᕆᐊᒃᓴᐃᑦ ᐱᓕᕆᐊᒃᓴᐃᓪᓗ ᑮᓇᐅᔭᖃᖅᑎᑕᕗᑦ ᑲᒪᒋᔭᐅᑦᑎᐊᕋᓗᐊᕐᒪᖔᑕ ᓱᓕᑦᑎᐊᕐᓗᑎᒡᓗ, ᑭᓯᐊᓂᓗᑦᑕᐅᖅ ᖃᐅᔨᒪᒋᕗᒍᑦ ᐃᓱᒪᒋᔭᒃᓴᐃᑦ ᓴᖅᑭᑦᑐᓐᓇᕐᓂᖏᓐᓂᒃ. ᑲᒪᒋᔭᖃᖃᑦᑕᐅᑎᓂᖅ ᐊᓯᑦᑎᓐᓄᑦ ᑐᑭᖃᖅᐳᖅ ᐱᓕᕆᐊᖃᓪᓚᕆᒍᒪᓂᑦᑎᓐᓂᒃ ᑐᑭᓯᐅᒪᓂᕐᒥᒃ ᐋᖅᑭᒃᓯᒪᓕᖅᑎᑦᓯᓂᕐᒥᒡᓗ ᖃᓄᑐᐃᓐᓇᖅ ᐊᑲᐅᙱᓕᐅᕈᑎᒋᔭᐅᔪᓂᒃ ᐃᓱᒪᒃᓴᖅᓯᐅᑦᑎᐊᖅᓯᒪᓗᑕ.

ᓄᓇᓕᖕᓂ ᐱᓕᕆᖃᑎᒋᔭᐅᔪᖅ ᐃᓚᒋᔭᐅᔪᕐᓘᓐᓃᑦ ᐱᐅᙱᑦᑐᒃᑯᑦ ᐊᒃᑐᖅᑕᐅᓯᒪᓇᓱᒋᒍᓂ ᐊᓐᓇᐅᒪᒧᑦ ᐱᓕᕆᐊᖑᔪᒧᓪᓘᓐᓃᑦ ᑮᓇᐅᔭᖃᖅᑎᑕᑦᑎᓐᓄᑦ, ᐃᓱᒫᓘᑎᒋᔭᒥᓂᒃ ᐅᖃᐅᓯᖃᕈᓐᓇᖅᐳᑦ ᐊᑐᕐᓗᑎᒃ ᐊᑖᓃᑦᑐᒥᒃ ᑎᑎᕋᖅᓯᒪᔪᒥᒃ.

ᐊᓐᓇᐅᒪ ᑎᓕᐅᕆᕗᖅ ᑭᓇᑐᐃᓐᓇᑦᑎᐊᒥᒃ ᐃᓱᒫᓘᑎᖃᖅᑐᒥᒃ ᑭᓱᑐᐃᓐᓇᕐᒥᒃ ᓂᓪᓕᐊᖃᑦᑕᖁᔨᓪᓗᓂ. ᐃᖅᑲᓇᐃᔭᖅᑏᑦ, ᑲᑎᒪᔩᑦ, ᐊᒻᒪ ᐱᓕᕆᖃᑎᒋᔭᓕᒫᖏᑦ ᑲᑐᔾᔨᖃᑎᒌᖑᔪᑦ ᐊᖏᖃᑎᒌᒃᐳᑦ ᐊᑭᒋᐊᖅᑐᖃᔾᔮᙱᓐᓂᖓᓂᒃ ᑭᓇᑐᐃᓐᓇᕐᒧᑦ ᐃᓱᒫᓘᑎᖃᖅᑐᒥᒃ ᑕᒪᑐᒨᓇ ᐱᓕᕆᓂᐅᔪᒃᑯᑦ.

ᓄᓇᓕᖕᓂ ᐱᓕᕆᖃᑎᒌᑦ ᐅᕝᕙᓘᓐᓃᑦ ᐃᓄᑐᐊᑦ ᓄᓇᓕᖕᒥᐅᑦ ᐃᓱᒫᓘᑎᒥᓂᒃ ᐅᖃᐅᓯᖃᕈᓐᓇᖅᐳᑦ ᐊᓐᓇᐅᒪᐅᑉ ᒥᒃᓵᓄᑦ, ᐊᓐᓇᐅᒪ ᐃᖅᑲᓇᐃᔭᖅᑎᖏᓐᓂᒃ, ᐅᕝᕙᓘᓐᓃᑦ ᐊᓐᓇᐅᒪᐅᑉ ᑮᓇᐅᔭᖃᖅᑎᑕᐅᔪᓂᒃ ᐱᓕᕆᐊᓂᒃ ᐃᒪᐃᓕᐅᕐᓗᑎᒃ:
‍

  1. ᑎᑎᖅᑲᒃᑯᕕᒃ: 114-505B Astro Hill Terrace, Iqaluit NU, X0A 2H0
  2. ᐃᕐᖐᓐᓈᖅᑕᐅᑦ: info@annauma.ca
  3. ᖃᕆᑕᐅᔭᒃᑯᑦ ᑕᑕᑎᕆᐊᓕᒃ‍
    ‍

ᐅᖃᐅᓯᖃᕈᒪᒍᕕᑦ ᐱᔾᔪᑕᐅᔪᒥᒃ, ᖃᐅᔨᑎᑎᒍᑦ ᑭᓲᖕᒪᖔᑦ ᐊᑲᐅᙱᓕᐅᕈᑕᐅᔪᖅ, ᑭᒃᑯᑦ ᐃᓚᐅᖕᒪᖔᑕ, ᖃᓄᑐᐃᓐᓇᕐᓗ ᐋᓐᓂᖅᓯᔪᖃᖅᓯᒪᖕᒪᖔᑦ ᐊᑐᖅᑐᖃᓕᖅᐸᓪᓘᓐᓃᑦ.

ᑲᑎᒪᔨᑦ, ᑮᓇᐅᔭᖃᖅᑎᑦᓯᔨᑦ, ᐊᒻᒪ ᐊᓐᓇᐅᒪ ᐃᖅᑲᓇᐃᔭᖅᑎᖏᑦ ᐃᓱᒫᓘᑎᒥᓂᒃ ᑐᓴᖅᑎᑦᓯᔪᓐᓇᕐᒥᔪᑦ ᑐᑭᒧᐊᒃᑎᑦᓯᔨᒻᒪᕆᖕᒧᑦ ᐅᕝᕙᓘᓐᓃᑦ ᑲᑎᒪᔩᑦ ᐃᒃᓯᕙᐅᑕᖓᓄᑦ.

ᖃᓄᑐᐃᓐᓇᖅ ᐃᓱᒫᓘᑕᐅᔪᑦ ᐅᖃᐅᓯᕆᔭᑎᑦ ᑕᒪᑐᒨᓇ ᑲᙳᓇᖅᑑᑎᑕᐅᓂᐊᖅᐳᑦ. ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᐃᓄᒃ ᖃᐅᔨᓇᓱᒃᑐᖅ ᐃᓱᒫᓘᑕᐅᔪᒥᒃ (ᕿᒥᕐᕈᔨ) ᖃᐅᔨᒪᓂᐊᖅᐳᖅ ᑭᓇᒧᑦ ᑕᒪᓐᓇ ᓴᖅᑭᓚᐅᕐᒪᖔᑦ, ᑭᓯᐊᓂ ᐊᓯᒥᓄᑦ ᐅᖃᔾᔮᙱᒡᓗᓂ. ᑐᓴᖅᑕᐅᔪᒃᓴᖅ ᐊᒥᖅᑳᕈᑕᐅᔭᕆᐊᖃᖅᐸᑦ ᐃᓚᒋᔭᐅᓗᓂ ᖃᐅᔨᓴᕐᓂᕆᔭᐅᔪᒥ, ᑕᒪᕐᒥᑦᑎᐊᖅ ᐃᓚᐅᔪᑦ ᑐᓴᖅᑎᑕᐅᓂᐊᖅᐳᑦ ᓯᕗᓂᐊᒍᑦ.

ᑐᓂᓯᒍᕕᑦ ᐃᓄᒃᑎᑐᑦ ᐅᐃᕖᑎᑐᓪᓘᓐᓃᑦ, ᑐᑭᓕᐅᖅᑕᐅᔭᕆᐊᖃᑐᐃᓐᓇᕆᐊᓕᒃ. ᐊᔪᕐᓇᙱᑐᐊᕌᖓᑦ, ᐊᓐᓇᐅᒪ ᑲᑎᒪᔨᖏᓐᓄᑦ ᑐᑭᓕᐅᖅᑕᐅᓂᐊᖅᐳᖅ. ᑐᑭᓕᐅᕆᔨᑦ ᐃᓱᒫᓘᑎᒋᔭᕐᓂᒃ ᑐᓴᖅᑕᐅᑎᑦᓯᔾᔮᙱᓚᑦ ᐊᒻᒪ ᐃᓗᓕᖏᓐᓂᒃ ᑐᓴᖅᑎᑦᓯᑐᐃᓐᓇᖅᐸᒡᓗᑎᑦ ᕿᒥᕐᕈᔨᒧᑦ.

ᑐᑭᒧᐊᖅᑎᑦᓯᔨᒻᒪᕆᒃ ᑲᑎᒪᔨᓪᓗ ᖃᐅᔨᒋᐊᕐᓂᐊᖅᐳᑦ ᐃᓱᒫᓘᑕᐅᔪᓂᒃ. ᐃᓱᒫᓘᑕᐅᔪᖅ ᐱᔾᔪᑎᖃᖅᐸᑦ ᐊᓐᓇᐅᒪ ᐅᕝᕙᓘᓐᓃᑦ ᐊᓐᓇᐅᒪ ᐃᖅᑲᓇᐃᔭᖅᑎᖏᓐᓂᒃ, ᐃᓚᒋᔭᐅᓗᓂ ᑐᑭᒧᐊᒃᑎᑦᓯᔨᒻᒪᕆᒃ, ᑲᒪᒋᔭᐅᓇᔭᖅᑐᖅ ᐃᓛᒃᑰᖅᑐᒧᑦ ᐱᖓᔪᒋᔭᐅᔪᒧᑦ.
‍

ᐊᔪᕐᓇᙱᑐᐊᕌᖓᑦ, ᐊᓐᓇᐅᒪ ᐋᖅᑭᒃᓱᐃᓇᓱᖃᑦᑕᕐᓂᐊᖅᐳᖅ ᐱᔾᔪᑕᐅᔪᓂᒃ ᐱᓕᕆᖃᑎᖃᕐᓂᒃᑯᑦ ᐃᖅᑲᓇᐃᔭᖅᑎᓂᒃ ᐊᒻᒪ ᑲᑐᔾᔨᖃᑎᒌᓂᒃ ᐱᐅᓯᒋᐊᖅᑎᑦᓯᓇᓱᒡᓗᓂ ᐱᓕᕆᔾᔪᓯᕐᓂᒃ ᐊᒻᒪ ᐱᓕᕆᐊᒃᓴᓂᒃ. ᐊᓐᓇᐅᒪ ᐃᑲᔪᖅᑐᐃᒃᑲᓐᓂᑐᐃᓐᓇᕆᐊᓕᒃ ᐱᓕᒻᒪᒃᓴᖅᑎᑦᓯᓗᓂᓘᓐᓃᑦ, ᐅᕝᕙᓘᓐᓃᑦ ᐅᔾᔨᖅᑐᑦᑎᐊᒃᑲᓐᓂᖅᐸᒡᓗᓂ ᐃᓚᖏᓐᓂᒃ ᐱᓕᕆᐊᒃᓴᓂᒃ. ᐃᓛᓐᓂᒃᑯᑦ, ᐊᓐᓇᐅᒪ ᖃᐅᔨᓴᕆᐊᖃᑐᐃᓐᓇᕆᐊᓕᒃ ᑐᑭᓯᒃᑲᓐᓂᕋᓱᐊᒡᓗᓂ ᐃᓱᒫᓘᑕᐅᔪᒥᒃ ᐅᕝᕙᓘᓐᓃᑦ ᐊᓯᒥᓄᑦ ᐅᖃᐅᓯᕆᔭᕆᐊᖃᑐᐃᓐᓇᕆᐊᖃᖅᓱᓂᐅᒃ.

ᓈᒻᒪᒃᑳᖓᑦ, ᐊᓐᓇᐅᒪ ᐊᒻᒪ ᓇᓕᐊᑐᐃᓐᓇᖅ ᐃᒻᒥᒃᑰᖅᑐᑦ ᕿᒥᕐᕈᔨᑦ ᑭᒡᒐᖅᑐᐃᔪᑦ ᐃᓄᖕᓂ ᖃᐅᔨᑎᑦᓯᖃᑦᑕᕐᓂᐊᖅᐳᑦ ᖃᓄᖅ ᐃᓱᒫᓘᑎᖏᑦ ᑲᒪᒋᔭᐅᖕᒪᖔᑕ.

ᑕᑯᔪᓐᓇᖅᑕᐃᑦ ᐊᑕᖏᖅᓱᒍ ᐊᑐᐊᒐᕗᑦ ᑲᔪᓯᐊᔾᔪᑕᐅᕙᒃᑐᓪᓗ ᐅᕙᓂ.