ᓄᓇᓕᓐᓂ
ᐊᑦᑐᐃᓂᖃᕐᓂᖅ
ᓄᓇᕗᓕᒫᕐᒥ, ᓄᓇᓖᑦ ᓯᕗᒃᑲᖅᑕᖅᑎᐅᕗᑦ ᐊᓯᔾᔩᓂᕐᒧᑦ.
ᐊᖅᑯᑕᐅᓪᓗᑎᑦ ᐊᓐᓇᐅᒪᒃᑯᑦ ᐊᖏᖃᑎᒌᑦᑐᐃᓐᓇᐅᓂᒃᑯᑦ ᑐᓂᕐᕈᑏᑦ, ᓄᓇᓕᓐᓂ ᑎᒥᐅᔪᑦ ᐱᔪᓐᓇᖅᓯᕙᑉᐳᑦ ᐊᑐᕋᑦᓴᓂᒃ, ᑲᓲᒪᓂᐅᔪᓂᒃ, ᐊᒻᒪᓗ ᐱᕕᑦᓴᐅᔪᓂᒃ ᓴᖅᑮᔪᓐᓇᖁᓪᓗᒋᑦ ᐋᖅᑭᒍᑎᑦᓴᓂᒃ ᑐᙵᕕᖃᖅᑐᓂᒃ ᐃᓄᐃᑦ ᖃᐅᔨᒪᔭᖏᓐᓂᒃ, ᐃᓕᖅᑯᓯᖏᓐᓂᒃ ᐊᒻᒪᓗ ᓯᕗᓪᓕᐅᔾᔭᒍᒪᔭᖏᓐᓂᑦ. ᐊᑦᑐᐃᓂᐅᔪᖅ ᓇᓂᔭᐅᕙᑦᑐᖅ ᐱᓕᕆᐊᖑᔪᓂᑐᐃᓐᓇᐅᖏᑦᑐᑎᒍᑦ ᑭᓯᐊᓂᓕᑦᑕᐅᖅ ᐱᕙᓪᓕᐊᓂᐅᔪᓂ.
ᑲᑎᙵᓂᒃᑯᑦ ᑲᑐᔾᔨᖃᑎᒌᖑᓪᓗᑎᒃ, ᓄᓇᓕᓐᓂ ᓯᕗᓕᖅᑏᑦ ᐃᓱᒪᒋᔭᒥᓂᒃ ᑲᑐᔾᔨᕙᑉᐳᑦ, ᐃᓕᖃᑎᒌᑉᐸᑦᑐᑦ, ᐊᒻᒪᓗ ᐋᖅᑭᑦᓱᐃᕙᑉᐳᑦ ᑲᑐᔾᔨᖃᑎᒌᓐᓂᒃᑯᑦ ᐃᓱᒪᒋᔭᐅᔪᓂᒃ—ᐃᖅᑲᓇᐃᔭᖃᑎᒌᓐᓂᒃᑯᑦ ᓴᙱᓂᖅᓴᓂ ᓄᓇᓕᖃᕐᓂᕐᒥ.
ᑕᐃᒪᙵᑦ ᐱᒋᐊᖅᑎᑕᐅᓚᐅᖅᓯᒪᒻᒪᑦ 2023-ᒥ, ᐊᓐᓇᐅᒪ ᐃᑲᔪᖅᑐᐃᓯᒪᓕᖅᑐᖅ 24-ᓂᒃ ᓄᓇᓕᓐᓂ ᐱᒋᐊᖅᑎᑕᐅᓯᒪᔪᓂᒃ ᐊᑐᓕᖅᑎᑦᑎᓪᓗᑎᒃ ᓄᓇᓕᓐᓂ ᐋᖅᑭᒍᑎᑦᓴᓂᒃ ᑲᑎᓪᓗᒋᑦ $1,995,000-ᓂᒃ.
5
ᐊᑕᐅᑦᓯᒃᑯᑦ ᑲᑎᑦᑎᑕᐅᓯᒪᔪᑦ
36
ᐃᓚᐅᖃᑕᐅᓯᒪᔪᑦ
24
ᐱᒋᐊᖅᑎᑕᐅᓯᒪᔪᓂ ᐃᑲᔪᖅᓯᓂᕆᓯᒪᔭᕗᑦ
$2.3m
ᑮᓇᐅᔭᖃᖅᑎᑦᓯᓂᕆᓯᒪᔭᕗᑦ ᓄᓇᓕᓐᓄᑦ−ᓯᕗᓕᖅᑕᐅᔪᓂᑦ ᐱᒋᐊᖅᑎᑕᐅᓯᒪᔪᓂᑦ ᓄᓇᕗᓕᒫᕐᒥ
ᐊᑦᑐᐃᓂᖏᑦ ᑕᒪᑐᒪ ᐱᓕᕆᐊᖑᔪᑉ ᐅᖓᑖᓅᖓᔪᑦ ᑮᓇᐅᔭᖃᖅᑎᑦᓯᓂᐅᑉ—ᐱᕈᖅᓴᐃᓂᖅ ᓯᕗᓕᖅᑎᐅᓂᕐᒥᒃ, ᑲᑐᔾᔨᖃᑎᒌᓐᓂᕐᒥᒃ ᓴᖅᑭᑦᑎᓂᖅ ᓄᓇᓕᓕᒫᓂ, ᐊᒻᒪᓗ ᓯᕗᒧᐊᑦᑎᑦᓯᓂᖅ ᐱᕈᖅᐸᓪᓕᐊᔪᒥᒃ ᐃᓕᖅᑯᓯᕐᒥᒃ ᐃᓄᐃᑦ−ᓯᕗᓕᖅᑎᐅᓪᓗᑎᒃ ᑐᓂᓯᖃᑦᑕᓂᕐᒥᒃ.
ᐃᓄᒃᑎᑐᑦ ᑐᓂᓯᓂᖅ ᓴᖅᑭᔮᖅᑎᑦᓯᕗᖅ ᐱᒻᒪᕆᐅᔪᓂᒃ ᑐᓂᓯᓂᕐᒥᒃ ᐊᒻᒪᓗ ᑐᓂᓯᖃᑦᑕᐅᑎᓂᕐᒥᒃ, ᑐᓂᓯᓂᖅ ᓂᐅᕕᕐᓂᐅᙱᒻᒪᑦ ᑭᓯᐊᓂᓕ ᑲᒪᑦᓯᐊᕐᓂᐅᕗᖅ ᐃᓅᖃᑎᒥᓂ. ᑲᐃᓪᓗᑐᖅᑕᐅᓗᑎᒃ ᑕᒪᒃᑯᓄᖓ ᑐᙵᕕᖏᓐᓄᑦ, ᐊᑦᑐᐃᓂᐅᔪᑦ ᑎᑭᐅᑎᓂᐊᖅᑐᑦ ᑭᖑᕚᑦᓴᑦᑎᓐᓄᑦ, ᓴᙱᓕᖅᐹᓪᓕᕈᑕᐅᓗᑎᒃ ᓄᓇᕗᒻᒥ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᐱᓕᕆᕕᐅᔪᓄᑦ ᐊᒻᒪᓗ ᓄᓇᓕᓐᓂ ᓯᕗᒃᑲᖅᑕᖅᑕᐅᓗᑎᒃ ᐋᖅᑭᒍᑕᐅᔪᓐᓇᖅᑐᑦ ᑐᙵᕕᒌᓐᓇᕐᓂᐊᖅᑕᕗᑦ ᐱᓕᕆᐊᕆᔭᑦᑎᓐᓄᑦ.
ᒫᓐᓇᕋᑖᖅ ᐃᑲᔪᖅᑕᐅᓚᐅᖅᑐᑦ ᑎᒥᐅᔪᑦ ᐱᖃᑕᐅᓪᓗᑎᑦ:
ᐅᖃᐅᓯᐅᓯᒪᔪᑦ ᑐᓂᕐᕈᓯᐊᖅᑎᑕᐅᓯᓴᔪᓂᑦ:
“ᐊᖏᖃᑎᒌᑦᑐᐃᓐᓇᐅᓂᒃᑯᑦ ᐊᑐᖅᑕᐅᕙᑦᑐᖅ ᓴᖑᑎᑦᓯᕗᖅ ᐱᓕᕆᐊᓄᑦ ᓵᑕᑦᓴᐅᓂᕐᒥᒃ ᑕᐃᒪᐃᒃᑯᐊᖃᑎᒌᑦᑐᓄᑦ ᑐᙵᕕᖃᕐᓂᕐᒧᑦ, ᑭᓇᐅᓂᖏᓐᓂᒃ ᓇᓗᓇᐃᖅᑕᐅᓯᒪᙱᖔᕐᓗᑎᒃ ᑳᓐᑐᕌᒃᑕᐅᓯᒪᙱᖔᕐᓗᑎᒃ ᒐᕙᒪᒃᑯᓐᓄᑦ ᐃᓚᒋᔭᐅᔪᓄᑦ ᑲᑎᓚᐅᖅᓯᒪᙱᑕᑦᑎᓐᓄᑦ, ᑲᑎᓚᐅᖅᓯᒪᔾᔮᙱᑕᑦᑎᓐᓄᓪᓗ, ᑕᒪᓐᓇ ᑲᑐᔾᔨᖃᑎᒌᓐᓂᕐᒥᒃ ᓴᖅᑭᑦᑎᕗᖅ ᐅᑭᐅᖅᑕᖅᑐᒥ ᑎᒥᐅᔪᓄᑦ, ᓴᖅᑭᑦᑎᕗᖅ ᐊᖏᓂᖅᓴᒥᒃ ᐃᓅᓯᕐᒧᑦ ᑮᓇᐅᔭᖃᖅᑎᑦᓯᓂᕐᒥᒃ ᐱᓕᕆᐊᑦᓴᓄᑦ, ᐊᒻᒪᓗ ᑎᓕᐅᕆᓪᓗᓂ ᑎᒥᐅᔪᓂᒃ ᓇᓂᓯᖁᓪᓗᒋᑦ ᖃᓄᖅᑑᕈᑎᑦᓴᓂᒃ ᑲᑐᔾᔨᓂᕐᒥᒃ ᑮᓇᐅᔭᓂᒃ.”
"ᑭᒃᑯᓕᒫᑦ ᐱᔾᔪᑎᖃᓚᐅᖅᐳᑦ, ᐊᒻᒪ ᑕᒪᓐᓇ ᐱᔾᔪᑎᐅᔪᖅ ᐃᑲᔪᕐᓂᕐᒧᑦ ᓄᓇᓕᑦᑎᓐᓂ.
ᑕᑯᓪᓗᓂ ᖃᓄᖅ ᑲᑎᙵᔪᐃᓐᓇᐅᓚᐅᕐᓂᑦᑎᓐᓂᒃ ᐋᖅᑭᒃᓯᒪᓕᖅᑎᑦᑎᔪᒪᓪᓗᑕ ᓇᓕᐊᒃ ᑲᑐᔾᔨᖃᑎᒌᖑᔪᑦ ᐱᑎᑕᐅᓇᔭᕐᒪᖔᑕ ᑖᒃᑯᓂᖓ ᑮᓇᐅᔭᖁᑎᒋᔭᐅᔪᓂᒃ ᐃᓱᕐᕆᓇᑦᑎᐊᓚᐅᖅᐳᖅ. ᑕᒪᓐᓇ ᐱᐅᔪᒻᒪᕆᐅᓚᐅᖅᐳᖅ, ᓂᕆᐅᒃᐳᖓᓗ ᑭᖑᓪᓕᕐᒥ ᑲᑎᙵᖃᑎᒋᓛᖅᑕᑦᑎᓐᓂ."
"ᐊᓐᓇᐅᒪ ᖁᕕᐊᓇᖅᓯᒪᔪᖅ ᐱᓕᕆᖃᑎᒋᒋᐊᖓ. ᐅᖃᐅᑎᒐᔭᖅᑕᒃᑲ ᑮᓇᐅᔭᖃᖅᑎᑦᓯᔨᐅᔪᓐᓇᖅᑐᑦ ᐊᒻᒪᓗ ᑐᓂᔭᐅᕙᑦᑐᑦ ᐊᓐᓇᐅᒪ ᐊᖏᖃᑎᒌᒍᑎᒃᑯᑦ ᐱᐅᓂᖅᓴᒻᒪᕆᐅᒻᒪᑦ ᐊᓯᖏᓐᓂᒃ ᑮᓇᐅᔭᖃᖅᑎᑦᓯᔨᓂᒃ ᐃᑲᔪᖅᑐᐃᓂᕐᒧᑦ ᐃᓄᓐᓂᒃ. ᓴᙱᓂᖅᑖᖅᑎᑦᓯᓂᖅ ᑲᑐᔾᔨᖃᑎᒌᓂᒃ ᑮᓇᐅᔭᓕᐅᕋᓱᐊᖅᑎᐅᖏᑦᑐᓂᒃ ᐃᓱᒪᓕᐅᕈᓐᓇᖁᓪᓗᒋᑦ ᑲᑐᔾᔨᓗᑎᒃ ᐊᔾᔨᐅᙱᑐᐃᓐᓇᖏᒻᒪᑦ, ᑭᓯᐊᓂᓕ ᓴᖅᑮᒻᒥᔪᖅ ᐊᑦᑐᐊᓂᐅᔪᓂᒃ ᑲᑐᔾᔨᖃᑎᒌᓄᑦ ᐊᑯᕐᖓᓐᓂ"
"ᖃᐅᔨᒪᔪᒍᑦ ᖃᓄᐃᓕᐅᕆᐊᖃᕐᒪᖔᑦᑕ, ᑕᐃᒪᓕ ᖃᓄᐃᒻᒪᑦ ᐊᓪᓗᕆᐊᕆᐊᖃᖅᐱᑕ ᑮᓇᐅᔭᖅᑖᕋᓱᐊᒡᓗᑕ? ᐊᓐᓇᐅᒪ ᐊᔪᕐᓇᕈᓐᓃᖅᑎᑦᑎᓂᐊᖅᐳᖅ ᐊᒥᓱᒃᑲᓐᓂᕐᓂᒃ ᖃᓄᐃᓕᐅᖅᑐᖃᒃᑲᓐᓂᕐᓗᓂ ᓄᓇᕗᒻᒥᐅᓄᑦ ᓲᖃᐃᒻᒪ ᐲᔭᐃᕙᓪᓕᐊᖕᒪᑕ ᐊᔭᖅᑭᑦᑕᕈᑕᐅᕙᒃᑐᓂᒃ ᓄᖅᑲᖓᑎᑦᑎᕙᒃᑐᓂᒃ ᑲᑐᔾᔨᖃᑎᒌᓂᒃ ᐃᑲᔪᖅᑐᐃᓪᓚᕆᒍᓐᓇᕐᓂᕐᒥᒃ ᓄᓇᓕᖕᓂᒃ."
ᑐᑭᓯᒋᐊᕐᕕᒃ: ᑐᑭᓯᐊᓂᕐᒥᒃ ᓇᓂᓯᕕᑦᓴᖅ
Tukisigiarvik:
A place to find understanding.
If you ask someone what community means to them, you’ll likely get a unique answer from everyone who thinks about it. For some, it’s the place they live, or the social clubs they join. For others, it’s the culture, family and friends they surround themselves with. Nestled in the heart of Iqaluit stands Tukisigiarvik Centre, a pillar of community by all these definitions and more.
