ᑐᖖᒐᓱᑦᑎᑦᑎᓂᖅ 2026-27-ᒥ ᐃᓕᓐᓂᐊᕐᓂᓕᕆᓂᕐᒧᑦ ᐃᓕᑦᑎᕙᓪᓕᐊᓂᕐᒧᓪᓗ ᐱᓕᕆᖃᑎᒌᑦᑐᓂᒃ

ᐃᓚᒋᓪᓗᓂᐅᒃ ᐊᕐᕌᒍᑕᒫᖅᓯᐅᑦ ᐱᓕᕆᔾᔪᓯᑦᑕ ᐊᐃᑦᑑᑎᑦᑎᓐᓂᒃ, ᐊᓐᓇᐅᒪ ᖁᕕᐊᓱᑦᑎᐊᖅᐳᑦ ᑐᓴᖅᑎᑦᑎᒋᐊᔅᓴᖅ ᐱᖃᑕᐅᓂᐊᖅᑐᓂᑦ 2026-27 ᐃᓕᓐᓂᐊᕐᓂᓕᕆᓂᕐᒧᑦ ᐃᓕᑦᑎᕙᓪᓕᐊᓂᕐᒧᓪᓗ ᐱᓕᕆᖃᑎᒌᑦᑐᓂᒃ. ᑖᒃᑯᐊ ᑲᑎᑦᑎᑦᑎᕙᑉᐳᑦ ᑲᑐᔾᔨᖃᑎᒌᓂᑦ ᐃᑲᔪᖅᐸᑦᑐᓂᑦ ᓄᓇᕗᒻᒥᐅᓂᑦ ᐃᓕᓐᓂᐊᕈᑎᓂᑦ ᐱᔭᔅᓴᓂᑦ ᖃᓄᑐᐃᓐᓇᖅ ᐅᑭᐅᓕᓐᓂᑦ, ᐱᒋᐊᖅᑐᒋᑦ ᓄᑕᕋᐅᑎᓪᓗᒋᑦ ᐃᖅᑲᓇᐃᔮᔅᓴᒥᓪᓗ ᐃᓕᓐᓂᐊᖅᑎᓪᓗᒋᑦ. ᑲᑎᖖᒐᔪᑦ ᐱᓕᕆᐊᑦ ᐱᒻᒪᕆᐅᕗᑦ ᓄᓇᓕᓐᓄᑦ ᐊᑐᕈᒪᔭᕐᒥᓂᑦ ᐋᖅᑭᔅᓯᒍᑎᑦᑎᐊᕙᕐᓂᑦ ᓄᓇᓕᒻᒥᓄᑦ.

‍

ᑕᕝᕙᓂ ᐊᕐᕌᒍᒥ ᐱᖃᑕᐅᓂᐊᖅᑐᑦ ᐅᑯᐊᖕᒍᕗᑦ:

‍

  • ᐊᒋᐊᒐᖅᑏᑦ ᐅᑭᐅᖅᑕᖅᑐᒥ — ᐃᓕᓐᓂᐊᖅᑎᑦᑎᖃᑦᑕᖅᑐᑦ ᐊᒋᐊᒐᕐᓂᕐᒥᒃ ᕿᑭᖅᑖᓗᒻᒥ ᓄᓇᓕᓐᓂ ᐱᓕᕆᖃᑎᒌᑉᐸᓪᓕᐊᓗᑎᓪᓗ ᑲᔪᖕᒋᖅᓴᐃᓂᕐᒥᒃ ᐃᓄᒃᑎᑐᑦ 
  • ᐃᓕᑕᖅᓯᓂᖅ — ᑲᑎᑎᑦᑎᖃᑦᑕᕐᓗᑎᑦ ᐃᓐᓇᕐᓂᒃ ᖃᐅᔨᒪᔨᒋᔭᐅᔪᓂᓪᓗ ᐱᓕᒻᒪᖅᓴᐅᖃᑦᑕᖅᑐᑎᑦ ᐃᖅᑲᓇᐃᔭᖅᑎᓂᑦ ᓄᓇᓕᓐᓂᑦ ᐱᓕᕆᐊᔅᓴᑦ ᐊᑐᐃᓐᓇᐅᑎᑕᐅᔪᑦ ᓄᓇᕗᓕᒫᒥ ᓴᖖᒋᑦᑎᒋᐊᕐᓗᒋᑦ
  • ᐃᓄᐃᑦ ᑕᑯᓐᓇᕋᔅᓴᓕᕆᔩᑦ — ᐱᓕᒻᒪᖅᓴᐃᔪᑦ ᐃᓄᓐᓂ ᒪᒃᑯᑦᑐᓂᑦ ᑕᕐᕆᔮᔅᓴᓕᐅᕐᓂᕐᒥᒃ ᐊᑐᖅᑐᒍ ᑎᒍᓚᕗᑦ ᐱᓕᕆᐊᖅ
  • ᑕᓯᐅᖅᑎᒌᑦ ᑲᑐᔾᔨᖃᑎᒌᖕᒋᑦ — ᐃᓕᓐᓂᐊᕆᐊᓛᓕᖅᑐᓄᑦ ᐱᓕᕆᐊᔅᓴᑦ ᐱᔭᕆᐊᑭᓪᓕᑎᕐᓗᒋᑦ ᐱᔭᐅᔪᓐᓇᕐᓗᑎᑦ ᐃᓚᒌᓄᑦ ᐃᖃᓗᓐᓂ.

‍

ᐊᖕᒍᑎ ᐃᖅᑲᓇᐃᔭᖅᑐᖅ ᐃᓄᐃᑦ ᑕᑯᓐᓇᕋᔅᓴᓕᕆᔨᒃᑯᓐᓂ, ᑲᑎᒪᖃᑕᐅᔭᕆᐅᓛᖅᑐᖅ ᐊᖕᒋᖃᑎᒌᓐᓂᒃᑯᑦ ᑐᓂᖅᑯᓯᐊᔅᓴᓂᑦ ᑲᑎᒪᑎᓪᓗᒋᑦ, ᓇᓗᓇᐃᕐᓂᐊᕐᓗᒍ ᐊᖕᒋᖃᑎᒌᓐᓂᒃᑯᑦ ᑐᓂᖅᑯᓯᐊᔅᓴᑦ ᐱᓕᕆᔾᔪᓯᖅ ᐃᑲᔫᑎᐅᓂᐊᕐᓗᓂ ᑲᑐᔾᔨᖃᑎᒌᑦ ᖃᐅᔨᒪᖃᑦᑕᐅᑎᓕᕐᓂᐊᕐᓗᑎᑦ ᐱᓕᕆᐊᖕᒋᓐᓂᑦ  ᐊᑐᖅᑕᐅᒐᔪᓲᒃᑯᑦ ᑕᐃᒪᐃᖃᑦᑕᕋᑎᑦ. ᐃᓱᒪᖅᓴᖅᓯᐅᖅᓯᒪᓕᕇᖅᑐᖅ ᐃᓄᐃᑦ ᑕᑯᓐᓇᕋᔅᓴᓕᕆᔨᒃᑯᑦ ᖃᓄᖅ ᐱᓕᕆᖃᑎᖃᕈᓐᓇᕐᒪᖕᒑᑕ ᑲᑎᒪᖃᑕᐅᓂᐊᖅᑐᓄᑦ ᐊᔾᔨᓕᐅᕆᓗᓂ  ᐃᓚᖕᒋᓐᓂᑦ ᐱᓕᕆᐊᕆᕙᑦᑕᖕᒋᓐᓂᒃ ᑕᓚᕖᓴᒃᑯᑦ ᑕᑯᓐᓇᕋᔅᓴᐅᓂᐊᕐᓗᓂ ᐅᕝᕙᓘᓐᓃᑦ ᑎᑎᖅᑲᓕᐅᕐᓂᕐᒧᑦ.

‍

ᖁᕕᐊᓱᑦᑎᐊᖅᐳᒍᑦ ᐃᑲᔪᖅᑐᐃᔪᓐᓇᕐᓂᑦᑎᓐᓂᒃ ᑖᒃᑯᓂᖕᒐ ᑲᑐᔾᔨᖃᑎᒌᓂᑦ ᑕᐅᑦᑐᒐᖕᒋᑦ ᓴᖅᑭᖅᑎᓐᓂᐊᕐᓗᒋᑦ. ᑐᓴᐅᒪᓇᓱᓐᓂᐊᖅᑯᓯ ᐅᓂᒃᑳᕆᔭᐅᓛᖅᑐᓂᑦ ᐊᑦᑐᐃᓂᖃᕐᓂᖕᒋᓐᓂᓪᓗ ᓴᖅᑭᓛᖅᑐᓂᑦ ᓄᓇᕗᒻᒥᐅᓄᑦ ᓄᓇᕗᓕᒫᒥ.