ᑕᐃᒫᑦᓴᐃᓐᓇᖅ ᐃᓄᐃᑦ ᓂᕿᒥᓐᓂ ᐱᕈᔭᓕᐅᖅᐸᑦᑐᑎᑐᑦ, ᐱᕈᔭᖅ ᑮᓇᐅᔭᖃᕐᕕᒃ ᓴᓂᕐᕙᐃᕙᑦᑐᖅ ᐊᑐᕋᔅᓴᓂᒃ ᐅᓪᓗᒥ ᑲᒪᒋᓂᐊᕐᓗᒋᑦ ᓄᓇᓕᕗᑦ ᖃᐅᑉᐸᑦ. ᑐᕌᒐᖃᖅᑐᑎᒃ $50 ᒥᓕᐊᓐᓂᒃ, ᑮᓇᐅᔭᑦ ᑲᔪᓯᑎᑦᓯᓂᐊᖅᑐᑦ ᐊᓐᓇᐅᒪᐅᑉ ᐱᓕᕆᐊᕆᓪᓗᐊᑕᖅᑕᖏᓐᓂᒃ ᐊᒻᒪᓗ ᐃᑲᔪᕐᓗᑎᒃ ᓴᙱᓕᖅᐹᓪᓕᕈᑕᐅᓗᑎᒃ ᐅᖓᑖᓄᑦ 200 ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᐊᒻᒪᓗ 38-ᓄᑦ ᐊᑎᓕᐅᖅᑕᐅᓯᒪᔪᓄᑦ ᐃᑲᔪᖅᑎᐅᕙᑦᑐᓄᑦ ᓄᓇᕗᓕᒫᒥ, ᐱᔨᑦᓯᕈᓐᓇᖁᓪᓗᒋᑦ ᓴᙱᓂᕐᒥᒃ ᐊᒻᒪᓗ ᐅᐱᒋᔭᐅᓂᕐᒥᒃ ᑭᖑᕚᕆᓂᐊᖅᑕᑎᓐᓄᑦ. ᑕᐃᒫᑦᑕᐅᖅ ᐱᕈᔭᐃᑦ ᓴᓇᔭᐅᓯᒪᒻᒪᑕ ᐱᐅᖅᓱᐊᕈᑕᐅᓪᓗᑎᒃ ᑲᑐᔾᔨᔾᔪᑕᐅᓪᓗᑎᓪᓗ ᐱᔭᐅᔭᕆᐊᓕᓐᓂᒃ ᓯᕗᓂᑦᓴᖃᑦᓯᐊᖃᑎᒌᓐᓂᕐᒧᑦ, ᑖᓐᓇ ᐱᕈᔾᔭᖅ ᑮᓇᐅᔭᑦᓴᖅ ᓴᓂᕐᕙᑦᑕᐅᓯᒪᔪᑦ ᓯᕗᓂᑦᓴᒧᑦ ᖃᓄᐃᙱᑦᓯᐊᖁᓪᓗᒋᑦ ᓄᓇᕗᒻᒥᐅᑦ.
ᐃᓚᒋᔭᐅᔪᓐᓇᖅᐳᑎᑦ ᑖᑦᓱᒧᖓ ᑕᐅᑐᙳᐊᖅᑕᐅᔪᒧᑦ. ᑕᒫᓃᒎᓐᓃᕈᕕᑦ ᑐᓂᕐᕈᓯᕐᓂᒃᑯᑦ, ᓲᕐᓗ ᐃᓚᓕᐅᔾᔨᓗᑎᑦ ᐊᓐᓇᐅᒪᒥᒃ ᐃᓅᒍᓐᓃᕈᕕᑦ ᐱᑖᖅᑐᑦᓴᓄᑦ ᑎᑎᕋᕐᓗᒋᑦ, ᑐᓂᕐᕈᑎᒋᓗᒋᑦ ᑮᓇᐅᔭᑦᓴᕆᓯᒪᔭᑎᓐᓂᑦ, ᐅᕝᕙᓘᓐᓃᑦ ᐋᖅᑭᑦᓱᐃᓗᑎᑦ ᐊᓯᖏᓐᓂᒃ ᐸᕐᓇᑦᑕᐅᓯᒪᔪᓂᒃ ᑐᓂᕐᕈᓯᐊᑦᓴᓂᒃ, ᐃᑲᔪᕐᓂᐊᖅᑐᑎᑦ ᓴᙱᓕᖅᐹᓪᓕᖅᑎᑦᓯᓂᕐᒥᒃ ᓄᓇᕗᒻᒥ ᑮᓇᐅᔭᓕᐅᕋᓱᐊᖅᑎᐅᖏᑦᑐᓂᒃ ᑭᖑᕚᑦᓴᑦᑎᓐᓄᑦ. ᑕᐃᒫᑦᓴᐃᓐᓇᖅ ᐳᕈᔭᐃᑦ ᑲᔪᓯᑎᑦᓯᖃᑦᑕᓚᐅᕐᒪᑕ ᓄᓇᓕᓐᓂᒃ ᑭᖑᓂᑦᑎᓐᓂ, ᑐᓂᕐᕈᑎᒋᔭᐃᑦ ᓇᓗᓇᐃᖅᓯᕗᖅ ᑲᒪᑦᓯᐊᕐᓂᕐᒥᒃ, ᐃᓕᖅᑯᓯᕐᒥᒃ, ᐊᒻᒪᓗ ᓄᓇᓕᒻᒥᒃ ᓴᙱᔪᒥᒃ ᓯᕗᓂᑦᓴᖃᑦᓯᐊᖁᓪᓗᒍ.
