ᐊᓐᓇᐅᒪ ᐱᓕᕆᖃᑎᖃᓕᖅᐳᖅ ᓄᓇᓕᖕᓂ ᑐᙵᕕᒋᔭᐅᔪᓂᒃ ᑲᓇᑕᒥ Free to Play ᐱᓕᕆᐊᖑᕙᓪᓕᐊᔪᒪᔪᒥᒃ ᓴᖅᑭᑎᑦᓯᔪᒪᓪᓗᑎᒃ ᐱᕕᒃᓴᒃᑲᓐᓂᕐᓂᒃ ᓯᓚᒥ ᐱᙳᐊᕐᓂᕐᒧᑦ ᓄᑕᖅᑲᓄᑦ ᑲᓇᑕᓕᒫᒥ, ᒫᓐᓇ ᓄᓇᕗᒻᒧᐊᕆᐅᖅᓱᑎᒃ.
ᐅᑯᑎᒎᓇᖅ Free to Play−ᑯᑦ, ᐃᑲᔪᖅᑐᐃᕗᒍᑦ ᓄᓇᓕᖕᓂ−ᐊᐅᓚᑕᐅᔪᓂᒃ ᐱᓕᕆᐊᖑᔪᓂᒃ ᓄᓇᕗᒻᒥ ᐃᑲᔪᖅᐸᒃᑐᓂᒃ ᓄᑕᖅᑲᓂᒃ ᑲᑉᐳᔾᔭᐃᖅᓯᓂᕐᒥᒃ ᓇᕿᑦᑕᐅᑎᓂᒃ ᐊᑕᓕᒃᑲᓐᓂᕐᓂᕐᒥᒡᓗ−ᓄᓇᒧᑦ, ᐃᖕᒥᖕᓄᑦ, ᑕᐅᑐᙳᐊᖅᑕᖏᓐᓄᓪᓗ.
ᑐᑭᓯᒋᐊᒐᒃᓴᓂᒃ ᑲᑎᒪᑎᑦᓯᓛᖅᑐᒍᑦ ᑐᙵᓱᒃᑎᑦᓯᔪᒪᓪᓗᑕ ᐅᖃᖃᑎᒌᒃᑐᓂᒃ ᖃᓄᖅ ᐃᓄᐃᑦ ᓄᑕᖅᑲᑦ ᐃᓕᑦᑎᕙᖕᒪᖔᑕ ᐱᙳᐊᖅᐸᖕᒪᖔᑕᓗ ᓯᓚᒥ ᓄᓇᕗᒻᒥ ᓄᓇᓕᖕᓂ, ᐱᑎᑦᓯᔪᒪᓂᕐᒧᓪᓗ ᐱᕕᒃᓴᒥᒃ ᐃᓕᑦᑎᒃᑲᓐᓂᕐᓂᕐᒥᒃ Free to Play ᐊᐃᑦᑑᑎᓄᑦ ᐱᓕᕆᐊᒃᓴᖅ.
ᐊᓐᓇuma $250,000−ᓂᒃ 2026−ᒥ ᐃᑲᔫᑎᒃᓴᖃᖅᐳᖅ ᓄᓇᓕᖕᓂ ᐱᓕᕆᐊᖑᔪᓄᑦ ᐊᐃᑦᑑᑎᓄᑦ ᑕᓪᓕᒪᓄᑦ ᑲᑐᔾᔨᖃᑎᒌᓄᑦ.
ᐱᒻᒪᕆᐅᔪᑦ ᐅᓪᓗᐃᑦ
- ᐃᓚᐅᖃᑕᐅᔪᒪᔪᓄᑦ ᒪᑐᐃᖅᑐᖅ: ᕕᕗᐊᕆ 5, 2026
- ᑐᑭᓯᒋᐊᒐᒃᓴᑦ ᑲᑎᒪᑎᑕᐅᔪᑦ: ᕕᕗᐊᕆ 17 ᐊᒻᒪ ᕕᕗᐊᕆ 19, 2026
- ᐃᓚᐅᖃᑕᐅᔪᒪᔪᓄᑦ ᒪᑐᕝᕕᒃᓴᖅ: ᒫᑦᓯ 6, 2026
- ᐱᓇᔪᒃᑐᑦ ᖃᐅᔨᒃᑲᖅᑕᐅᔪᑦ: ᐊᐃᕐᕆᓕ 1, 2026
- ᐊᖏᖃᑎᒌᖕᓂᒃᑯᑦ ᑐᓂᓯᓂᕐᒧᑦ ᐱᓕᕆᖃᑎᒌᖕᓂᖅ: ᐊᐃᕆᓕ 14 ᐊᒻᒪ 16, 2026
ᐊᐃᑉᐸᖓ ᐱᓇᔪᖃᑕᐅᔪᒪᔪᓄᑦ Free to Play ᑮᓇᐅᔭᖃᖅᑎᑕᐅᓗᓂ ᐊᑐᐃᓐᓇᐅᓛᖅᑐᖅ 2027-ᒥ.
ᑖᓐᓇ ᐱᓕᕆᐊᖅ ᐃᑲᔪᖃᑦᑕᖅᑐᖅ ᐃᓄᓐᓂᑦ ᓄᑕᖅᑲᓂᑦ ᐆᒻᒪᕆᓐᓂᕐᒥᑦ, ᐱᙳᐊᕐᓂᕐᒥᑦ, ᐃᓕᓐᓂᐊᖃᑎᒌᓐᓂᕐᒥᓪᓗ − ᓴᖅᑭᔮᖅᑎᑦᓯᓂᕐᒥᑦ ᖃᓄᐃᖏᑦᓯᐊᕐᓂᕐᒥᑦ, ᖁᓱᖏᓐᓂᕐᒥᑦ, ᐃᓕᖅᑯᓯᕐᒥᑦ ᓇᓗᓇᐃᖅᓯᓂᕐᒥᑦ, ᓄᓇᓕᓐᓂᓪᓗ ᖃᓄᐃᖏᑦᓯᐊᕐᓂᕐᒥᑦ.
Free to Play ᐊᔪᕐᓇᙱᑎᑕᐅᕗᖅ ᐱᓕᕆᖃᑎᒌᖕᓂᒃᑯᑦ ᐃᓚᐅᔪᓄᑦ ᓄᓇᓕᖕᓂ ᑐᙵᕕᒋᔭᐅᔪᓄᑦ, Waltons Trust, Lawson Foundation, ᐊᒻᒪ Canadian Jumpstart Charities.
