ᑕᓯᐅᖃᑎᒌᓐᓂᖅ ᓄᓇᕗᑦ ᓯᕗᓂᑦᓴᖓᓄᑦ.
ᓄᓇᕗᒻᒥ ᓯᕗᓪᓕᖅᐹᖅ
ᓄᓇᓕᓐᓂ ᑐᙵᕕᑦᓴᖅ.
ᐊᓐᓇᐅᒪᒥ, ᐃᑲᔪᖅᑐᐃᕙᑦᑐᒍᑦ ᐃᓄᓐᓄᑦ ᓯᕗᓕᖅᓴᐅᔪᓂᖅ ᐋᖅᑭᒋᐊᕈᑎᓂᑦ ᓄᓇᕗᓕᒫᕐᒥ ᐊᖅᑯᑎᒋᓪᓗᒋᑦ ᐃᓄᒃᑎᑐᑦ ᑐᓂᓯᖃᑦᑕᕐᓂᖅ, ᑐᑭᒧᐊᑦᑎᑕᐅᓪᓗᑎᒃ ᐃᓄᐃᑦ ᐱᒻᒪᕆᐅᒋᔭᖏᓐᓂᑦ ᐊᒥᖅᑳᖃᑎᒌᓐᓂᖅ, ᐊᖏᖃᑎᒌᑦᑐᐃᓐᓇᐅᓂᖅ, ᐊᒻᒪᓗ ᑲᑐᔾᔨᖃᑎᒌᓐᓂᒃᑯᑦ ᖃᓄᐃᙱᑦᓯᐊᕆᐊᕈᑏᑦ.
ᑲᑐᔾᔨᓂᒃᑯᑦ ᖃᓄᐃᓕᒋᐊᕐᓂᖅ, ᐆᒻᒪᕆᑦᑐᑦ ᓄᓇᓖᑦ
ᐊᓐᓇᐅᒪᒥ, ᖃᐅᔨᒪᕗᒍᑦ ᓴᙱᓂᖃᕆᐊᖏᑦ ᓄᓇᓕᐅᔪᑦ ᓂᐱᖏᑦ ᑲᑎᓕᕋᒥ ᑲᐃᓪᓗᑐᐃᓪᓗᑎᑦ ᐊᓯᔾᔨᖅᓯᓂᕐᒥ. ᐃᓕᒋᐊᒃᑲᓐᓂᕆᑦ ᐊᖏᖃᑎᒌᑦᑐᐃᓐᓇᐅᓂᒃᑯᑦ ᑐᓂᕐᕈᓯᕐᓂᕐᒥᒃ, ᒫᓐᓇᐅᔪᖅ ᒪᑐᐃᖓᑎᑕᐅᔪᓂᒃ, ᐊᒻᒪᓗ ᓯᕗᓂᕐᒥ ᐱᕕᑦᓴᖃᖅᑎᑦᓯᓂᐅᔪᓂᑦ ᐃᓚᐅᔪᓐᓇᕐᓂᕐᒧᑦ.
ᓄᓇᓕᓐᓂ ᐱᓯᒪᔪᓂ ᓯᕗᓕᖅᑎᖃᕐᓂᖅ, ᐊᑯᓂᐅᑎᒋᔪᒥᒃ ᐊᑦᑐᐃᓂᖃᕐᓂᖓ
ᓄᓇᕗᓕᒫᕐᒥ, ᓄᓇᓖᑦ ᓯᕗᓕᖅᑐᑦ ᑐᑭᒧᐊᑦᑎᑦᓯᓪᓗᑎᑦ ᓯᕗᓂᑦᓴᖃᑦᓯᐊᕐᓂᕐᒧᑦ. ᐃᓕᒋᐊᒃᑲᓐᓂᕆᒃ ᑲᑐᑎᔭᐅᓪᓗᑎᑦ ᐊᑦᑐᐃᓂᖃᖅᐸᓐᓂᖏᑦ ᐱᓕᕆᐊᑦᓴᐃᑦ ᐃᑲᔪᖅᑐᖅᑕᐅᔪᑦ ᐊᓐᓇᐅᒪᒧᑦ.
ᑲᒪᒋᑦᓯᐊᖃᑎᒌᓐᓂᖅ
ᐱᓕᕆᖃᑎᕗᑦ ᐱᔪᓐᓇᑎᑦᓯᔪᑦ ᐊᓐᓇᐅᒪ ᑐᓴᖅᓴᐅᑎᑦᓯᒋᐊᖅᑎᓪᓗᒋᑦ ᓄᓇᓕᓐᓄᑦ ᐋᖅᑭᒋᐊᕈᑎᑦᓴᓂ ᓴᖅᑭᑎᑦᓯᓗᑎᓪᓗ ᐊᑯᓂᐅᑎᒋᔪᒥᒃ ᐊᑦᑐᐃᓂᖃᕐᓂᖓ ᓄᓇᕗᓕᒫᕐᒥ. ᐃᓕᒋᐊᒃᑲᓐᓂᕆᑦ ᑮᓇᐅᔭᖃᖅᑎᑦᓯᓂᕐᒧᑦ ᐱᓕᕆᖃᑎᑦᑎᓐᓂᑦ ᖃᓄᕐᓗ ᐃᓚᐅᕕᖃᕈᓐᓇᕐᒪᖔᖅᐱᑦ ᐅᕙᑦᑐᓐᓄᑦ ᐅᓪᓗᒥ.
ᐊᓐᓇᐅᒪ ᓇᐃᓈᖅᓯᒪᔪᖅ
ᐱᓯᒪᓪᓗᓂ ᐊᓐᓇᐅᒪᒃᑲᐃᔩᑦ,
ᐃᓄᒃᑎᑐᑦ ᑕᐃᒎᓯᐅᓪᓗᓂ ᐃᓄᓐᓂᑦ ᐃᑲᔪᖅᑐᑦ ᓯᕗᕙᓯᒋᐊᖅᑎᑦᓯᓂᕐᒥ.
ᐊᑦᑐᐃᓂᖃᕐᓂᕗᑦ ᑕᑯᑎᑦᓯᒍᑎᒋᓗᒍ
ᑎᑭᑦᑐᒍ ᐅᑐᐱᕆ 2025
5
ᐊᑕᐅᑦᓯᒃᑯᑦ ᑲᑎᑦᑎᑕᐅᓯᒪᔪᑦ
36
ᐃᓚᐅᖃᑕᐅᓯᒪᔪᑦ
24
ᐱᒋᐊᖅᑎᑕᐅᓯᒪᔪᓂ ᐃᑲᔪᖅᓯᓂᕆᓯᒪᔭᕗᑦ
$2.3m
ᑮᓇᐅᔭᖃᖅᑎᑦᓯᓂᕆᓯᒪᔭᕗᑦ ᓄᓇᓕᓐᓄᑦ−ᓯᕗᓕᖅᑕᐅᔪᓂᑦ ᐱᒋᐊᖅᑎᑕᐅᓯᒪᔪᓂᑦ ᓄᓇᕗᓕᒫᕐᒥ
ᐊᒥᖅᑳᖃᑎᒌᓐᓂᖅ, ᐃᓄᐃᑦ ᐱᖅᑯᓯᖓᑎᒍᑦ.
ᐃᓄᒃᑎᑐᑦ ᑐᓂᓯᖃᑦᑕᕐᓂᖅ ᑐᙵᕕᒋᔭᖓ ᐊᓇᐅᒪᐅᑉ ᐱᓕᕆᐊᖏᑦᑕ. ᐊᒻᒫᕆᓪᓗᒋᑦ ᐃᓄᐃᑦ ᑐᙵᕕᖏᑦ, ᐱᓐᓇᕆᔭᖏᑦ, ᐊᒻᒪᓗ ᓯᓚᕐᔪᐊᕐᒥᐅᑦ ᑕᑯᓐᓇᕈᓯᖏᑦ, ᑕᑯᑦᓴᐅᑎᑦᓯᔪᖅ ᐃᓅᓯᕐᒥᒃ ᑐᙵᕕᖃᕆᐊᖓ ᑲᑐᔾᔨᓂᕐᒥᒃ, ᒪᑉᐲᖓᑦᓯᐊᕐᓂᕐᒥᒃ ᐊᒻᒪᓗ ᑲᒪᑦᓯᐊᕐᓂᕐᒥᒃ. ᑕᑯᑦᓴᐅᑎᑦᓯᔪᖅ ᐃᓄᐃᑦ ᐃᓕᖅᑯᓯᖓᓂᒃ ᑐᓂᓯᓂᕐᒥᒃ ᐊᒻᒪᓗ ᓄᓇᓕᓐᓂ ᖃᓄᐃᙱᑦᑎᐊᕐᓂᕐᒥᒃ, ᐊᑦᑐᐊᓂᖃᑦᓯᐊᖅᑐᒥᒃ ᐊᒻᒪᓗ ᓯᕗᓪᓕᐅᔾᔨᒋᐊᖅᑐᓂ ᑲᑐᔾᔨᓂᒃᑯᑦ ᓴᙱᓂᕆᔭᐅᔪᓂᑦ ᑕᑯᓇᙱᖔᕐᓗᒋᑦ ᐃᒻᒥᒃᑰᖅᑐᑦ ᐱᒍᒪᔭᖏᑦ.
ᑕᕝᕙᓂ ᑕᑯᓗᒍ, ᑐᓂᓯᓂᖅ ᐊᑕᐅᓯᐊᑐᐃᓐᓇᖅᑐᒥ ᐱᓂᐊᕐᓂᐅᙱᒻᒪᑦ ᑭᓯᐊᓂᓕ ᑲᔪᓯᓂᖃᐃᓐᓇᖅᑐᖅ, ᐊᑑᑎᓯᒪᓂᒃᑯᑦ ᑭᐅᖃᑦᑕᕐᓂᖅ ᐊᓯᖏᑕ ᐱᔭᕆᐊᖃᖅᑕᖏᓐᓄᑦ ᐃᑲᔪᖅᑎᒌᓐᓂᒃᑯᑦ ᑲᓲᒪᓂᒃᑯᓪᓗ.
Rather than a transactional model, Inuktitut Philanthropy is rooted in values like piliriqatigiinniq (working together), pijitsirniq (serving the common good), and aajiqatigiinniq (consensus and mutual respect), which have long shaped how Inuit share resources and care for one another.
ᑕᐅᖅᓰᖃᑦᑕᐅᑎᓂᑐᐃᓐᓇᐅᖏᑦᑐᖅ, ᐃᓄᒃᑎᑐᑦ ᑐᓂᓯᖃᑦᑕᕐᓂᖅ ᒪᙳᓯᒪᔪᖅ ᐱᓐᓇᕆᔭᐅᔪᓂᑦ ᓲᕐᓗ ᐱᓕᕆᖃᑎᒌᓐᓂᖅ (ᐱᓇᓱᐊᖃᑎᒌᓐᓂᖅ), ᐱᔨᑦᓯᕐᓂᖅ (ᐱᔨᑦᑎᕋᕐᓂᖅ ᑕᒪᐃᓐᓂᒃ), ᐊᒻᒪᓗ ᐋᔩᖃᑎᒌᓐᓂᖅ (ᐊᖏᖃᑎᒌᓐᓂᖅ ᐊᒻᒪᓗ ᐃᒃᐱᒍᓱᑦᑎᐊᕐᓂᖅ), ᐋᖅᑭᑦᓯᒪᒍᑕᐅᓯᒪᑯᑖᓕᖅᑐᑦ ᖃᓄᖅ ᐃᓄᐃᑦ ᐊᒥᖅᑳᖃᑎᒌᑉᐸᓐᓂᖏᓐᓂ ᐃᑲᔫᑎᑦᓴᓂᑦ ᐊᒻᒪᓗ ᑲᒪᒋᑦᓯᐊᖃᑦᑕᐅᑎᓂᖏᓐᓂᑦ.
ᐊᓐᓇᐅᒪ ᒪᑭᒪᑎᑦᓯᕗᖅ ᑕᒪᒃᑯᓂᖓ ᐱᖅᑯᓯᑐᖃᕐᓂᒃ ᐃᑲᔪᖅᑐᐃᓂᒃᑯᑦ ᓄᓇᓕᓐᓂ−ᓯᕗᓕᖅᑕᐅᓪᓗᑎᒃ ᐋᖅᑭᒍᑎᑦᓴᓂᒃ, ᓴᖅᑭᑦᑎᓂᒃᑯᑦ ᑲᑐᔾᔭᐅᔪᓂᒃ ᐊᑐᐃᓐᓇᖃᕈᓐᓇᕐᓂᕐᒥᒃ ᐱᕕᑦᓴᖃᕐᓂᕐᒥᓪᓗ, ᐅᐱᒍᓱᓐᓂᒃᑯᑦ ᐃᓄᐃᑦ ᑲᒪᒋᑦᓯᐊᖃᑦᑕᐅᑎᓂᖏᓐᓂᒃ ᐊᒻᒪᓗ ᐱᓕᕆᐊᕇᓐᓇᕐᓗᒍ ᓇᒻᒥᓂᖅ ᐊᐅᓚᑦᓯᒍᓐᓇᖁᓪᓗᒋᑦ ᓯᕗᓂᑦᓴᑎᓐᓂ..
ᓱᓇᐅᕙ ᐊᖏᖃᑎᒌᑦᑐᐃᓐᓇᐅᓂᒃᑯᑦ ᑐᓂᕐᕈᓯᕐᓂᖅ? ᐃᓕᒋᐊᕐᕕᖃᕆᑦ ᓄᓇᓕᑦᑎᓐᓂ
ᓄᓇᕗᑦ:
ᐃᓂᒋᔭᐅᔪᖅ ᓴᙱᓂᖃᕐᓂᕐᒧᑦ ᐊᒻᒪᓗ ᓯᕗᓂᑦᓴᖅ ᐋᖅᑭᓱᖅᑕᐅᓯᒪᔪᖅ ᓄᓇᓕᒻᒧᑦ.
ᓴᖅᑭᑕᐅᓚᐅᖅᓯᒪᔪᖅ ᐄᐳᓗ 1, 1999-ᒥ, ᓄᓇᕗᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᑎᒍᑦ, ᐊᖏᓂᖅᐹᖑᓪᓗᓂ ᐃᓄᐃᑦ ᓄᓇᑖᕐᓂᕐᒧᑦ ᓄᓇᑖᕐᕕᒋᓯᒪᔭᖏᑦ ᑲᓇᑕᒥ ᐊᑐᖅᑕᐅᓯᒪᔪᓂ, ᓄᓇᕗᑦ ᓴᖅᑭᑕᐅᓚᐅᖅᓯᒪᕗᖅ ᑕᐅᑐᒐᖃᖅᓱᑎᒃ ᐊᔾᔨᐅᖏᑦᑐᒥᒃ ᓄᓇᒋᔭᐅᔪᒥ ᐃᓄᐃᑦ ᒪᑭᑕᑦᓯᐊᕐᕕᒋᒍᓐᓇᖅᑕᖓᓂ. ᑲᓇᑕᒥ ᐊᖏᓂᖅᐹᖑᔪᖅ ᓄᓇᖁᑎᒋᔭᐅᔪᖅ, ᐊᖏᓂᖃᖅᑐᓂ 1.8 ᒥᓕᐊᓐ ᑭᓛᒥᑐᓂᒃ ᐊᖏᓂᓕᓐᓂᒃ, ᑕᓪᓕᒪᕈᖅᑎᑕᐅᒍᑎᑦ ᐊᑕᐅᓯᐅᒍ ᓄᓇᓕᕐᔪᐊᑉ ᓄᓇᖓᑕ. ᑎᑭᓪᓗᒍ 2025, ᓄᓇᕗᑦ ᐊᖏᕐᕋᕆᔭᐅᕗᖅ 41,000 ᒥᑦᓵᓃᑦᑐᓄᑦ ᐃᓄᓐᓄᑦ, ᐅᖓᑖᓃᑦᑐᑦ 85% ᓇᓗᓇᐃᖅᓯᒪᓪᓗᑎᑦ ᐃᓄᑐᐃᓐᓇᐅᒋᐊᒥ.
ᓄᓇᕗᒻᒥᐅᑦ ᑕᑯᑦᓴᐅᑎᑦᓯᖏᓐᓇᕐᑐᑦ ᑲᒪᓇᒻᒪᕆᑦᑐᒥᒃ ᓴᐱᓕᑦᓴᕋᐃᑦᑑᓂᕐᒥ ᓴᙱᓂᕐᒥᓪᓗ, ᐱᕈᖅᐸᓪᓕᐊᒍᑎᒋᓗᒋᑦ ᑭᖑᕚᕇᓄᑦ ᐱᕙᓪᓕᐊᓂᐅᓯᒪᔪᑦ. ᑭᓯᐊᓂᓕ ᐱᒻᒪᕆᐅᔪᑦ ᐊᑦᓱᕈᕐᓇᖅᑐᑦ ᓱᓕ ᐱᑕᖃᐃᓐᓇᖅᑐᑦ. ᑲᔪᓯᑎᑕᐅᖏᓐᓇᖅᑐᒥᒃ ᐃᑲᔪᖅᑐᐃᓂᖅ ᐱᑕᖃᕆᐊᓕᒃ ᐊᑐᐃᓐᓇᖃᖁᓪᓗᒋᑦ ᐱᔭᕆᐊᖃᓪᓚᕆᑦᑕᒥᓂ ᓲᕐᓗ ᐃᓪᓗᓂᒃ ᓂᕿᓂᓪᓗ, ᓴᐳᒻᒥᔭᐅᓯᒪᑎᓪᓗᒋᑦ ᐃᓕᖅᑯᓯᑐᖃᒃᑯᑦ ᑭᓇᐅᓂᖏᑦ ᐊᒻᒪᓗ ᐅᖃᐅᓯᖏᓐᓄᑦ ᑐᙵᕕᒋᔭᐅᔪᑦ ᐃᒻᒥᓂᒃ ᐊᑑᑎᖃᕐᓂᖏᓐᓄᑦ, ᐅᐱᒋᔭᐅᓂᖏᓐᓄᑦ ᐊᒻᒪᓗ ᓄᓇᓕᓐᓂ ᖃᓄᐃᙱᑦᓯᐊᕆ.
