ᑐᖖᒐᓱᑦᑎᑦᑎᓂᖅ ᐊᐃᑦᑑᑎᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᖕᒋᓐᓂᒃ

ᐊᐅᔭᐅᓚᐅᖅᑐᒥᒃ, ᐊᓐᓇᐅᒪᒃᑯᑦ ᐊᐃᑦᑑᑎᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᖕᒋᑦ ᑐᖖᒐᓱᑦᑎᑦᑎᓚᐅᖅᑐᑦ ᑲᑎᒪᔨᑖᖕᒋᓐᓂᑦ ᓄᓇᕖᓕᒫᒦᖖᒑᖅᓯᒪᔪᑦᓂᑦ. ᑲᑎᒪᔩᑦ ᐊᑭᓕᖅᓱᖅᑕᐅᓇᑎᑦ ᑎᒥᒋᔭᐅᕗᑦ ᐃᑲᔪᖃᑦᑕᖅᑐᑎᑦ ᐊᐃᑦᑑᑏ ᐊᑐᖅᑕᐅᖃᑦᑕᕐᓂᖕᒋᓐᓂᒃ, ᑕᐅᑐᔭᖃᐃᓐᓇᖅᑐᑎᑦ ᐱᒻᒪᕆᐅᒋᔭᐅᔪᓂᑦ ᐃᓄᓐᓄᑦ ᓄᓇᕗᒻᒥ - ᐅᐱᕈᓱᒃᑲᑦᑕ ᐃᓄᐃᑦ ᓄᓇᖅᑲᑎᖕᒋᓐᓂ ᖃᐅᔨᒪᑦᑎᐊᕐᓂᖅᐹᖕᒍᒻᒪᑕ.

ᑲᑎᒪᔨᑖᖅᑲᐅᕗᑦ ᐱᕕᔅᓴᑦᑎᐊᕙᕐᓂᑦ ᐱᓯᒪᕗᑦ, ᖃᐅᔨᒪᓂᖕᒋᓐᓂᑦ, ᐊᒻᒪᓗ ᓄᓇᖅᑲᑎᒌᑦᑎᐊᕐᓂᕐᒥᒃ, ᖁᔭᒋᑦᑎᐊᖅᑕᕗᑦ.

ᑐᖖᒐᓱᑦᑎᖃᑎᒋᑎᒍᑦ ᐊᐃᑦᑑᑎᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᑖᖅᑲᐅᕗᑦ:

ᐋᒻᐳ ᐆᕆᓐ

ᐋᒻᐳ ᐆᕆᓐ ᑲᖕᒋᖅᖡᓂᕐᒥᐅᑕᖅ, ᓄᓇᕗᒻᒥ, ᒫᓐᓇ ᐊᖕᒋᔪᖅᑳᕆᔭᐅᔪᖅ, ᐊᔾᔨᐅᖕᒋᑦᑐᓄᑦ ᐱᓕᕆᐊᔅᓴᑦ ᓄᓇᕗᑦ ᑐᖖᒐᕕᒃᑯᓐᓄᑦ. ᐊᕐᕌᒍᒐᓴᕐᓄᑦ ᐱᓕᕆᖃᑦᑕᖅᓯᒪᔪᖅ ᐃᓄᐃᑦ ᖃᑐᔾᔨᖃᑎᒌᖕᒋᓐᓄᑦ ᓄᓇᓕᓐᓄᓪᓗ ᓄᓇᕘᓕᒫᒥ ᐊᒻᒪᓗ ᐱᓕᕆᐊᔅᓴᓄᑦ ᑐᑭᒧᐊᑦᑎᑦᑎᒋᔭᐅᓯᒪᓪᓗᓂ ᐊᒡᒍᐊᖅ ᑲᑐᔾᔨᖃᑎᒌᓄᑦ, ᐊᒥᓱᓂᑦ ᐱᓕᕆᐊᔅᓴᓂᑦ ᐊᐅᓚᑦᑎᖃᑦᑕᖅᓯᒪᔪᖅ ᐃᓄᐃᑦ ᐃᓕᖅᑯᓯᖕᒋᓐᓂᑦ ᐱᓯᒪᑎᑦᑏᓐᓇᕋᓱᑦᑐᓂ ᒥᖅᓱᕐᓂᕐᒥᓪᓗ ᖃᐅᔨᒪᑦᑎᐊᕐᓂᕐᒥᒃ ᖃᐅᔨᓴᖅᓯᒪᓪᓗᓂ, ᐱᓕᕆᐊᔅᓴᓕᕆᓂᕐᒥᒃ, ᑕᑯᔅᓴᐅᑎᑦᑎᓂᕐᒥᓪᓗ.

ᐋᒻᐳ ᐃᑲᔪᖅᑐᐃᔪᒪᓂᖃᑦᑎᐊᖅᑐᖅ ᑐᑭᖃᑦᑎᐊᖅᑐᓂᑦ ᐱᕕᔅᓴᓂᑦ ᓄᓇᕗᒻᒥᐅᓄᑦ ᐊᒻᒪᓗ ᑐᓂᓯᒃᑲᓐᓂᕈᒪᓂᖃᖅᑐᓂ ᓄᓇᓕᓐᓄᑦ, ᐃᓕᖅᑯᓯᕐᒧᑦ, ᑮᓇᐅᔭᓕᐅᕋᓱᐊᕐᓂᕐᒧᑦ ᐱᓕᕆᐊᓂᑦ ᓄᓇᕗᒻᒥ. ᐊᒥᓱᓄᑦ ᑲᑎᒪᔨᐅᒻᒥᔪᖅ ᐊᔾᔨᒌᖖᒋᑦᑐᓄᑦ ᓄᓇᕗᒻᒥ. ᐃᖅᑲᓇᐃᔭᖅᑎᓐᓇᒍ, ᐋᒻᐳ ᒥᖅᓱᖅᑎᐅᕗᖅ, ᐃᖃᓗᒐᓱᑦᑎᐅᓪᓗᓂ, ᐊᐅᓪᓚᖃᑦᑕᖅᑐᓂ ᐊᓈᓇᐅᓪᓗᓂᓗ.

‍

ᕗᐃᓐᑕᓐ ᒍᕆᐱᓪ‍

ᕗᐃᓐᑕᓐ ᒍᕆᐱᓪ ᐃᖅᑲᓇᐃᔭᖃᑦᑕᖅᓯᒪᔪᖅ ᑲᓇᑕᐅᑉ ᐅᑭᐅᖅᑕᖅᑐᖕᒐᓂ ᐊᕐᕌᒍᒐᓴᕐᓂᑦ ᐃᑦᑕᕐᓂᓴᓕᕆᔨᐅᓪᓗᓂ, ᑕᑯᔭᒐᖃᕐᕕᒻᒥ ᐃᑦᑕᕐᓂᓴᓕᕆᔨᐅᓪᓗᓂ, ᐊᒻᒪᓗ ᐊᑯᓂᐊᓗᒃ ᐃᖅᑲᓇᐃᔭᖅᑎᐅᓪᓗᓂ ᐃᖃᓗᒃᑑᑦᑎᐊᕐᒥ ᐱᑦᖁᓯᕐᓂᒃᑯᑦ ᐃᓕᓴᐅᑎᓂᖅ / ᕿᑎᕐᒥᐅᓂ ᐃᑦᑕᕐᓂᓴᓕᕆᔨᒃᑯᑦ ᑲᑐᔾᔨᖃᑎᒌᖕᒐᓂ, ᑕᐃᑲᓂᓗ ᒫᓐᓇ ᐊᐅᓚᑦᑎᔨᐅᓪᓗᓂ ᓄᐊᑕᐅᓯᒪᔪᓄᑦ, ᑎᑎᖅᑲᖁᑎᑐᖃᕆᔭᐅᔪᓄᑦ, ᐃᓪᓗᕐᔪᐊᓄᑦ, ᓄᑖᕈᖅᐸᓪᓕᐊᔪᓄᓪᓗ

ᖃᐅᔨᓴᕐᓂᖕᒐ ᑕᐅᑦᑐᒐᖃᓪᓗᐊᖅᑕᖅᑐᖅ ᑎᑎᕋᖅᐸᓪᓕᐊᓂᕐᒥᒃ ᓴᖖᒋᖅᑎᑦᑎᒋᐊᕐᓂᕐᒥᓪᓗ ᐊᑦᑐᐊᓂᕆᔭᖕᒋᓐᓂᒃ ᐃᓄᐃᑦ ᐅᖃᐅᓯᖕᒋᓐᓂᒃ, ᐱᖁᑎᓂᑦ, ᑭᓇᐅᓂᖕᒋᓐᓂᓪᓗ, ᐊᒻᒪᓗ ᐃᑲᔪᕐᓂᕐᒥᒃ ᓄᓇᓕᓐᓂ ᐱᓕᕆᐊᔅᓴᓂᑦ ᐱᖃᓯᐅᔾᔨᓪᓗᓂ ᓴᓇᓂᕐᒥᒃ, ᐊᑐᖅᑕᐅᓂᖕᒋᓐᓂᒃ, ᑐᑭᓯᐅᒪᓂᕐᒥᓪᓗ ᐃᓕᖅᑯᓯᕐᒨᖕᒐᔪᓂᑦ, ᓄᑕᐅᖖᒋᑦᑐᓂᑦ ᐱᓕᕆᔾᔪᑎᓂᑦ ᐃᓪᓗᕐᔪᐊᓄᑦ, ᑕᑯᔭᒐᖃᕐᕖᑦ ᐱᖁᑎᖕᒋᓐᓂᒃ, ᖃᕋᓴᐅᔭᒃᑰᑐᓄᓪᓗ ᑐᓴᐅᒪᔪᓕᕆᔾᔪᑎᓄᑦ.

‍

ᑖᓖᓐ ᓄᕿᖖᒐᖅ

ᑖᓖᓐ ᓄᕿᖖᒐᖅ ᐃᓕᓐᓂᐊᕐᓂᓕᕆᓂᕐᒧᑦ ᓯᕗᓕᖅᑎᐅᕗᖅ ᓄᓇᕗᒻᒥ ᐊᑭᓕᖅᓱᑕᐅᓇᓂᓗ ᓂᔾᔭᐅᓯᔭᕐᓂᕐᒧᑦ ᐃᓕᓐᓂᐊᖅᑎᑦᑎᓂᕐᒧᑦ ᑭᒡᒐᖅᑐᐃᔨᐅᕗᖅ. ᐊᕐᕌᒍᓄᑦ 40-ᑲᓴᓄᑦ, ᐃᓕᓴᐃᔨᐅᖃᑦᑕᖅᓯᒪᔪᖅ ᐃᓕᓐᓂᐊᖅᑎᓄᑦ ᒥᑭᔫᑕᐅᓃᖅᐹᓄᑦ - ᖁᕝᕙᓯᓐᓂᓕᓐᓄᑦ 12-ᒧᑦ ᐃᓕᓐᓂᐊᕐᕕᒻᒥᓗ ᐊᖕᒋᔪᖅᑳᕆᔭᐅᓯᒪᓪᓗᓂ ᒪᕐᕉᓐᓄᒃ ᐃᓕᓐᓂᐊᕐᕖᓐᓄᒃ ᐃᖃᓗᓐᓂ. ᐋᖅᑭᔅᓱᐃᓯᒪᒻᒥᔪᖅ, ᐊᐅᓚᑦᑎᓪᓗᓂ, ᐃᓕᓐᓂᐊᖅᑎᑦᑎᓪᓗᓂᓗ ᓄᓇᕗᒻᒥ ᐃᓕᓐᓂᐊᕐᓂᓕᕆᓂᕐᒧᑦ ᓯᕗᓕᖅᑎᐅᓂᕐᒧᑦ ᓇᓗᓇᐃᒃᑯᑕᖅᑖᕐᓂᕐᒧᑦ, ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᖕᒍᕙᑦᑐᖅ ᐃᓄᓐᓄᑦ ᐃᓕᓴᐃᔨᓄᑦ ᐊᒻᒪᓗ ᓄᓇᕗᑦ ᓯᓚᑦᑐᖅᓴᕐᕕᒻᒥ.

ᐃᓚᖕᒋᑦ ᐃᖅᑲᓇᐃᔭᖃᑦᑕᕐᓂᖕᒐᓄᓪᓗ, ᐊᑭᓕᖅᓱᑕᐅᓇᓂ ᐱᖃᑕᐅᖃᑦᑕᕐᒥᔪᖅ ᓂᔾᔭᐅᓯᔭᕐᓂᕐᒧᑦ ᐃᓕᓐᓂᐊᖅᑎᑦᑎᓪᓗᓂ. ᐊᕐᕌᒍᑦ 30 ᐊᓂᒍᖅᓯᒪᓕᖅᑐᖅ, ᐱᒋᐊᖅᑎᑦᑎᓚᐅᖅᓯᒪᔪᖅ ᐃᖃᓗᓐᓂ ᐊᒋᐊᒐᖅᑎᓂᑦ ᓴᖅᑭᑎᑦᑎᖃᑕᐅᓪᓗᓂᓗ ᐃᖃᓗᐃᑦ ᓂᔾᔭᐅᓯᔭᖅᑏᑦ ᑲᑐᔾᔨᖃᑎᒌᖕᒋᑦ. ᓄᖅᑲᖕᒐᓛᓕᖅᑎᓪᓗᒍ, ᐃᖅᑲᓇᐃᔭᖃᑦᑕᖅᑐᖅ ᓄᓇᕗᒻᒥ ᐊᐅᓚᑦᑎᔨ ᐅᑭᐅᖅᑕᖅᑐᒥ ᑲᔪᖕᒋᖅᓴᐃᓂᕐᒧᑦ ᓵᓚᖃᐅᓯᐊᔅᓴᒧᑦ ᐃᓕᓴᐃᔨᐅᑲᐃᓐᓇᖃᑦᑕᖅᑐᓂᓗ ᓄᓇᕗᑦ ᓯᓚᑦᑐᖅᓴᕐᕕᒻᒥ. ᐅᑉᐱᕆᔭᖃᓪᓚᕆᑉᐳᖅ ᐃᓄᐃᑦ ᑐᖖᒐᕕᖕᒋᓐᓂᒃ: ‘ᐱᓕᕆᖃᑎᒌᖕᓂᖅ’, ᐊᑭᓕᖅᓱᖅᑕᐅᓇᓂ ᐃᑲᔪᐃᓐᓇᖃᑦᑕᖅᑐᖅ ᐃᖃᓗᓐᓂ ᐊᓯᐊᓂᓗ.

‍

ᑐᕇᓴ ᑕᓗᐃᒡ

ᑐᕇᓴ ᑕᓗᐃᒡ ᑲᖕᒋᖅᖠᓂᕆᒥᐅᑕᐅᕗᖅ, ᓄᓇᕗᒻᒥ, ᐊᓪᓚᖕᒐᓪᓗᓂ ᖃᓪᓗᓈᖕᒍᓪᓗᓂᓗ. ᓄᓇᕗᒻᒥᐅᑕᐅᓯᒪᓕᖅᑐᖅ 2019-ᒥᓂᑦ ᓴᖖᒋᔪᒥᓪᓗ ᑲᑎᖖᒐᖃᑎᖃᓕᖅᑐᓂ ᐅᑭᐅᖅᑕᖅᑐᕐᒥᐅᓂ.

ᐱᓕᕆᖃᑦᑕᖅᓯᒪᓂᑰᕗᖅ ᐃᓕᓐᓂᐊᕐᓂᓕᕆᓂᕐᒥᒃ, ᓄᓇᓕᓐᓂ ᐱᓕᕆᓂᕐᒥᒃ, ᐊᒻᒪᓗ ᐊᐃᑦᑑᑎᓂᒃ ᑎᑎᕋᕐᓂᕐᒥᒃ, ᐱᓕᕆᖃᑦᑕᖅᓯᒪᓂᑰᓪᓗᓂᓗ ᐃᑲᔪᕐᓂᕐᒥᒃ ᑮᓇᐅᔭᓕᐅᕋᓱᑦᑎᐅᖕᒋᑦᑐᓂᒃ ᓄᓇᓕᓐᓂᓪᓗ ᐱᓕᕆᐊᖕᒍᔪᓂᒃ. ᐃᓕᓴᐃᔨᐅᕗᖅ ᓄᓇᕗᑦ ᓯᓚᑦᑐᖅᓴᕐᕕᒻᒥ. ᐃᖅᑲᓇᐃᔮᖕᒐᑎᒍᑦ ᐊᑭᓕᖅᓱᖅᑕᐅᓇᓂᓗ ᐱᓕᕆᔨᐅᓂᖕᒐᒍᑦ, ᑐᕇᓴ ᓈᓚᑦᑎᐅᑦᑎᐊᖅᑐᖅ, ᐱᓕᕆᖃᑎᖃᑦᑎᐊᕈᓐᓇᖅᑐᓂ, ᐃᑲᔪᖅᑐᐃᖃᑦᑕᖅᑐᓂᓗ ᐋᖅᑭᒍᑎᔅᓴᓂᒃ ᐊᐅᓚᑕᐅᔪᓂᒃ ᓄᓇᓕᓐᓂᑦ.

‍

ᖁᕕᐊᓱᑦᑎᐊᖅᑐᒍᑦ ᑐᖖᒐᓱᑦᑎᑦᑎᔭᕆᐊᔅᓴᖅ ᑲᑎᒪᔨᑖᖅᑲᐅᑎᓐᓂᑦ ᑲᔪᓯᑎᓪᓗᑕ ᐱᓕᕆᖃᑎᖃᖃᑦᑕᕐᓂᑦᑎᓐᓂᒃ ᓯᕗᒧᐊᖅᐸᓪᓕᐊᑎᓪᓗᑕᓗ ᐃᓄᐃᑦ ᓄᓇᓖᑦ ᖃᓄᐃᖖᒋᑦᑎᐊᕐᓗᑎᑦ, ᓇᓗᖖᒋᑦᑎᐊᕐᓗᑎᑦ, ᐱᓯᒪᓗᑎᓪᓗ ᐱᒋᐊᓕᓕᒫᖕᒋᓐᓂᒃ ᐱᕈᖅᐸᓪᓕᐊᓂᐊᕐᓗᑎᑦ.
ᑐᖖᒐᓱᒋᔅᓯ!

‍

ᐊᒻᒪᓗ, ᐊᑕᐅᓯᕐᒥᒃ ᓱᓕ ᐃᓂᑕᖃᖅᐳᖅ ᕿᑭᖅᑖᓘᑉ ᐅᐊᓐᓇᖕᒐᓃᖖᒑᖅᑐᒥᒃ, ᐃᓱᒪᒋᔭᖃᕈᕕᑦ ᐱᔪᒪᔪᒥᒃ, ᐱᓇᓱᐊᖁᓯᐅᒃ! ᐱᓇᓱᒍᓐᓇᕐᒥᔪᑦ ᑎᑎᕋᕐᓗᑎᑦ ᐃᕐᖕᒌᕐᓈᖅᑕᐅᑎᒃᑯᑦ grants@annauma.ca ᐅᕝᕙᓘᓐᓃᑦ ᐅᖄᓚᐅᑎᒃᑯᑦ 867-222-5502.