ᐅᕙᑦᑎᓐᓅᓕᖓᔪᑦ
ᐊᓐᓇᐅᒪ ᓄᓇᓕᓐᓂ ᑐᙵᕕᒃ ᓯᕗᓪᓕᖅᐸᐅᓪᓗᓂ ᓄᓇᓕᓐᓂ ᑐᙵᕕᒋᔭᐅᔪᖅ ᓄᓇᕗᒻᒥ
ᓱᓇᐅᕙ ᓄᓇᓕᓐᓂ ᑐᙵᕕᒋᔭᐅᔪᖅ?
ᓄᓇᓕᓐᓂ ᙵᕕᐅᒋᔭᐅᔪᑦ ᓴᖅᑭᑕᐅᕙᑉᐳᑦ ᑭᐅᔾᔪᑕᐅᓪᓗᑎᑦ ᓄᓇᓕᓐᓂ ᐱᔭᐅᔭᕆᐊᓕᓐᓄᑦ ᐱᕈᖅᓴᐃᓂᒃᑯᑦ ᑐᓂᕐᕈᓯᐊᖑᕙᑦᑐᓂᒃ ᑮᓇᐅᔭᓂᒃ ᐊᔾᔨᒌᙱᑦᑐᓂᒃ ᐱᓯᒪᔪᓂᑦ. ᐊᑐᓂ ᑐᙵᕕᒋᔭᐅᔪᑦ ᓇᒻᒥᓂᖅ ᐋᖅᑭᑦᓱᐃᕙᑦᑐᑦ ᓯᕗᓪᓕᐅᔾᔨᒍᒪᔭᒥᓂᒃ ᐊᒻᒪᓗ ᑐᑭᑖᕈᑎᖃᖅᐸᑦᑐᑎᒃ ᖃᓄᖅ ᑮᓇᐅᔭᑦ ᐃᓕᔭᐅᓂᐊᕐᒪᖔᑕ ᑐᓂᐅᖅᑲᖅᑕᐅᓂᐊᕐᒪᖔᑕᓗ ᐃᑲᔫᑕᐅᓂᐊᖅᑐᓂᒃ ᓄᓇᓕᒻᒧᑦ.
ᑕᕝᕙᓂ ᐊᓐᓇᐅᒪᒥ, ᓄᓇᓕᓐᓄᑦ−ᓯᕗᓕᖅᑕᐅᓪᓗᑎᑦ ᓯᕗᓪᓕᐅᔾᔭᐅᒍᒪᔪᑦ ᑐᙵᕕᖃᓪᓚᕆᑦᑐᑦ ᐃᓅᖃᑎᒌᓐᓂᕐᒥᑦ, ᑮᓇᐅᔭᓕᐅᕋᓱᐊᕐᓂᕐᒥᑦ ᐊᒻᒪᓗ ᓄᓇᒦᖔᖅᑐᑦᓴᔭᓪᓚᕆᓐᓂᑦ ᓄᓇᕗᒻᒥ. ᐃᓚᒋᔭᐅᒻᒥᔪᒍᑦ ᑲᓲᒪᖃᑎᒌᑦᑐᓄᑦ 200 ᐅᖓᑖᓃᑦᑐᓄᑦ ᓄᓇᓕᓐᓄᑦ ᑐᙵᕕᐅᔪᓄᑦ ᓯᔾᔭᓕᒫᖓᓂ ᑲᓇᑕᐅᑉ, ᐱᓕᕆᖃᑎᒌᑦᑐᑕ ᓴᙱᓕᖅᑎᑦᓯᓇᓱᑦᑐᑕ ᓄᓇᓕᓐᓂᑦ ᐊᒻᒪᓗ ᓴᖅᑭᑦᑎᓇᓱᑦᑐᑕ ᐊᑯᓂᐅᑎᒋᔪᒥ ᐊᑦᑐᐃᓂᖃᕈᓐᓇᖅᑐᓂᒃ.
ᑕᑯᒍᒪᔭᕗᑦ
ᐃᓄᐃᑦ ᓄᓇᓕᖏᑦ ᖃᓄᐃᙱᑦᓯᐊᖅᑑᓗᑎᑦ ᓇᒻᒥᓂᕐᓗ ᐅᐱᒋᑦᓯᐊᕐᓗᑎᑦ, ᐱᑕᖃᕐᓗᑎᓪᓗ ᒪᑭᑕᑦᓯᐊᕈᑎᒋᒍᓐᓇᖅᑕᒥᓐᓂ.
ᑐᕋᒐᕆᔭᐅᔪᖅ
ᑮᓇᐅᔭᖃᖅᑎᑦᓯᓗᑕ ᐃᑲᔪᖅᑐᐃᓗᑕᓗ ᓴᙱᓕᖅᐹᓪᓕᑎᑦᓯᔪᓂᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᑦ, ᐱᔪᓐᓇᕐᓂᖏᓐᓂᑦ ᐊᒻᒪᓗ ᓯᓚᕐᔪᐊᕐᒥᐅᑦ ᑕᑯᓐᓇᕈᓯᖏᓐᓂᑦ ᑲᔪᖏᖅᑐᐃᔾᔪᑕᐅᓪᓗᓂ ᐃᓅᓯᓕᒫᒥ ᐃᓕᑉᐸᓪᓕᐊᓂᕐᒥᑦ ᐱᕈᖅᓴᐃᓂᕐᒥᓪᓗ ᓄᓇᓖᑦ ᐱᓕᕆᖃᑎᒌᓐᓂᖏᓐᓂᑦ.
ᐃᓄᐃᑦ ᓄᓇᓕᖏᑦ ᖃᐅᔨᒪᔪᑦ ᐱᐅᓂᖅᐹᓂᒃ ᐋᖅᑭᒍᑎᑦᓴᓂᒃ ᐊᑦᓱᕈᕐᓇᖅᑐᓄᑦ ᓵᙵᔭᖏᓐᓄᑦ, ᐊᓐᓇᐅᒪᓗ ᐱᓕᕆᖃᑎᖃᖅᐸᑦᑐᑦ ᓄᓇᓕᐅᔪᓂᑦ ᑕᒪᒃᑯᐊ ᐋᖅᑭᒍᑎᑦᓴᐃᑦ ᖃᓄᐃᓕᐅᕈᑕᐅᓕᖁᓪᓗᒋᑦ.
ᑲᓱᖅᑎᕆᕙᑉᐳᒍᑦ ᑲᒪᒋᔭᖃᑦᓯᐊᖅᑐᓂᒃ ᑐᓂᓯᕙᑦᑐᓂᒃ, ᑎᒥᐅᔪᓂᒃ ᐱᓕᕆᖃᑎᐅᔪᓂᒃ, ᑮᓇᐅᔭᖃᖅᑎᑦᓯᕙᑦᑐᓂᒃ, ᐊᒻᒪᓗ ᒐᕙᒪᐅᔪᓂᒃ ᐱᕕᑦᓴᖃᖅᑎᑕᐅᓪᓗᑎᒃ ᑮᓇᐅᔭᖃᖅᑎᑦᓯᔪᓐᓇᕐᓂᒥ ᓄᓇᓕᓐᓄᑦ−ᓯᕗᓕᖅᑕᐅᓪᓗᑎᑦ ᐱᒋᐊᖅᑎᑕᐅᔪᓂᒃ, ᑲᑐᔾᔨᓪᓗᑕᓗ ᓯᕗᒧᐊᒍᑎᖃᖅᑯᒍᑦ ᐊᔾᔨᒌᒃᑎᑦᓯᓂᕐᒥ ᓯᕗᓂᑦᓴᒥ.ᐊᓐᓇᐅᒪ ᓇᐃᓈᖅᓯᒪᔪᖅ ᐱᓯᒪᓪᓗᓂ ᐊᓐᓇᐅᒪᒃᑲᐃᔩᑦ, ᐃᓄᒃᑎᑐᑦ ᑕᐃᒎᓯᐅᓪᓗᓂ “ᐃᓄᓐᓂᑦ ᐃᑲᔪᖅᑐᑦ ᓯᕗᕙᓯᒋᐊᖅᑎᑦᓯᓂᕐᒥ.” ᓱᓕᓪᓗᓂ ᐊᑎᖃᕈᑎᕗᑦ, ᐊᖏᖅᓯᒪᑦᓯᐊᖅᑐᒍᑦ ᐃᑲᔪᖅᑐᐃᒍᒪᓪᓗᑕ ᐃᓄᐃᑦ ᑎᑭᐅᑎᒍᓐᓇᖁᓪᓗᒋᑦ ᑕᐅᑐᙳᐊᕈᑎᒥᓄᑦ ᓄᓇᕗᒻᒧᑦ.
ᓯᕗᓪᓕᐅᔾᔨᒍᒪᔭᕗᑦ ᒪᑯᐊᖑᕗᑦ:
ᐃᓄᐃᑦ ᓄᑕᖅᑲᑦ ᐃᓅᓱᑦᑐᓪᓗ
ᐃᑲᔪᖅᑐᐃᕙᑦᑐᒍᑦ ᐱᓕᕆᐊᑦᓴᓂᒃ ᖃᓄᐃᙱᑦᓯᐊᕆᐊᕐᓂᕐᒧᑦ ᐱᕕᑦᓴᖃᖅᑎᑦᓯᔪᓂᒃ ᐃᓄᐃᑦ ᓄᑕᖅᑲᑦ ᐃᓅᓱᑦᑐᓪᓗ ᑲᑎᖃᑎᒌᒍᓐᓇᖁᓪᓗᒋᑦ, ᐃᓕᓐᓂᐊᕈᓐᓇᖁᓪᓗᒋᑦ, ᓯᕗᓕᖅᑎᐅᔪᓐᓇᖁᓪᓗᒋᓪᓗ. ᑕᒪᒃᑯᐊ ᐃᓚᖃᖅᑐᑎᑦ ᐊᑐᐃᓐᓇᖃᕐᓂᕐᒥᒃ ᐃᓕᓴᐃᔨᓂᒃ, ᐃᓐᓇᑐᖃᕐᓂᒃ, ᐊᒻᒪᓗ ᓄᓇᒥ ᐃᓕᓐᓂᐊᕐᓂᕐᒥᒃ ᐱᕈᖅᓴᐃᔪᓂᑦ ᐃᓕᖅᑯᓯᕐᒥᒃ, ᐃᓅᓯᕐᒥᒃ, ᐊᒻᒪᓗ ᑮᓇᐅᔭᓕᐅᕋᓱᐊᕐᓂᒃᑯᑦ ᐱᔪᓐᓇᖅᓯᓂᕐᒥ.
ᓄᓇᓕᐅᑉ ᖃᓄᐃᙱᑦᓯᐊᕆᐊᕐᓂᖓ
ᑮᓇᐅᔭᖃᖅᑎᑦᓯᕙᑦᑐᒍᑦ ᓄᓇᓕᓐᓄᑦ−ᐊᐅᓚᑕᐅᔪᓂᒃ ᐱᒋᐊᖅᑎᑕᐅᓯᒪᔪᓂᒃ ᐊᒥᒐᓗᐊᕐᓂᖏᓐᓂ ᐃᓗᓪᓖᒋᐊᖅᐸᑦᑐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᙱᑦᓯᐊᕆᐊᕐᓂᕐᒧᓪᓗ ᐃᑲᔪᖅᑐᐃᓂᒃᑯᑦ ᐃᓗᐃᒃᑲᐅᒋᐊᖅᓯᒪᓪᓗᑎᑦ ᐱᓕᕆᐊᑦᓴᓂᒃ ᓴᙱᓕᕆᐊᖅᑎᑦᓯᔪᓂᒃ ᐃᓄᐃᑦ ᐃᓚᒌᓐᓂᖏᓐᓂᒃ ᓄᓇᓕᖏᓐᓂᓪᓗ.
ᐃᓕᓴᕐᓂᓕᕆᓂᖅ ᐃᓕᓐᓂᐊᓂᕐᓗ
ᐊᖏᓪᓕᒋᐊᖅᑎᑦᓯᕙᑉᐳᒍᑦ ᐊᑐᐃᓐᓇᖃᖅᑎᑦᓯᓂᑦᑯᑦ ᐃᓅᓯᓕᒫᒧᑦ ᐃᓕᓐᓂᐊᕐᓂᕐᒧᑦ ᐱᕕᑦᓴᐅᔪᓂᒃ, ᐱᒋᐊᖅᑐᑎᑦ ᐃᓕᖅᑯᓯᑐᖃᕐᓂᒃ ᖃᐅᔨᒪᓂᑖᕐᓂᕐᒥ ᑎᑭᑦᑐᒋᑦ ᐃᓕᓴᕆᔭᐅᔾᔪᑎᑖᕋᓱᐊᕐᓂᕐᒧᑦ ᐃᓕᓐᓂᐊᕋᑦᓴᓂᑦ, ᐱᔪᓐᓇᑎᑦᓯᔪᓂᑦ ᓇᓖᕌᕐᕕᖃᕈᓐᓇᓂᕐᒥ, ᓂᕆᐅᓐᓂᖃᓂᕐᒥᒃ, ᐃᓚᐅᖃᑕᐅᓂᕐᒥᓪᓗ ᐋᖅᑭᑦᓱᐃᓂᕐᒥᒃ ᓯᕗᓂᑦᓴᖓᓂᒃ ᓄᓇᕗᑦ.
ᓴᓇᐅᒐᓕᕆᓂᖅ ᐃᓕᖅᑯᓯᓕᕆᓂᕐᓗ
ᐃᑲᔪᖅᓯᕙᑦᑐᒍᑦ ᑲᑐᔾᔨᖃᑎᒌᖑᓪᓗᑎᑦ ᑎᒥᐅᔪᓂᑦ ᐱᕕᑦᓴᖃᖅᑎᑦᓯᕙᑦᑐᓂᑦ ᐃᓄᓐᓂᑦ ᓴᓇᙳᐊᖅᑎᓂᑦ ᒪᑭᑉᐸᓪᓕᑦᓯᐊᖁᓪᓗᒋᑦ. ᓴᓇᐅᒐᓕᕆᓂᖅ ᐃᓕᖅᑯᓯᓕᕆᓂᕐᓗ ᓴᙱᓕᖅᑎᑦᓯᕙᑦᑐᖅ ᓄᓇᓖᑦ ᖃᓄᐃᙱᑦᓯᐊᕆᐊᕈᑎᖏᓐᓂᑦ, ᒪᒥᓴᕐᓂᕐᒥ ᓴᖅᑭᑦᑎᕙᑦᑐᓂ, ᓴᙱᔪᓂᓪᓗ ᓇᓗᓇᐃᖅᓯᔾᔪᑕᐅᕙᑦᑐᓂᑦ ᑭᓇᐅᓂᕐᒥᒃ ᐊᕙᑎᒥᓂᓪᓗ.
ᓄᓇᓕᓐᓄᑦ−ᓇᓗᓇᐃᖅᑕᐅᓯᒪᔪᑦ ᐱᕕᑦᓴᖃᖅᑎᑦᓯᓂᕐᒧᑦ
ᑮᓇᐅᔭᖃᖅᑎᑦᓯᕙᑦᑐᒍᑦ ᐊᓯᔾᔨᖅᑕᕈᓐᓇᖅᑐᓂᒃ ᐱᔪᓐᓇᖁᓪᓗᒋᑦ ᓄᓇᓖᑦ ᑭᐅᑦᓴᐅᑎᒋᒍᓐᓇᖁᓪᓗᒋᑦ ᓴᖅᑭᑉᐸᓪᓕᐊᔪᓄᑦ ᐱᔭᐅᔭᕆᐊᓕᓐᓄᑦ ᐱᕕᑦᓴᖃᖅᑎᑦᓯᓂᐅᔪᓂᓪᓗ, ᓇᓗᓇᐃᖅᓯᓯᒪᓪᓗᑕ ᑭᖑᕙᖅᓯᒪᙱᓪᓗᑎᒃ ᐊᑦᑐᐃᓂᖃᖁᓪᓗᒋᑦ ᐱᔭᐅᒋᐊᖃᕐᓂᖅᐹᖑᔪᓂ. ᑕᒪᓐᓇ ᐃᓚᖃᖅᑐᖅ ᐊᕐᕌᒍᑕᒫᑦ ᓄᓇᓕᓐᓄᑦ ᓂᕈᐊᕋᑦᓴᕈᖅᑎᑕᐅᓯᒪᔪᓄᑦ ᐃᓕᑕᕆᔭᐅᔾᔪᑎ, ᑐᕌᖅᑎᑦᓯᕙᑦᑐᑎᑦ $100,000-ᓂᒃ ᓄᓇᓕᓐᓂ ᑎᒥᐅᔪᓄᑦ ᓂᕈᐊᖅᑕᐅᓯᒪᔪᓄᑦ ᓂᕈᐊᕋᑦᓴᐅᑎᑕᐅᓂᒃᑯᑦ ᐃᓄᓐᓄᑦ ᐱᔨᑦᑎᕋᖅᑕᒥᓄᑦ.
ᑲᐃᓪᓗᑐᖅᑕᐅᓪᓗᓂ ᑲᑎᒪᔨᓄᑦ ᐊᖏᕐᕋᖃᖅᑐᓂ ᓄᓇᕗᒻᒥ, ᐊᓐᓇᐅᒪ ᑐᕌᖓᓪᓚᕆᑦᑐᖅ ᓯᕗᒧᐊᑦᑎᑦᓯᓂᕐᒥ ᓄᓇᓕᓐᓄᑦ−ᓯᕗᓕᖅᑕᐅᔪᓂᑦ ᖃᓄᐃᓕᐅᕆᐊᕈᑎᐅᔪᓂᒃ ᓄᓇᕘᓕᒫᕐᒥ.
ᑲᑎᒪᔨᕗᑦ ᐃᓚᖃᖅᑐᑦ ᐃᓄᓐᓂᑦ ᓯᕗᓕᖅᑎᐅᔪᓂᑦ ᐱᖃᓯᐅᓪᓗᒋᑦ ᐊᑯᓂᐅᑎᒋᔪᒥ ᓄᓇᕗᒻᒥᐅᑕᐅᖃᑦᑕᖅᓯᒪᔪᓂᑦ ᐊᔾᔨᒌᙱᑦᑐᓂᑦ ᐱᓯᒪᔪᓂ ᓲᕐᓗ ᓇᒻᒥᓂᕆᔭᐅᔪᓂᑦ ᑎᒥᐅᔪᓂᑦ, ᐃᓕᓴᕐᓂᓕᕆᓂᕐᒥᑦ, ᒐᕙᒪᓕᕆᓂᕐᒥ, ᐊᑐᐊᒐᓕᕆᓂᕐᒥ ᐊᒻᒪᓗ ᓄᓇᓕᓐᓂ ᒪᑭᒋᐊᖅᑎᑦᓯᓂᕐᒥ. ᐃᓕᑕᕆᔭᐅᒪᔪᑦ ᓱᓕᑦᓯᐊᖅᐸᓐᓂᖏᓐᓄᑦ, ᖁᕝᕙᓯᑦᑎᑦᓯᓂᖏᓐᓄᑦ ᒪᓕᑦᑕᐅᒋᐊᓕᓐᓂᑦ ᒪᓕᑦᓯᐊᕆᐊᖃᕐᓂᕐᒥ, ᐊᒻᒪᓗ ᐊᖏᖅᓯᒪᑦᓯᐊᕐᓂᖏᓐᓄᑦ ᓄᓇᓕᐅᔪᑦ ᖃᓄᐃᙱᑦᓯᐊᖁᓪᓗᒋᑦ. ᑲᑎᒪᔩᑦ ᒪᓕᒐᖃᖅᑎᑦᓯᕙᑦᑐᑦ ᐋᖅᑭᓱᐃᓪᓗᑎᒃ ᐸᕐᓇᐅᑎᓂᒃ ᓯᕗᓪᓕᐅᔾᔭᐅᔭᕆᐊᓕᓐᓂᒃ, ᐋᖅᑭᒃᓱᐃᓪᓗᑎᒃ ᐊᑐᐊᒐᕐᓂᒃ, ᐊᒻᒪᓗ ᑲᐃᓪᓗᖅᑐᐃᓪᓗᑎᒃ ᐊᓐᓇᐅᒪᒃᑯᑦ ᑐᑭᒧᐊᒍᑎᒋᓂᐊᖅᑕᖏᓐᓂᒃ.
ᒫᓐᓇᐅᔪᖅ ᑲᑎᒪᔨᐅᔪᑦ
ᐅᓪᓗᕆᐊᖅ (ᐅᑦᓗ) Hᐋᓐᓴᓐ
ᑲᑎᒪᔩᑦ ᐊᖏᔪᖅᑳᖓᑦ
ᐅᓪᓗᕆᐊᖅ (ᐅᑦᓗ) Hᐋᓐᓴᓐ
ᑲᑎᒪᔩᑦ ᐊᖏᔪᖅᑳᖓᑦ
ᓵᓐ ᓕᐊᔅᑐ
ᑮᓇᐅᔭᓕᕆᔨ
ᓵᓐ ᓕᐊᔅᑐ
ᑮᓇᐅᔭᓕᕆᔨ
ᑳᓖᓐ ᐋᕆᐊᒃ
ᑲᑎᒪᔨ
ᑳᓖᓐ ᐋᕆᐊᒃ
ᑲᑎᒪᔨ
ᒍᐃᓐᑐᓕᓐ ᓇᑦᓯᖅ
ᑲᑎᒪᔨ
ᒍᐃᓐᑐᓕᓐ ᓇᑦᓯᖅ
ᑲᑎᒪᔨ
ᐋᑕᒥ ᐃᑐᐊᑦᓯᐊᖅ
ᑲᑎᒪᔨ
ᐋᑕᒥ ᐃᑐᐊᑦᓯᐊᖅ
ᑲᑎᒪᔨ
ᐱᓕᕆᖃᑎᒌᑦᑐᑦ
ᑕᓂᐅᓪ ᒋᐱ
ᑐᑭᒧᐊᑦᑎᑦᓯᔨᒻᒪᕆᒃ
ᑕᓂᐅᓪ ᒋᐱ
ᑐᑭᒧᐊᑦᑎᑦᓯᔨᒻᒪᕆᒃ
ᓯᐅᕋ ᕘᒃᓕ
ᑐᓴᐅᒪᑎᑦᓯᓂᕐᒧᑦ ᓇᐅᑦᓯᑦᑐᐃᓂᕐᒧᓪᓗ ᖃᐅᔨᒪᔨᑕᖅ
ᒫᓐᓇᒃᑯᑦ ᐱᐊᕋᖅᑖᖅᓯᒪᓂᕐᒧᑦ ᓄᖅᑲᖓᑲᐃᓐᓇᖅᑐᖅ
ᓯᐅᕋ ᕘᒃᓕ
ᑐᓴᐅᒪᑎᑦᓯᓂᕐᒧᑦ ᓇᐅᑦᓯᑦᑐᐃᓂᕐᒧᓪᓗ ᖃᐅᔨᒪᔨᑕᖅ
ᒫᓐᓇᒃᑯᑦ ᐱᐊᕋᖅᑖᖅᓯᒪᓂᕐᒧᑦ ᓄᖅᑲᖓᑲᐃᓐᓇᖅᑐᖅ
ᔭᓯ ᕼᐃᐅᓪ
ᓄᓇᓕᓐᓕ ᐃᓚᐅᑎᑦᓯᒋᐊᕐᓂᕐᒧᑦ ᓯᕗᓕᖅᑎ
ᔭᓯ ᕼᐃᐅᓪ
ᓄᓇᓕᓐᓕ ᐃᓚᐅᑎᑦᓯᒋᐊᕐᓂᕐᒧᑦ ᓯᕗᓕᖅᑎ
Joanne Weedmark
Community Engagement Lead, Consensus Granting
Joanne Weedmark
Community Engagement Lead, Consensus Granting
ᓖᓴ ᒥᓗᓴᕕᓕᕕᒃ
ᑐᓴᐅᒪᑎᑦᓯᓂᕐᒧᑦ ᓇᐅᑦᓯᑦᑐᐃᓂᕐᒧᓪᓗ ᖃᐅᔨᒪᔨᑕᖅ
ᓖᓴ ᒥᓗᓴᕕᓕᕕᒃ
ᑐᓴᐅᒪᑎᑦᓯᓂᕐᒧᑦ ᓇᐅᑦᓯᑦᑐᐃᓂᕐᒧᓪᓗ ᖃᐅᔨᒪᔨᑕᖅ
ᐃᖅᑲᓇᐃᔮᑦᓴᐃᑦ
ᐃᓚᐅᒍᑎᖃᖅᑎᕗᑦ:
Through these memberships, Annauma connects with peers and partners across Canada to generate awareness of Inuktitut Philanthropy, amplify collective impact, and create opportunities for learning and sharing in the philanthropic sector and beyond.
