ᐃᓚᒋᓪᓗᓂᐅᒃ ᐊᕐᕌᒍᑕᒫᑦ ᐊᖏᖃᑎᒌᒍᑎᒃᑯᑦ ᑐᓂᓯᖃᑦᑕᕐᓂᑦᑕ, ᐊᓐᓇᐅᒪ ᖁᕕᐊᑦᑐᒻᒪᕇᑦ ᑐᓴᖅᑎᑦᓯᔭᕆᐊᑦᓴᖅ ᐃᓚᐅᖃᑕᐅᓂᐊᖅᑐᓂᒃ 2025/26-ᒥ ᐃᓄᐃᑦ ᓄᑕᖅᑲᑦ ᐃᓅᓱᑦᑐᓪᓗ ᐊᖏᖃᑎᒌᓐᓂᒃᑯᑦ ᑐᓂᓯᖃᑦᑕᕐᓂᐊᖅᑐᓂᒃ ᑲᑎᑦᑎᑕᐅᔪᓂ. ᑖᒃᑯᐊ ᑲᑎᑎᑦᓯᓲᑦ ᑲᑐᔾᔨᖃᑎᒌᓂᒃ ᑎᒥᐅᔪᓂᒃ ᑐᓂᓯᒪᑦᓯᐊᖅᑐᓂᒃ ᓴᖅᑭᑦᓯᒍᒪᓪᓗᑎᑦ ᓴᙱᓂᖃᑦᓯᐊᖅᑐᓂᑦ ᑐᙵᕕᑦᓴᐅᓂᐊᖅᑐᓂᑦ ᑭᖑᕚᕆᓂᐊᖅᑕᑎᓐᓄᑦ ᓄᓇᕗᒻᒥᐅᓄᑦ. ᑲᑐᔾᔨᓪᓗᑎᒃ ᐱᓕᕆᐊᖏᑦ ᑕᑯᑦᓴᐅᑎᑦᓯᔪᑦ ᐱᒻᒪᕆᐅᓂᖓᓂᒃ ᐃᓄᐃᑦ ᓂᐱᖏᑦ ᑐᑭᒧᐊᑦᑎᑦᓯᒍᑕᐅᓗᑎᒃ ᐃᓱᒪᓕᐅᕈᑕᐅᔪᓂᒃ ᓄᓇᓕᓐᓂ ᐋᖅᑭᒍᑎᑦᓴᓂᒃ ᓄᓇᓕᒻᒥᓄᑦ ᐊᑦᓱᕉᑕᐅᕙᑦᑐᓄᑦ.
ᑕᕝᕙᓂ ᐊᕐᕌᒍᑦᑎᓐᓂ ᐃᓚᐅᖃᑕᐅᓂᐊᖅᑐᑦ ᒪᑯᐊ ᐃᓚᐅᓗᑎᑦ:
- 867 ᓴᙱᓂᓖᑦ (867 Strength) - ᖃᓄᐃᙱᑦᓯᐊᕆᐊᕈᑎᑦᓴᓂᑦ ᐱᕕᑦᓴᑖᖅᑎᑦᓯᔨᑦ ᐃᓅᓱᑦᑐᓄᑦ
- ᐅᑭᐅᖅᑕᖅᑐᒥ ᓱᕈᓯᓄᑦ ᒪᒃᑯᑦᑐᓄᓪᓗ ᑎᒥᖓ (Arctic Children and Youth Foundation) - ᐱᑕᖃᖅᑎᓯᔪᑦ ᐊᑎᒋᓕᐊᖑᓯᒪᔪᓂᑦ ᓄᑕᖅᑲᓄᑦ
- ᐃᓵᑦᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ (Isaksimagit Inuusirmi Katujjiqatigiit Embrace Life Council) - ᓴᖅᑭᑦᓯᖃᑦᑕᑐᑦ ᑭᑦᓴᖅᑐᒥ ᑲᒪᒋᔭᖃᕐᓂᕐᒧᑦ ᐃᑲᔪᖅᓯᐅᑎᑦᓴᓂᑦ
- ᐱᕈᕐᕕᒃ ᐃᓕᓐᓂᐊᓕᓵᖅᑐᑦ (Pirurvik Preschool) - ᐊᖏᓪᓕᒋᐊᖅᑎᑦᓯᓂᖅ ᐃᓄᒃᑎᑐᑦ ᒫᓐᑎᓱᕆᒥᒃ ᐃᓕᓐᓂᐊᕈᑎᑦᓴᓂᒃ ᐃᓚᓕᐅᔾᔨᓗᑎᒃ ᓂᕿᓄᑦ ᑐᕌᖓᔪᓂᒃ ᐃᓕᓐᓂᐊᕈᑎᑦᓴᓂᒃ
- ᖃᐅᔨᒋᐊᖅᑏᑦ (Qaujigiartiit Health Research Centre) - ᐆᑦᑐᕋᐅᑎᒋᓪᓗᒍ ᐱᓕᕆᐊᑦᓴᖃᖅᑎᑦᓯᓂᖅ ᑲᑎᑕᐅᓯᒪᔪᓄᑦ ᐃᓅᓱᑦᑐᑦ ᐱᔨᑦᓯᖅᑕᐅᕕᒃ
ᐅᐱᒍᓱᑉᐳᒍᑦ ᐱᓕᕆᖃᑎᖃᕆᐊᑦᓴᖅ ᑖᒃᑯᓂᖓ ᑐᓂᓯᒪᑦᓯᐊᖅᑐᓂᒃ ᑲᑐᔾᔨᖃᑎᒌᖑᔪᓂᒃ ᑲᔪᓯᑎᑦᓯᑎᓪᓗᒋᑦ ᐱᒋᐊᕈᑕᐅᔪᓂᒃ ᑐᙵᕕᖃᖅᑐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪᓗ ᓄᓇᓕᓐᓂ ᓯᕗᓪᓕᐅᔾᔭᐅᖁᔭᐅᔪᓂᒃ. ᖃᐅᔨᒪᓂᐊᖅᑯᓯ ᑕᖅᑭᓂ ᐊᒡᒋᖅᑐᓂ ᑐᓴᖅᑎᑦᓯᒃᑲᓐᓂᖅᑎᓪᓗᑕ ᐱᓕᕆᐊᑦᓴᐃᑦ ᐃᑲᔪᖅᑐᖅᑕᐅᓂᖏᓐᓂᒃ ᑕᕝᕘᓇ ᐃᑲᔫᑎᖃᖃᑦᑕᕐᓂᒃᑯᑦ, ᐊᑦᑐᐃᓂᕆᓂᐊᖅᑕᖏᓐᓄᓪᓗ ᓄᑕᖅᑲᓄᑦ ᐃᓅᓱᑦᑐᓄᓪᓗ ᓄᓇᕗᓕᒫᕐᒥ.
