ᐊᓐᓇᐅᒪᐅᑉ
ᑮᓇᐅᔭᖃᖅᑎᑦᓯᓂᕐᒧᑦ ᐱᓇᓱᐊᖃᑎᖏᑦ
ᐱᓕᕆᐊᕗᑦ ᐊᔪᕐᓇᕈᓐᓃᖅᑎᑕᐅᕗᖅ ᑐᓂᓯᓂᖏᓐᓄᑦ ᐊᖏᖅᓯᒪᓂᖏᓐᓄᓪᓗ ᑮᓇᐅᔭᖃᖅᑎᑦᓯᓂᕐᒧᑦ ᐱᓇᓱᐊᖃᑎᑦᑕ.
ᐃᑲᔪᖅᑐᐃᓂᖏᑦ ᓴᖅᑭᔮᖅᑎᑦᑎᕗᑦ ᑐᙵᕕᓪᓚᕆᖓᓂᑦ ᐃᓄᒃᑎᑐᑦ ᑐᓂᓯᓂᐅᑉ - ᑐᓂᓯᓂᖅ ᑐᙵᕕᖃᖅᑐᓂ ᐅᑉᐱᕆᔭᐅᓂᕐᒥᒃ, ᓱᓇᒋᔭᐅᑦᓯᐊᓂᕐᒥᒃ, ᐊᒻᒪᓗ ᑲᑐᔾᔨᓂᒃᑯᑦ ᑲᒪᒋᔭᑦᓴᖃᕐᓂᕐᒥᒃ. ᖁᔭᓕᑦᓯᐊᖅᑐᒍᑦ ᑕᑎᒋᔭᐅᒍᓐᓇᕋᑦᑕ ᓯᕗᓕᖅᑎᐅᔪᓄᑦ ᑎᒥᐅᔪᓄᑦ, ᒐᕙᒪᓄᑦ, ᑯᐊᐳᕇᓴᓄᓪᓗ ᐅᑉᐱᕈᓱᑦᑐᓄᑦ ᑕᐅᑐᒐᕆᔭᑦᑎᓐᓂᒃ.
ᓇᑯᕐᒦᒃ! / ᖁᔭᓐᓇᒦᒃ!
ᐅᑉᐱᕈᓱᓐᓂᓯ ᐊᒻᒪᓗ ᑲᑐᔾᔨᓂᓯ ᑕᐅᑐᒐᕆᔭᓯ ᑐᙵᕕᐅᕗᑦ ᑲᔪᓯᑦᑎᐊᕐᓂᕆᔭᑦᑎᓐᓄᑦ. ᑲᑐᔾᔨᓗᑕ, ᓴᙱᓕᖅᑎᑦᓯᕙᓪᓕᐊᔪᒍᑦ ᓄᓇᕗᒻᒥ ᑮᓇᐅᔾᔭᔅᓴᖏᑦᑐᓂᒃ ᐊᒻᒪᓗ ᓴᓇᕙᓪᓕᐊᓪᓗᑕ ᓴᐱᓕᖅᑕᐃᓐᓂᖃᖅᑐᒥ ᓯᕗᓂᑦᓴᒥᒃ. ᓂᕆᐅᑦᐊᖅᐳᒍᑦ ᑕᒪᑐᒥᖓ ᐱᒻᒪᕆᐅᔪᒥᒃ ᐱᓕᕆᐊᖃᐃᓐᓇᕐᓂᐊᕐᓂᑦᑎᓐᓂᒃ ᐃᓕᑦᓯᓐᓂᒃ.
ᐊᓐᓇᐅᒪ ᑲᑎᑎᑦᓯᕙᑉᑐᖅ ᐃᓄᓐᓂᒃ, ᑐᙵᕕᐅᔪᓂᒃ, ᑯᐊᐳᕇᓴᓂᒃ, ᐊᓯᖏᓐᓂᓪᓗ ᐱᓕᕆᖃᑎᒋᔭᑦᑎᓐᓂᒃ ᑕᐅᑐᒐᑦᓴᐃᓐᓇᖃᑎᑦᑎᓐᓂᑦ ᐊᒻᒪᓗ ᑐᙵᕕᖃᖅᑐᑎᑦ ᐃᓄᒃᑎᑐᑦ ᑐᓂᓯᓂᕐᒥᒃ − ᑕᑯᑦᓴᐅᑎᑦᓯᔪᒥᒃ ᐅᑉᐱᕆᔭᐅᓂᕐᒥᒃ, ᓱᓇᒋᔭᐅᓂᕐᒥᒃ, ᐊᒻᒪᓗ ᑲᑐᔾᔨᓂᒃᑯᒃ ᑲᒪᒋᔭᑦᓴᖃᕐᓂᕐᒥᒃ.
ᐱᓕᕆᐊᕆᔭᑦᑎᒍᑦ ᑮᓇᐅᔭᓂᒃ ᓄᐊᑦᓯᓂᒃᑯᑦ, ᑐᓂᓯᓂᒃᑯᑦ, ᐊᒻᒪᓗ ᐱᕙᓪᓕᐊᑎᑦᑎᓂᒃᑯᑦ, ᐱᓕᕆᖃᑎᒌᓐᓂᕐᒥᒃ ᓴᖅᑭᑦᑎᕙᒃᑲᑦᑕ ᑐᑭᖃᑦᑎᐊᖅᑐᒥᒃ ᐊᓯᔾᔨᕐᓂᐅᔪᒥᒃ.
ᖃᐃᖁᔨᕗᒍᑦ ᑕᐃᒃᑯᓂᖓ ᑕᐅᑐᒐᖃᖅᑐᓂᒃ ᐱᓕᕆᖃᑎᖃᖁᓪᓗᒋᑦ ᐅᕙᑦᑎᓐᓂᒃ ᑮᓇᐅᔭᓂᒃ ᑐᓂᓯᓗᑕ ᐃᑲᔪᖅᑐᐃᓗᑕᓗ ᑲᔪᖏᖅᓴᐃᔪᓂᒃ ᐃᓕᓐᓂᐊᕐᓂᕐᒥᒃ, ᑲᑐᔾᔨᓂᕐᒥᒃ, ᑲᑐᔾᔨᖃᑎᒌᓐᓂᕐᒥᓪᓗ ᓄᓇᕗᒻᒥ ᓄᓇᓕᓕᒫᓂ - ᑐᑭᒧᐊᑦᑎᑕᐅᖏᓐᓇᕐᓗᑎᒃ ᐃᓄᐃᑦ ᐱᒻᒪᕆᐅᒋᔭᖏᓐᓄᑦ, ᐱᔪᓐᓇᕐᓂᖏᓐᓄᑦ, ᐊᒻᒪᓗ ᓯᓚᕐᔪᐊᕐᒥ ᑕᑯᓐᓇᕈᓯᖏᓐᓂᑦ. ᐱᓇᓱᐊᖃᑎᖃᕈᒪᓕᕐᓂᕈᕕᑦ ᑲᑐᔾᔨᖃᑎᖃᕈᒪᒍᕕᑦ ᐅᕙᑦᑎᓐᓂᒃ ᐊᒻᒪᓗ ᐊᓯᔾᔩᔪᒪᒍᕕᑦ, ᑐᙵᓱᑦᑎᑉᐸᑦᑎᒋᑦ ᐅᕙᑦᑎᓐᓄᑦ ᐅᓪᓗᒥ.
ᑲᒪᒋᔭᖃᑦᓯᐊᖅᑐᑦ ᐅᑭᐅᖅᑕᖅᑐᒥ ᓄᓇᓕ
$10 ᒥᓕᐊᓐ ᑲᒪᑦᓯᐊᖅᑐᑦ ᐅᑭᐅᖅᑕᖅᑐᒥ ᐱᔫᒥᓵᕈᑦ ᐊᓐᓇᐅᒪᐅᑉ ᓄᓇᓕᓐᓂᑦ ᑐᙵᕕᖓᑕ ᑮᓇᐅᔭᓂᒃ ᐱᒋᐊᕈᑎᒋᓪᓗᒍ ᐱᕈᖅᓴᐃᒋᐊᕈᑎᒋᓚᐅᖅᑕᖓ, ᓴᖅᑭᖅᑕᐅᓪᓗᓂ ᐃᑲᔪᖅᑐᐃᒍᑎᖃᕐᓂᕐᒧᑦ ᓄᓇᓕᓐᓄᑦ−ᐊᐅᓚᑕᐅᔪᓂᑦ ᐱᒋᐊᖅᑎᑕᐅᓯᒪᔪᓂᑦ ᑐᕋᐃᓐᓇᖅᑐᒥ ᐱᕚᓪᓕᖅᑎᑦᓯᔪᓂ ᐃᓄᐃᑦ ᐃᓅᓯᖏᓐᓂᑦ ᓄᓇᕗᒻᒥ. ᑎᑭᐅᑎᒐᑦᑕ ᑐᕌᒐᕆᒋᐊᙵᓚᐅᖅᑕᑎᓐᓄᑦ ᐱᒻᒪᕆᐅᓚᐅᖅᑐᖅ ᐊᒻᒪᓗ ᐅᓪᓗᒥ ᑲᒪᒋᔭᖃᑦᓯᐊᖅᑐᑦ ᐅᑭᐅᖅᑕᖅᑐᒥ ᑲᔪᓯᔪᖅ ᑮᓇᐅᔭᖅᑐᕈᑕᐅᓂᐊᖅᑐᓂᑦ ᓄᐊᑦᓯᓇᓱᐊᖅᑐᓂ, ᐊᓯᔾᔨᕈᑕᐅᓪᓚᕆᑦᑐᓂ ᓄᓇᕗᓕᒫᒥ.
ᑐᓂᔭᐅᔪᑦ ᑲᒪᒋᔭᖃᑦᓯᐊᖅᑐᑦ ᐅᑭᐅᖅᑕᖅᑐᒥ ᐱᔫᒥᓵᕆᓂᕐᒧᑦ ᑐᕌᖅᑎᑕᐅᖃᑦᑕᖅᑐᑦ ᐊᓐᓇᐅᒪᐅᑉ ᐊᕕᑦᑐᐃᒍᓯᖓ 40-40-20 ᑐᓂᓯᓂᕐᒧᑦ ᐊᑐᖅᐸᑦᑕᖓᓂ:
40%
ᑐᕌᖅᑎᑕᐅᑦᓴᐅᑎᒋᖃᑦᑕᖅᑐᑦ ᓄᓇᓕᓐᓂ ᑐᓂᕐᕈᓯᕈᑎᓄᑦ;
40%
ᐱᕈᖅᓴᔭᐅᖃᑦᑕᓲᖅ ᒥᑭᓂᖅᐹᕆᒍᓐᓇᖃᖅᑎᑕᐅᓪᓗᑎᑦ ᖁᓕᓄᑦ ᐊᕐᕌᒍᓄᑦ, ᓂᖏᖅᑕᕈᑎᖏᑦ ᐱᕈᖅᓴᔭᐅᓕᖅᑭᑦᑐᑎᑦ ᓯᕗᓂᑦᓴᒥ ᑐᓂᕐᕈᓯᕈᑎᓄᑦ;
20%
ᐃᑲᔪᖅᓯᒍᑕᐅᕙᑦᑐᖅ ᑐᓂᕐᕈᓯᕐᕕᐅᔪᑦ ᒪᑭᑉᐸᓪᓕᐊᓂᖏᓐᓄᑦ ᐊᔪᙱᓐᓂᖃᖅᑐᓂᓪᓗ ᐱᕈᖅᐸᓪᓕᐊᑎᑦᓯᓂᕐᒧᑦ.
ᐱᕈᔭᖅ ᑮᓇᐅᔭᑦᓴᖅ
ᐊᑦᓯᖅᑕᐅᓯᒪᒍᑎᓕᒃ ᐃᓄᓕᖅᑕᓂ ᐱᕈᓯᓂᕐᒥ, ᑖᓐᓇ ᑮᓇᐅᔭᖅ ᑲᔪᓯᑎᑦᓯᑐᐃᓐᓇᖏᑦᑐᖅ ᐊᓐᓇᐅᒪᐅᑉ ᐱᓕᕆᐊᕆᓪᓗᐊᑕᖅᑕᖏᓐᓂᒃ ᑭᓯᐊᓂᑕᐅᖅ ᓴᙱᓕᖅᐹᓪᓕᑎᑦᓯᒍᑕᐅᒻᒥᔪᖅ ᐊᓯᖏᓐᓂᒃ ᑮᓇᐅᔭᓕᐅᕋᓱᐊᖅᑎᐅᖏᑦᑐᓂᒃ ᐃᑲᔪᖅᑎᐅᕙᑦᑐᓂᓪᓗ ᑲᑐᔾᔨᖃᑎᒌᓂᒃ ᓄᓇᕗᓕᒫᒥ. 200 ᐅᖓᑖᓂ ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᐊᒻᒪᓗ 38-ᖑᓪᓗᑎᑦ ᐊᑎᓕᐅᖅᑕᐅᓯᒪᔪᑦ ᑐᓂᕐᕈᓯᕐᕕᐅᒍᓐᓇᖅᑐᓂ ᓄᓇᕗᒻᒥ, ᐊᓐᓇᐅᒪ ᑕᐅᑐᙳᐊᖅᑐᖅ ᑖᒃᑯᐊ ᑲᑐᔾᔨᖃᑎᒌᑦ ᑎᒥᐅᔪᑦ ᐊᑕᐅᓯᐅᓕᕐᓗᑎᑦ, ᑲᒪᑦᓯᐊᖃᑦᑕᐅᑎᓗᑎᒃ ᓯᕗᒧᐊᑉᐸᓪᓕᐊᑎᓪᓗᑕ ᒪᑭᒪᑦᓯᐊᕐᓗᑕ ᓯᕗᓂᑦᓴᑎᓐᓂ ᓄᓇᕗᒻᒥᐅᓕᒫᓄᑦ.
ᑐᙵᕕᖃᖅᑐᓂ ᐊᒥᖅᑳᖃᑎᒌᓐᓂᕐᒥ ᐊᒻᒪᓗ ᑲᒪᑦᓯᐊᖃᑎᒌᓐᓂᕐᒥ, ᐊᓐᓇᐅᒪ ᐋᖅᑭᑦᓯᓯᒪᓕᖅᑐᖅ $50 ᒥᓕᐊᓐᓂᒃ ᐱᕈᔭᖅ ᑮᓇᐅᔭᓂᒃ.
ᐱᕈᔾᔭᖅ ᑮᓇᐅᔭᑦᓴᖅ ᐱᔭᐅᔪᓐᓇᕐᓂᐊᖅᑐᑦ ᑮᓇᐅᔭᓕᐅᕋᓱᐊᖅᑎᐅᙱᑦᑐᓄᑦ ᐊᒻᒪᓗ ᑐᓂᕐᕈᓯᐊᖅᐸᑦᑐᓄᑦ ᑲᑐᔾᔨᖃᑎᒌᓄᑦ ᑎᒥᐅᔪᓄᑦ ᓄᓇᕗᓕᒫᒥ, ᐃᑲᔫᑕᐅᓗᑎᒃ ᐱᔨᑦᓯᕐᓗᑎᒃ ᓄᓇᓕᖏᓐᓂᒃ ᓴᙱᓂᖃᕐᓗᑎᒃ ᐊᒻᒪᓗ ᐅᐱᓐᓇᕐᓗᑎᒃ. ᑕᐃᒫᑦᓴᐃᓐᓇᖅ ᓂᕿᓂᒃ ᐱᕈᓯᓂᖅᑎᑐᑦ, ᑖᓐᓇ ᓴᓂᕐᕙᖅᑕᐅᓯᒪᔪᖅ ᑮᓇᐅᔭᖅ ᐃᑲᔪᖅᑐᐃᒍᒪᓂᐊᖅᑐᖅ ᑮᓇᐅᔭᓕᐅᕋᓱᐊᖅᑎᐅᖏᑦᑐᓂᒃ ᐊᒻᒪᓗ ᑐᓂᕐᕈᓯᕐᕕᐅᕙᑦᑐᓂᑦ ᑭᖑᕚᕆᓂᐊᖅᑕᑦᑎᓐᓄᑦ. ᐅᓪᓗᒥ ᐊᑐᖅᑕᐅᓗᐊᙱᓐᓂᖅᓴᐅᓕᕋᓗᐊᖅᑎᓪᓗᒋᑦ, ᐱᕈᔭᐃᑦ ᐱᕈᔭᒥᓃᓪᓗ ᓱᓕ ᓇᓂᔭᐅᔪᓐᓇᖅᑐᑦ ᐅᑭᐅᖅᑕᖅᑐᓕᒫᒥ. ᐃᖅᑲᐃᑎᑦᓯᔾᔪᑎᐅᕙᑉᐳᑦ ᖃᓄᖅ ᐃᓄᐃᑦ ᑕᐃᑦᓱᒪᓂᑐᖃᖅ ᐱᐅᖅᓱᐊᖃᑦᑕᖅᓯᒪᓂᖏᓐᓂᑦ ᐱᕈᔭᖃᖅᑐᑎᑦ ᐅᐸᓗᖓᐃᔭᐅᑎᒋᓪᓗᒍ ᓯᕗᓂᑦᓴᒧᑦ ᐊᒻᒪᓗ ᐃᓘᓐᓇᐃᓐᓂ ᖃᓄᐃᙱᑦᓯᐊᖁᓪᓗᒋᑦ ᓄᓇᓖᑦ.
ᖃᐃᖅᑯᔨᕗᒍᑦ ᑐᙵᕕᐅᔪᓂᒃ ᑐᓂᓯᔨᐅᔪᓂᓪᓗ ᐃᑲᔪᖁᓪᓗᓯ ᐋᖅᑭᑦᓱᐃᓂᕐᒥᒃ ᒪᑯᒪᑦᓯᐊᓂᖅᓴᐅᖁᓪᓗᒍ ᓯᕗᓂᑦᓴᕗᑦ ᓄᓇᕗᒻᒥᐅᓄᑦ.
ᐊᓐᓇᐅᒪ ᐱᓕᕆᖃᑎᖃᖅᐸᑦᑐᖅ ᑎᒥᐅᔪᓂᒃ ᐃᖏᕈᑎᖃᖅᓯᒪᓪᓚᕆᑦᑐᓂᑦ ᓯᕗᒧᐊᑦᑎᑦᓯᓂᕐᒥ ᓄᓇᓕᓐᓄᑦ−ᐊᐅᓚᑕᐅᔪᓂᒃ ᐊᓯᔾᔨᖅᓯᒋᐊᖅᑐᓂᑦ ᐊᒻᒪᓗ ᐊᖅᑯᓯᐅᖅᑐᑎᑦ ᐊᑯᓂᐅᔪᒃᑯᑦ ᐱᓕᕆᖃᑎᒌᓐᓂᑦᓴᓂᑦ ᓴᙱᓕᖅᑎᒋᐊᖅᑐᓂᒃ ᓄᓇᕗᒻᒥ ᑮᓇᐅᔭᓕᐅᕋᓱᐊᖅᑎᐅᙱᑦᑐᓂᒃ ᐃᑲᔪᖅᑐᐃᓂᕐᒧᓪᓗ ᐃᓄᓐᓄᑦ−ᓯᕗᓕᖅᑕᐅᔪᓂᑦ ᐋᖅᑭᒍᑎᑦᓴᓂᒃ.
