ᑐᑭᓯᒋᐊᕐᕕᒃ: ᑐᑭᓯᓇᓱᒡᕕᐅᕙᒃᑐᖅ

ᐃᓚᖕᒋᓐᓄᑦ, ᑕᒫᓂᒥᐅᑕᐅᒻᒪᑕ, ᐅᕝᕙᓘᓐᓃᑦ ᐃᓅᖃᑎᒌᓄᑦ ᑲᑎᖖᒐᕝᕕᒋᔭᐅᖕᒋᓐᓄᑦ. ᐊᓯᖕᒋᓐᓄᑦ, ᐃᓕᖅᑯᓯᕐᒨᖕᒐᔪᖅ, ᐃᓚᖕᒋᓐᓄᑦ ᐊᒻᒪᓗ ᐱᖃᓐᓇᕆᔭᖕᒋᓐᓄᑦ. ᐃᖃᓗᐃᑦ ᕿᑎᕈᔪᐊᓃᑦᑐᓂ ᑐᑭᓯᒋᐊᕐᕕᒃ, ᑐᖖᒐᕕᐅᓪᓗᓂ ᓄᓇᓕᖕᓄᑦ ᑕᒪᒃᑯᓄᖕᒐᓕᒫᖅ ᑐᑭᖕᒋᓐᓄᑦ ᐊᓯᒃᑲᓐᓂᖕᒋᓐᓄᓪᓗ.

ᑐᑭᓯᒋᐊᕐᕕᖕᒨᖅᐸᓪᓕᐊᓪᓗᓂ, ᑐᖖᒐᓱᒃᑎᑕᐅᕗᑎᑦ ᖃᖕᒐᑕᐅᓪᓗᑎᓪᓗ ᐊᒻᒪᓗ ᑳᐱᖁᔭᐅᓪᓗᑎᒃ, ᑏᑐᖁᔭᐅᓪᓗᑎᓪᓘᓐᓃᒃ, ᐸᓚᐅᒑᖅᑕᖃᖅᑐᓂᓗ. ᐃᓂᐅᔪᖅ ᐆᒻᒪᕆᒃᑑᓪᓗᓂ ᑐᓴᖅᑕᐅᔪᑦ ᓂᕿᓕᐅᖅᑐᑦ ᐳᓛᕆᐊᖅᑐᓄᑦ ᐃᖅᑲᓇᐃᔭᖅᑎᖕᒋᑦ. ᓴᓇᔭᒃᓴᖅᑕᖃᐅᖅᑐᓂᑦ, ᓲᕐᓗ ᓴᐸᖕᒐᐃᑦ, ᕿᓰᑦ, ᓄᐃᓚᒃᓴᐃᑦ, ᐊᒻᒪᓗ ᐃᒋᕐᕈᑦᑏᑦ ᐋᖅᑭᒃᓱᖅᓯᒪᑦᑎᐊᖅᑐᑦ ᐊᑐᐃᓐᓇᐅᓪᓗᑎᒃ ᐊᕙᓗᒦᑦᑐᑦ, ᐊᑐᐃᓐᓇᑦᑎᐊᑦ ᐅᑕᖅᑭᓪᓗᑎᓪᓗ. ᐱᖃᑕᐅᔪᑦ ᐊᔾᔨᖖᒍᐊᓂ, ᖁᖕᒐᓯᒪᓪᓗᑎᑦ ᑎᒍᒥᐊᖅᑐᑦ ᐃᖃᓗᒃᓯᒪᔭᖕᒋᓐᓂᒃ ᐃᓐᓇᕐᓂᒃ ᐱᖃᑎᖃᖅᑐᑎᒃ, ᐊᕐᓇᑦ ᑲᒻᒥᔪᑦ, ᓂᕿᓕᐅᖅᑐᑦ ᐃᓄᓕᖅᑕᓂᒃ, ᐊᒻᒪᓗ ᐃᓪᓚᖃᑎᒌᒃᑐᑦ ᐱᐅᓯᑎᑦᑎᓯᒪᔪᑦ ᐊᕙᓗᖕᒐᓂᑦ.

ᐅᑭᐅᑦ 20 ᐅᖕᒐᑖᓄᑦ, ᑐᑭᓯᒋᐊᕐᕕᒃ ᐊᑦᑕᕐᓇᖖᒋᑦᑐᒥᒃ ᐃᓂᒋᔭᐅᕙᒃᑐᖅ ᐃᖃᓗᖕᒥᐅᓄᑦ, ᐃᑲᔪᖅᑐᐃᕙᒃᑐᓂ ᑲᔪᓯᑎᑦᑎᕙᒃᑐᓂᓗ ᐱᒃᑯᒍᓱᖕᓂᕐᒥᒃ ᐃᓄᐃᑦ ᐃᓕᖅᑯᓯᖕᒋᓐᓂᒃ. ᐊᑎᖕᒐ ᑐᑭᓯᒋᐊᕐᕕᒃ ᑐᑭᖃᖅᑐᖅ “ᐃᓂᐅᔪᖅ ᑐᑭᓯᕕᒋᔭᐅᓇᓱᒃᐸᒃᑐᖅ", ᐊᒻᒪᓗ ᑭᓱᓕᒫᑦᑎᐊᑦ ᑐᑦᑕᕐᕕᖕᒥ ᑕᑯᒃᓴᐅᑎᑦᑎᔪᖅ ᑕᒪᑐᒥᖕᒐ ᐃᒃᐱᒋᔭᐅᔪᓂᒃ.

ᐃᑲᔪᕈᒪᓂᕐᒧᑦ ᐊᖕᒍᒻᒪᑎᔪᒪᓂᕐᒧᓪᓗ ᓄᓇᓕᖕᓂ ᐱᔭᐅᔭᕆᐊᓕᖕᓄᑦ, ᑐᑭᓯᒋᐊᕐᕕᒃ ᑲᑎᑎᑦᑎᕗᖅ ᐃᓄᐃᑦ ᖃᐅᔨᒪᓂᑐᖃᖕᒋᓐᓂᒃ ᒫᓐᓇᓕᓴᕐᓄᑦ ᐊᑐᖅᑕᐅᕙᒃᑐᓄᑦ. ᓄᓇᒦᓪᓗᑎᒃ ᐊᒻᒪᓗ ᐃᓕᖅᑯᓯᕐᒧᑦ ᐊᔪᕈᓐᓃᖅᑕᐅᕙᒃᑐᓄᑦ ᐃᓕᓐᓂᐊᖅᑕᐅᔪᒃᓴᑦ, ᐊᐅᓚᑕᐅᕙᒃᑐᑦ ᐃᓐᓇᕐᓄᑦ, ᑐᑭᓯᒋᐊᕐᕕᒃᑯᑦ ᐱᒻᒪᕆᐅᓛᖕᒍᔪᖅ ᐱᓕᕆᐊᖕᒍᕙᓪᓕᐊᔪᓄᑦ. ᒥᑭᒋᐊᖃᕐᓂᒃᑯᑦ, ᐃᖃᓗᒐᓱᖕᓂᒃᑯᑦ, ᐊᒻᒪᓗ ᐃᓕᖅᑯᓯᒃᑯᑦ ᐃᒋᕐᕈᑎᓕᐅᕐᓂᒃᑯᑦ, ᐱᖃᑕᐅᔪᑦ ᐃᓕᑦᑎᔪᓐᓇᖅᑐᑦ ᐃᓕᖅᑯᓯᑐᖃᒃᑯᑦ ᐊᔪᕈᓐᓃᖅᑕᐅᕙᒃᑐᓂᒃ ᑲᔪᓯᑎᑦᑎᓯᒪᔪᓂᒃ ᐃᓄᖕᓂᒃ ᐊᕐᕌᒍᒐᓴᖕᓂᑦ. ᐅᖕᒐᑖᓄᑦ ᑖᒃᑯᐊ ᐱᕕᒃᓴᒃᑯᑦ, ᑐᑭᓯᒋᐊᕐᕕᒃ ᖃᐅᑕᒫᑦ ᐅᐸᒃᑕᐅᔪᓐᓇᖅᑐᖅ ᐊᑐᐃᓐᓇᐅᑎᑦᑎᓲᑦ ᓂᕿᑦᑎᐊᕙᖕᓂᒃ ᓂᕆᔭᒃᓴᓂᒃ, ᐃᓄᓕᖅᑕᓂᓪᓗ. ᑕᒪᕐᒥᑦᑎᐊᖅ ᐱᓕᕆᐊᖕᒍᔪᑦ ᐱᔨᑦᑎᕋᕐᓂᕆᔭᐅᕙᒃᑐᓪᓗ ᑐᑭᓯᒋᐊᕐᕕᖕᒥ ᐃᓄᒃᑎᑑᕙᒃᑐᑦ ᐊᑭᖃᕐᓇᓂᓗ.

ᐱᓕᕆᐊᖕᒋᑎᒍᑦ, ᑐᑭᓯᒋᐊᕐᕕᖕᒥ ᐃᓐᓇᐃᑦ ᖃᐅᔨᒪᔭᒥᓂᒃ ᐊᑐᖅᓯᒪᔭᒥᓂᓪᓗ ᑐᓴᖅᑎᑦᑎᕙᒃᑐᑦ ᐱᖃᑕᐅᔪᓄᑦ ᐃᓕᑦᑎᔪᒪᔪᓄᑦ ᐃᓕᖅᑯᓯᑐᖃᒃᑯᑦ ᐊᔪᕈᓐᓃᖅᑕᐅᕙᒃᑐᓂᒃ ᑲᑎᖃᑎᖃᕈᒪᓪᓗᑎᓪᓗ ᐃᓄᐃᑦ ᐃᓅᖃᑎᒌᒃᐸᖕᓂᖕᒋᑎᒍᑦ ᐱᒻᒪᕆᐅᒋᔭᖕᒋᑎᒍᑦ. ᐃᓄᐃᑦ ᑐᑭᓯᒋᐊᕐᕕᓕᐊᖅᐸᒃᑐᑦ ᐃᓛᓐᓂᒃᑯᑦ ᐊᔪᕐᓇᖅᑐᖅᓯᐅᖃᑦᑕᖅᑐᑦ ᐱᖃᑕᐅᓇᓱᒋᐊᒃᓴᖅ ᓄᓇᓕᖕᓂ. ᑖᓐᓇ ᑲᒪᒋᓇᓱᒃᑐᒍ, ᐃᓐᓇᐃᑦ-ᐃᓅᓯᓕᕆᔩᑦ ᐳᓛᕆᐊᕋᓱᒃᑐᑦ ᕿᑭᖅᑖᓗᖕᒥ ᐃᑲᔪᖅᑕᐅᕕᖕᒧᑦ, ᑎᒍᔭᐅᖅᑲᔪᑦ ᐃᓚᓕᐅᑎᑎᑕᐅᓇᓱᒃᑐᑎᒃ ᐃᓕᖅᑯᓯᕐᒥᓂᒃ ᐱᖃᑕᐅᑎᑕᐅᓇᓱᒃᑐᑎᒃ. ᑲᑎᖖᒐᓪᓗᑎᒃ 20-ᓂᒃᑦ 30-ᓄᑦ ᑎᑭᑦᑐᒍ, ᐱᖃᑕᐅᔪᑦ ᐊᔪᕈᓐᓃᖅᓴᖅᑕᐅᕙᒃᑐᑦ, ᐃᓅᓯᓕᕆᓂᒃᑯᑦ, ᐃᖅᑲᐃᑎᑕᐅᕙᒃᑐᑎᓪᓗ ᐃᓄᑑᖖᒋᓐᓂᖕᒋᓐᓂᒃ. ᑐᑭᓯᒋᐊᕐᕕᐅᑉ ᐃᓐᓇᖕᒋᑦ ᐃᓅᓯᓕᕆᕙᒃᑐᑦ ᐃᑲᔪᖅᑕᐅᔭᕆᐊᓕᖕᓂᒃ, ᐃᑲᔪᖅᐸᒃᑐᑎᒃ ᐃᓕᖅᑯᓯᕐᒥᓂᑦ ᐊᑐᖅᑐᑎᒃ.  ᐃᓐᓇᐃᑦ ᐃᑲᔪᖅᑐᐃᕙᖕᒥᔪᑦ ᐃᒃᐱᖕᓂᐊᓂᒃᑯᑦ ᐊᒻᒪᓗ ᐃᓕᖅᑯᓯᑐᖃᒃᑯᑦ ᐃᑲᔪᖅᑐᐃᓂᕐᒥᒃ ᐅᖄᓚᐅᑎᒃᑯᑦ ᖃᕆᓴᐅᔭᒃᑯᓪᓘᓐᓃᑦ ᑲᑎᒪᖃᑎᒌᖕᓂᒃᑯᑦ ᐃᓄᖕᓄᑦ ᑕᐃᒪᐃᑦᑐᒦᑦᑐᒃᑯᑦ ᖃᓪᓗᓈᓂ ᑲᓇᑕᒥ. 

ᓄᓇᕐᔪᐊᓕᒫᒥ ᖁᐊᖅᓵᕐᓇᖅᑐᒥᒃ ᓄᕙᒡᔪᐊᕐᓇᖅ 19-ᑕᖃᓚᐅᖅᑎᓪᓗᒍ, ᑐᑭᓯᒋᐊᕐᕕᒃᑯᑦ ᐱᓕᕆᐊᖕᒋᑦ ᐃᑲᔪᖅᑐᐃᓚᐅᕐᒥᔪᑦ ᐊᑲᐅᑎᑦᑎᓇᓱᒃᑐᑎᒃ ᓇᓗᓇᖅᑐᒦᑎᓪᓗᑕ. ᐊᒥᓱᕈᕆᐊᓚᐅᖅᑐᑦ ᒪᕐᕈᐃᖅᓱᐸᓗᒃᑐᑎᒃ ᐊᒃᑐᖅᑕᐅᔪᑦ ᐊᕐᕌᖒᖕᓂ ᒪᕐᕉᖕᓂ ᐊᒃᑐᖅᑕᐅᓛᖕᒍᔪᓂ ᓄᕙᒡᔪᐊᕐᓇᐅᑎᓪᓗᒍ. ᐱᔨᑦᑎᕋᖅᑕᐅᔭᕆᐊᓖᑦ ᐊᒥᓱᕈᕆᐊᖅᓯᒪᒐᓗᐊᖅᑎᓪᓗᒋᑦ, ᑐᑭᓯᒋᐊᕐᕕᒃ ᑲᔪᓯᑎᑦᑏᓐᓇᓚᐅᖅᑐᖅ. ᐊᒥᓱᑦ ᐃᓄᐃᑦ ᖃᐅᔨᓚᐅᖅᑐᑦ ᐃᑲᔪᖅᑎᑦᑎᐊᕙᐅᓂᖕᒋᓐᓂᒃ ᓂᕆᐅᓇᖖᒋᑦᑐᒃᑰᖅᑎᓪᓗᒋᑦ ᐊᒻᒪᓗ ᐃᓄᑑᑎᑕᐅᑎᓪᓗᒋᑦ.

ᑕᒫᓂ ᐊᕐᕌᒍᒥ, ᑐᑭᓯᒋᐊᕐᕕᒃ ᑐᓂᔭᐅᓚᐅᖅᑐᖅ ᐊᓐᓇᐅᒪᒃᑯᑦ ᓯᕗᓪᓕᖅᐹᑦᑎᐊᖕᒐᓂᒃ ᓄᓇᓕᓐᓂ ᓂᕈᐊᒐᒃᓴᓕᐊᖕᒍᔪᓂᒃ ᑐᓐᓂᖅᑯᓯᐊᓂᒃ. ᑖᓐᓇ $100,000 ᑐᓐᓂᖅᑯᓯᐊᖅ ᑐᓂᔭᐅᓂᐊᖅᑐᖅ ᓄᓇᕗᒻᒥ ᑮᓇᐅᔭᓕᐅᕋᓱᐊᖅᑎᐅᖖᒋᑦᑐᓄᑦ ᐅᕝᕙᓘᓐᓃᑦ ᐃᑲᔪᖅᐸᒃᑐᓄᑦ ᐃᓕᓴᕆᔭᐅᓯᒪᔪᓄᑦ ᓄᓇᓕᖕᒋᓐᓄᑦ ᐱᔭᕆᐊᖃᖅᑕᖕᒋᓐᓄᑦ ᐊᕐᕌᒎᕋᑖᖅᑐᒥ. 

ᑎᑎᕋᖅᓯᒪᔪᓂ ᑐᓐᓂᖅᑯᑕᐅᓯᒪᔪᖅ, ᓂᕈᐊᒐᒃᓴᖖᒍᖅᑎᑦᑎᓯᒪᔪᖅ ᑎᑎᕋᓚᐅᖅᑐᖅ, “ᑐᑭᓯᒋᐊᕐᕕᐅᑉ ᐃᓐᓇᖕᒋᑦ-ᐅᖃᐅᔾᔪᐃᔨᖕᒋᑦ ᑕᐃᔭᐅᔪᑦ ᖃᓄᐃᖖᒋᑦᑎᐊᕐᓂᕐᒧᑦ ᐃᓕᖅᑯᓯᑐᖃᕐᓄᓪᓗ ᐊᔪᕈᓐᓃᖅᑕᐅᕙᒃᑐᓄᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᖕᒍᕙᒃᑐᑦ, ᐱᖅᑯᓯᑦᑎᒍᑦ ᒪᑭᒋᐊᕐᓂᖅ, ᑐᑭᖃᖅᑐᖅ ‘ᓴᖖᒋᓂᖅᑖᖅᐸᓪᓕᐊᓂᖅ ᐃᓕᖅᑯᓯᒃᑯᑦ. ᖃᐅᑕᒫᑦ, ᓴᖖᒋᒃᑎᒋᐊᖅᑎᑦᑎᕙᒃᑐᑦ ᐃᓄᐃᑦ ᐃᓅᓯᖕᒋᓐᓂᒃ ᐃᓕᖅᑯᓯᒃᑯᑦ ᐃᒃᐱᒋᔭᖃᑦᑎᐊᕐᓂᒃᑯᑦ, ᐊᑐᖅᑐᑎᒃ ᐊᔪᖖᒋᑕᒥᓂᒃ ᐱᕙᓪᓕᐊᓂᖕᒋᓐᓂᒃ, ᐃᓄᐃᑦ ᐃᓅᖃᑎᒌᒍᓯᖕᒋᓐᓂᒃ ᐱᒻᒪᕆᐅᒋᔭᖕᒋᓐᓂᒃ, ᐃᓄᐃᓪᓗ ᐊᑐᖅᐸᒃᑕᖕᒋᓐᓂᒃ. ᐱᓕᕆᖃᑎᒌᑦᑎᐊᖅᑐᑦ ᓄᓇᓕᖕᓂ.”

ᐊᓐᓇᐅᒪᒃᑯᑦ ᑐᓴᖅᑎᑦᑎᑎᓪᓗᒋᑦ ᑐᑭᓯᒋᐊᕐᕕᒃ ᓵᓚᖃᕐᓂᖕᒐᓂᒃ ᑲᑐᔾᔨᖃᑎᒌᖕᒍᓪᓗᓂ, ᓄᓇᓕᖕᒥᐅᑦ ᐊᖕᒋᖃᑎᖃᓚᐅᖅᑐᑦ. “ᖁᕕᐊᓇᖅᑐᖅ ᑕᒪᓐᓇ ᑕᑯᓪᓗᒍ! ᑐᑭᓯᒋᐊᕐᕕᒃ ᐱᒻᒪᕆᐅᒻᒪᑦ ᐊᒥᓱᓄᑦ ᐃᓄᖕᓄᑦ.” ᑎᑎᕋᖅᑐᖃᖅᑐᖅ, “ᐃᓕᓴᕆᔭᐅᒋᐊᖃᑦᑎᐊᖅᑐᖅ” ᐅᖃᖅᑐᖃᒃᑲᓐᓂᕆᓪᓗᓂ.

ᐊᒃᑑᑎᓂᕆᔭᖕᒐ ᑐᑭᓯᒋᐊᕐᕕᐅᑉ ᐱᓕᕆᐊᖕᒐ ᑕᑯᔭᐅᔪᓐᓇᖅᑐᖅ ᐱᓕᕆᑦᑎᐊᕐᓂᖕᒋᑎᒍᑦ ᐆᒻᒪᕆᒃᑐᒃᑯᑦ, ᖁᓱᖖᒋᑦᑎᐊᖅᑐᑎᒃ, ᐊᒻᒪᓗ ᓴᖖᒋᔪᒥᒃ ᐊᒃᑐᐊᓂᓕᖕᒥᒃ ᓄᓇᓕᖕᓂ. ᐊᑐᕐᓂᖅ ᐃᓕᖅᑯᓯᑐᖃᒃᑯᑦ ᖃᐅᔨᒪᓂᕆᔭᖕᒋᓐᓂᒃ ᐃᓐᓇᕐᓂᒃ ᒪᒃᑯᖕᓂᖅᓴᓂᓪᓗ ᓇᓗᖖᒋᑦᑎᐊᕈᑕᐅᕙᒃᐳᖅ ᑕᒪᒃᑯᐊ ᐃᓄᐃᑦ ᐃᓕᖅᑯᓯᑐᖃᖕᒋᑦ ᐊᓐᓂᕆᔭᖕᒋᓪᓗ ᐊᓯᐅᔾᔭᐃᖅᑕᐅᓯᒪᓪᓗᑎᒃ ᐊᑐᖅᑕᐅᕙᒃᑐᑎᓪᓗ. ᓂᕆᖃᑎᒌᖕᓂᒃᑯᑦ ᐊᒻᒪᓗ ᐱᓕᕆᖃᑎᒌᓐᓂᖅ ᓴᖅᑮᕙᖕᒪᑦ ᐃᓄᖕᓂᒃ ᑲᑎᒍᑎᒋᔭᐅᓪᓗᓂ.

ᑐᑭᓯᒋᐊᕐᕕᒃ ᐃᓂᑐᐃᓐᓇᐅᖖᒋᓚᖅ; ᑐᖖᒐᓇᖅᑑᓪᓗᓂ, ᐃᒃᐱᒋᔭᖃᑦᑎᐊᖅᑐᓂ ᐃᓂᐅᔪᖅ ᐃᓄᖕᓂ ᓇᑭᖖᒑᕈᓘᔭᖅᑐᓂᒃ. ᖃᐅᔨᖖᒋᑦᑑᑦᑕᐃᓕᒋᑦ ᐱᖃᑕᐅᔪᒪᒍᕕᑦ ᐱᓕᕆᐊᖕᒍᔪᓄᑦ, ᐃᓐᓇᕐᓂᒃ ᑲᑎᓯᕙᓪᓗᓯ, ᑲᔪᓯᑎᑦᑎᓗᑎᓪᓗ ᓄᑖᓂᒃ ᑲᑎᒍᑎᒋᔭᐅᕙᒃᑐᓂᒃ ᐃᖃᓗᖕᓂ. ᖃᐃᖃᑦᑕᕆᑦᑎ ᑐᖖᒐᓱᒃᑎᑕᐅᑦᑎᐊᓛᖃᔅᓯ ᑕᑯᔭᖅᑐᕐᓗᓯᐅᒃ ᑐᑭᓯᒋᐊᕐᕕᒃ ᐱᒻᒪᕆᐅᒋᔭᐅᔪᖅ ᐃᐊᒥᓱᓄᑦ. ᐃᒃᓯᕙᐅᑕᕐᓄᑦ ᐅᑕᖅᑭᔭᐅᔪᑎ.