ᑐᓂᕐᕈᓯᕐᓂᕐᒧᑦ
ᐱᕕᑦᓴᐅᔪᑦ
ᐃᑲᔪᖅᑐᖅᑕᕗᑦ ᓄᓇᕗᒻᒥ−ᑐᙵᕕᓖᑦ ᑲᑐᔾᔨᖃᑎᒌᑦ ᑎᒥᐅᔪᑦ ᐱᓕᕆᐊᖃᖅᑐᑦ ᐃᓗᐊᓂ ᐅᑯᓇᓂ ᓯᕗᓪᓕᐅᔾᔭᐅᖁᔭᐅᔪᓂᑦ:
ᐃᓄᐃᑦ ᓄᑕᖅᑲᑦ ᐃᓅᓱᑦᑐᓪᓗ
ᐃᑲᔪᖅᑐᐃᔪᒍᑦ ᐱᓕᕆᐊᑦᓴᓂᒃ ᖃᓄᐃᙱᑦᓯᐊᕐᓂᕐᒥ ᐱᕕᑦᓴᖃᖅᑎᑦᓯᔪᓂᒃ ᐃᓄᐃᑦ ᓄᑕᖅ ᐃᓅᓱᑦᑐᓪᓗ ᑲᑎᖃᑎᒌᒍᓐᓇᖁᓪᓗᒋᑦ, ᐃᓕᓐᓂᐊᕈᓐᓇᖁᓪᓗᒋᑦ, ᓯᕗᓕᖅᑎᐅᔪᓐᓇᖁᓪᓗᒋᓪᓗ. ᑕᒪᓐᓇ ᐃᓚᖃᖅᐳᖅ ᐊᑐᐃᓐᓇᖃᕐᓂᕐᒥᒃ ᐃᓕᓴᐃᔨᓂᒃ, ᐃᓄᑐᖃᕐᓂᒃ, ᐊᒻᒪᓗ ᓄᓇᒥ ᐃᓕᓐᓂᐊᕐᓂᕐᒥᒃ ᓴᓇᕙᑦᑐᓂᒃ ᐃᓕᖅᑯᓯᕐᒥᒃ, ᐃᓅᓯᕐᒥᒃ, ᐊᒻᒪᓗ ᑮᓇᐅᔭᓕᐅᕋᓱᐊᕐᓂᒃᑯᑦ ᐱᔪᓐᓇᖅᓯᓂᕐᒥ.
ᓄᓇᓕᓐᓂ ᖃᓄᐃᙱᑦᓯᐊᕋᓱᐊᕐᓂᖅ
ᑮᓇᐅᔭᖃᖅᑎᑦᑎᕙᑦᑐᒍᑦ ᓄᓇᓕᓐᓄᑦ−ᐊᐅᓚᑕᐅᔪᓂᒃ ᐱᒋᐊᖅᑎᑕᐅᓯᒪᔪᓂᒃ ᑲᒪᒋᔭᖃᖅᑐᓂᒃ ᓄᖑᑎᕆᒋᐊᖅᑐᓂ ᐊᒥᒐᖅᓯᓗᐊᖅᑐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᙱᑦᓯᐊᕐᓂᕐᒧᓪᓗ ᐃᑲᔪᖅᑐᐃᓂᒃᑯᑦ ᐃᓗᐃᒃᑲᐅᒋᐊᑦᓯᒪᓪᓗᑎᑦ ᐱᓕᕆᐊᑦᓴᓂᒃ ᓴᙱᓕᖅᑎᑦᓯᔪᓂᒃ ᐃᓄᐃᑦ ᐃᓚᒌᑦᑐᓂᒃ ᓄᓇᓕᖏᓐᓂᓪᓗ.
ᐃᓕᓴᕐᓂᓕᕆᓂᖅ ᐃᓕᓐᓂᐊᓂᕐᓗᑦ
ᐊᖏᓪᓕᒋᐊᖅᑎᑦᓯᕙᑉᐳᒍᑦ ᐊᑐᐃᓐᓇᖃᖅᑎᑦᓯᓂᑦᑯᑦ ᐃᓅᓯᓕᒫᒧᑦ ᐃᓕᓐᓂᐊᕐᓂᕐᒧᑦ ᐱᕕᑦᓴᐅᔪᓂᒃ, ᐱᒋᐊᖅᑐᑎᑦ ᐃᓕᖅᑯᓯᑐᖃᕐᓂᒃ ᖃᐅᔨᒪᓂᑖᕐᓂᕐᒥ ᑎᑭᑦᑐᒋᑦ ᐃᓕᓴᕆᔭᐅᔾᔪᑎᑖᕋᓱᐊᕐᓂᕐᒧᑦ ᐃᓕᓐᓂᐊᕋᑦᓴᓂᑦ, ᐱᔪᓐᓇᑎᑦᓯᔪᓂᑦ ᓇᓖᕌᕐᕕᖃᕈᓐᓇᓂᕐᒥ, ᓂᕆᐅᓐᓂᖃᓂᕐᒥᒃ, ᐃᓚᐅᖃᑕᐅᓂᕐᒥᓪᓗ ᐋᖅᑭᑦᓱᐃᓂᕐᒥᒃ ᓯᕗᓂᑦᓴᖓᓂᒃ ᓄᓇᕗᑦ.
ᓴᓇᐅᒐᓕᕆᓂᖅ ᐃᓕᖅᑯᓯᓕᕆᓂᕐᓗ
ᐃᑲᔪᖅᓯᕙᑦᑐᒍᑦ ᑲᑐᔾᔨᖃᑎᒌᖑᓪᓗᑎᑦ ᑎᒥᐅᔪᓂᑦ ᐱᕕᑦᓴᖃᖅᑎᑦᓯᕙᑦᑐᓂᑦ ᐃᓄᓐᓂᑦ ᓴᓇᙳᐊᖅᑎᓂᑦ ᒪᑭᑉᐸᓪᓕᑦᓯᐊᖁᓪᓗᒋᑦ. ᓴᓇᐅᒐᓕᕆᓂᖅ ᐃᓕᖅᑯᓯᓕᕆᓂᕐᓗ ᓴᙱᓕᖅᑎᑦᓯᕙᑦᑐᖅ ᓄᓇᓖᑦ ᖃᓄᐃᙱᑦᓯᐊᕆᐊᕈᑎᖏᓐᓂᑦ, ᒪᒥᓴᕐᓂᕐᒥ ᓴᖅᑭᑦᑎᕙᑦᑐᓂ, ᓴᙱᔪᓂᓪᓗ ᓇᓗᓇᐃᖅᓯᔾᔪᑕᐅᕙᑦᑐᑎᑦ ᑭᓇᐅᓂᕐᒥᒃ ᐊᕙᑎᒥᓂᓪᓗ.
ᓄᓇᓕᓐᓄᑦ−ᓇᓗᓇᐃᖅᑕᐅᓯᒪᔪᑦ ᐱᕕᑦᓴᖃᖅᑎᑦᓯᓂᕐᒧᑦ
ᑮᓇᐅᔭᖃᖅᑎᑦᓯᕙᑦᑐᒍᑦ ᐊᓯᔾᔨᖅᑕᕈᓐᓇᖅᑐᓂᒃ ᐱᔪᓐᓇᖁᓪᓗᒋᑦ ᓄᓇᓖᑦ ᑭᐅᑦᓴᐅᑎᒋᒍᓐᓇᖁᓪᓗᒋᑦ ᓴᖅᑭᑉᐸᓪᓕᐊᔪᓄᑦ ᐱᔭᐅᔭᕆᐊᓕᓐᓄᑦ ᐱᕕᑦᓴᖃᖅᑎᑦᓯᓂᐅᔪᓂᓪᓗ, ᓇᓗᓇᐃᖅᓯᓯᒪᓪᓗᑕ ᑭᖑᕙᖅᓯᒪᙱᓪᓗᑎᒃ ᐊᑦᑐᐃᓂᖃᖁᓪᓗᒋᑦ ᐱᔭᐅᒋᐊᖃᕐᓂᖅᐹᖑᔪᓂ. ᑕᒪᓐᓇ ᐃᓚᖃᖅᑐᖅ ᐊᕐᕌᒍᑕᒫᑦ ᓄᓇᓕᓐᓄᑦ ᓂᕈᐊᕋᑦᓴᕈᖅᑎᑕᐅᓯᒪᔪᓄᑦ ᐃᓕᑕᕆᔭᐅᔾᔪᑎ, ᑐᕌᖅᑎᑦᓯᕙᑦᑐᑎᑦ $100,000-ᓂᒃ ᓄᓇᓕᓐᓂ ᑎᒥᐅᔪᓄᑦ ᓂᕈᐊᖅᑕᐅᓯᒪᔪᓄᑦ ᓂᕈᐊᕋᑦᓴᐅᑎᑕᐅᓂᒃᑯᑦ ᐃᓄᓐᓄᑦ ᐱᔨᑦᑎᕋᖅᑕᒥᓄᑦ.
ᐊᓐᓇᐅᒪᐅᑉ ᓯᕗᓪᓕᐅᔾᔨᒍᒪᔭᖏᑦ ᐃᑎᔪᒥᑦ ᐊᑦᑐᐊᖃᑎᒌᑦᑐᐃᓐᓇᐅᔪᑦ.
ᐊᓐᓇᐅᒪᐅᑉ ᓯᕗᓪᓕᐅᔾᔭᐅᖁᔭᖏᑦ ᐃᑎᔪᒥᑦ ᐊᑦᑐᐊᖃᑎᒌᑦᑐᐃᓐᓇᐅᔪᑦ. ᖁᕝᕙᕆᐊᖅᑎᑦᓯᓂᖅ ᐃᓄᓐᓂᒃ ᓄᑕᖅᑲᓂᒃ ᐃᓅᓱᑦᑐᓂᓪᓗ, ᐃᑲᔪᖅᑐᐃᓂᖅ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒥᒃ ᖃᓄᐃᖏᑦᓯᐊᕐᓂᕐᒥᓪᓗ, ᓯᕗᒻᒧᐊᑦᑎᑦᓯᓂᖅ ᐃᓕᓴᕐᓂᓕᕆᓂᕐᒥ ᐃᓕᓐᓂᐊᓂᕐᒥᓪᓗ, ᐱᕈᖅᓴᐃᓂᖅ ᓴᓇᐅᒐᕐᓂᒃ ᐱᖅᑯᓯᕐᒧᓪᓗ ᐃᓛᒃᑰᖓᙱᑦᑐᑦ ᐱᓇᓱᐊᕈᑕᐅᔪᑦ, ᐊᑐᓂ ᑐᙵᕕᖃᕐᐸᑦᑐᑦ ᓴᙱᓕᖅᑎᑦᓯᕙᑦᑐᑎᓪᓗ ᐊᓯᒥᓂᑦ. ᑲᑐᔾᔨᓪᓗᑎᒃ, ᐃᑲᔪᕐᓂᖃᖅᑐᑦ ᓴᐱᓕᖅᑕᐃᓕᒪᓂᕐᒧᑦ ᓄᓇᑦᑎᓐᓂ ᐊᕙᑎᑦᑎᓐᓂᓗ, ᒪᑭᒪᑎᑦᓯᕙᑦᑐᓂ ᓇᐅᒃᑯᓕᒫᖅ ᐃᓅᓯᕐᒥ ᓄᓇᕗᒻᒥ.
ᑐᙵᕕᒋᔭᐅᓪᓗᓂ ᐊᑐᕆᐊᖅᐸᑦᑕᑦᑎᓐᓄᑦ ᐊᔾᔨᐅᖏᑦᑑᓪᓗᑎᑦ ᐱᕕᑦᓴᖃᖅᑎᑦᓯᓂᐅᔪᓂᒃ ᓇᓗᓇᐃᖅᑕᐅᓯᒪᔪᓂᒃ ᓄᓇᓕᓐᓄᑦ ᓇᒻᒥᓂᖅ. ᑲᔪᖏᖅᓴᐃᕗᒍᑦ ᐆᑦᑐᕋᖁᓪᓗᑎᑦ ᑲᑎᑦᑎᑕᐅᓂᐊᖅᑐᓄᑦ ᓈᒻᒪᓛᖑᔪᓂᒃ ᐱᓕᕆᐊᕆᔭᕐᓄᑦ ᐊᒻᒪᓗ ᖃᖓᐅᓂᖓ ᒥᑦᓯᖃᕐᓂᖅᐸᐅᔪᒥ ᑎᒥᖁᑎᒋᔭᕐᓄᑦ.
ᒫᓐᓇᒃᑯᑦ ᒪᑐᐃᖓᑎᑕᐅᔪᑦ
ᐊᓐᓇᐅᒪ ᒫᓐᓇᐅᔪᖅ ᐱᙱᑲᐃᓐᓇᖅᑐᑦ ᓇᓗᓇᐃᖅᓯᒍᑎ ᐅᓇᒻᒥᒋᔭᖃᕐᓂᕐᒧᑦ ᑲᑎᑦᑎᑕᐅᔪᓄᑦ, ᕿᒥᕐᕈᒋᐊᒃᑲᓐᓂᒃᑭᑦ ᖃᖓᐅᓕᕈᓂ ᐋᖅᑭᑦᑕᓯᒪᔭᑦᑎᓐᓂ ᐊᑖᓂ ᐊᒻᒪᓗ ᖃᐅᔨᒋᐊᒃᑲᓐᓂᓛᖅᑯᑎᑦ ᒫᓐᓇᒫᖅ!
ᓄᓇᓕᓐᓄᑦ ᓂᕈᐊᕋᑦᓴᕈᖅᑎᑕᐅᓯᒪᔪᓄᑦ ᐃᓕᑕᕆᔭᐅᔾᔪᑎ
ᐃᓄᐃᑦ ᓄᑕᖅᑲᑦ ᐃᓅᓱᑦᑐᓪᓗ
ᐃᓕᓴᕐᓂᓕᕆᓂᖅ ᐃᓕᓐᓂᐊᓂᕐᓗ
ᓴᓇᐅᒐᓕᕆᓂᖅ ᐃᓕᖅᑯᓯᓕᕆᓂᕐᓗ
ᐊᓐᓇᐅᒪᐅᑉ ᐊᖏᖃᑎᒌᑦᑐᐃᓐᓇᐅᓂᒃᑯᑦ ᑐᓂᕐᕈᓯᕐᓂᕐᒧᑦ ᐊᑐᐊᒐᖓ
ᐊᑐᖅᑕᐅᓯᒪᔪᑦ
ᐃᓚᐅᖃᑕᐅᔪᑦ ᓇᓗᓇᐃᖅᓯᒐᔪᑦᑐᑦ ᐊᓐᓇᐅᒪᒃᑯᑦ ᑐᓂᓯᖃᑦᑕᕐᓂᖏᑦ ᑲᑎᙵᔫᔮᕐᒪᑕ ᓂᕿᓕᐅᕐᕕᒻᒥ ᓄᓇᓕᒻᒥᐅᓂᒃ ᑲᑎᓯᒪᖔᖅᑑᔮᖅᑐᑎ. ᐱᐅᓯᖃᕆᐊᕐᓂᖅ ᒪᑉᐲᖓᑦᓯᐊᕐᓂᕐᒥ, ᐃᑲᔪᖅᑎᒌᖃᑦᑕᐅᑎᓂᖅ, ᐊᒻᒪᓗ ᑲᑐᔾᔨᓪᓗᑎᒃ ᑲᒪᑦᓯᐊᕐᓂᖅ ᓇᓗᓇᐃᖅᓯᕗᖅ ᐊᓐᓇᐅᒪᐅᑉ ᐊᖏᖃᑎᒌᑦᑐᐃᓐᓇᐅᓂᒃᑯᑦ ᑐᓂᕐᕈᓯᕈᓯᐊᓂᒃ.
ᑲᑎᑦᑎᑦᑕᐅᖃᑦᑕᓲᑦ ᐊᓐᓇᐅᒪᐅᑉ ᐊᓪᓚᕝᕕᖓᓂ ᐊᒻᒪᓗ ᐊᐅᓚᑦᓯᔨᖃᖅᑐᑎᑦ ᐱᓇᓱᐊᖃᑎᑦᑎᓐᓂ, ᐱᓕᕆᐊᑦᓴᖃᖅᑐᑎᑦ ᐊᑐᓂ ᐃᓚᐅᖃᑕᐅᔪᓕᒫᑦ ᑐᙵᓱᑦᓯᑕᐅᑦᓯᐊᕋᓗᐊᕐᒪᖔᑕ, ᐃᓚᐅᖃᑕᐅᑦᑎᐊᕋᓗᐊᕐᒪᖔᑕ, ᐊᒻᒪᓗ ᑐᓴᖅᑕᐅᑦᓯᐊᕋᓗᐊᕐᒪᖔᑕ. ᑎᑎᕋᖃᑦᑕᖅᑕᕗᑦ ᐅᖃᖃᑎᒌᓐᓂᐅᔪᑦ ᓴᓇᓇᓱᐊᖅᑐᑕ ᐱᓕᕆᐊᓄᑦ ᓇᓗᓇᐃᔭᐃᔾᔪᑎᓂᒃ ᐊᒻᒪᓗ ᐸᕐᓇᐃᓇᓱᐊᖅᑐᑕ ᐅᓂᒃᑳᓂᒃ.
ᑕᒪᓐᓇ ᐊᑐᖅᑕᐅᔪᖅ ᐃᑲᔫᑎᖃᖅᑐᖅ ᐅᕙᑦᑎᓐᓄᑦ ᐃᓕᖅᑯᓯᑐᖃᖅᑎᒍᑦ ᑐᓂᓯᖃᑦᑕᕐᓂᐅᑉ ᐅᖓᑖᓄᑦ ᓴᖅᑭᑦᑎᓂᒃᑯᑦ ᐃᓂᑦᓴᒥᒃ ᐃᓚᐅᖃᑕᐅᔪᓄᑦ ᑲᑐᔾᔨᔪᓐᓇᖁᓪᓗᒋᑦ ᐆᒻᒪᑎᒥᓐᓂᒃ, ᑲᓲᒪᖃᑎᒌᑦᓯᐊ
ᐃᓕᒋᐊᒃᑲᓐᓂᕈᒪᕖᑦ?
ᒥᓇᕐᓗᒍ ᐊᖏᖃᑎᒌᑦᑐᐃᓐᓇᐅᓂᒃᑯᑦ ᑐᓂᕐᕈᓯᓂᕐᒧᑦ ᐊᑐᐊᒐᕗᑦ ᕿᒥᕐᕈᒋᐊᒃᑲᓐᓂᕈᒪᒍᕕᑦ ᖃᓄᖅ ᐊᑐᐊᒐᓕᐊᖑᓯᒪᔪᖅ ᐊᐅᓚᓂᖃᖅᐸᒻᒪᖔᑦ ᖃᓄᕐᓗ ᐃᓚᐅᒍᓐᓇᕐᒪᖔᖅᐱᑦ.
ᐃᓗᐊᓂ ᐊᑐᐊᒐᐅᑉ, ᓇᓂᓂᐊᖅᑕᑎᑦ:
- ᓇᓗᓇᐃᔭᐃᔾᔪᑏᑦ ᐃᓄᒃᑎᑐᑦ ᑐᓂᓯᓂᕐᒥ ᐊᒻᒪᓗ ᐊᖏᖃᑎᒌᑦᑐᐃᓐᓇᐅᓂᒃᑯᑦ ᑐᓂᕐᕈᓯᕐᓂᕐᒥ
- ᐃᒻᒥᒃᑰᖓᓪᓗᑎᑦ ᓇᓗᓇᐃᔭᖅᓯᒪᔪᑦ ᖃᓄᖅ ᐊᑐᐊᒐᖅ ᐊᐅᓚᓂᖃᓲᖑᒻᒪᖔᑦ ᐊᒻᒪᓗ ᖃᓄᖅ ᐃᓚᐅᒍᓐᓇᕐᒪᖔᑕ
- ᐆᑦᑑᑎᓕᐊᖑᓯᒪᔪᑦ ᑲᑎᒪᔾᔪᑎᑦᓴᑦ ᑐᓂᕐᕈᓯᕐᕕᐅᔪᓂ ᐊᒻᒪᓗ ᐃᓚᐅᖃᑕᐅᔪᑦ ᓂᕆᐅᒋᔭᖏᓐᓂᒃ
- ᐱᔪᓐᓇᖅᑎᑕᐅᓂᕐᒧᑦ ᒪᓕᑦᑕᐅᔭᕆ
