ᖁᕕᐊᑦᑐᒍᑦ ᑐᓴᖅᑎᑦᓯᔭᕆᐊᑦᓴᖅ ᐊᓐᓇᐅᒪᐅᑉ 2024–25 ᐊᕐᕌᒍᑕᒫᖅᓯᐅᑦ ᐅᓂᒃᑳᓕᐊᖑᓯᒪᔪᑦ ᐊᑐᐃᓐᓇᐅᓕᕐᒪᑕᑦ!
ᑕᒪᑐᒪᓂ ᐊᕐᕌᒍᒥ ᓇᓗᓇᐃᖅᓯᕗᖅ ᐱᒻᒪᕆᐅᔪᒥᑦ ᓇᓗᓇᐃᒃᑯᑕᐅᓂᐊᖅᑐᒥᑦ ᐅᕙᑦᑎᓐᓄᑦ, ᑕᑯᑦᓴᐅᑎᑦᓯᒻᒪᑦ ᐱᔭᕇᖅᑕᐅᓂᖓᓂᑦ ᓯᕗᓪᓕᕐᒥ ᐊᕐᕌᒍᕐᒥ ᑐᓂᕐᕈᓯᐊᖃᑦᑕᕐᓂᕗᑦ ᑲᑐᔾᔨᓪᓗᑎᓪᓗ ᐱᓇᓱᐊᖅᑕᐅᓯᒪᔪᑦ ᐊᒥᓱᓄᑦ ᐱᓕᕆᖃᑎᒌᑦᑐᓄᑦ ᓄᓇᓕᓐᓄᓪᓗ ᓄᓇᕗᓕᒫᕐᒥ. ᐅᓂᒃᑳᓕᐊᖑᓯᒪᔪᖅ ᑕᑕᑦᑐᖅ ᐅᓂᒃᑳᓂᒃ ᐊᓚᒡᒐᐃᒋᐊᖅᑎᑦᓯᔪᓂᒃ ᓴᙱᓂᖏᓐᓂᒃ ᓄᓇᓕᓐᓄᑦ ᓯᕗᓕᖅᑕᐅᓪᓗᑎᒃ ᖃᓄᐃᓕᐅᕆᐊᕈᑕᐅᔪᑦ, ᐊᒻᒪᓗ ᓄᑖᙳᕆᐊᖅᓯᒪᔪᓂᑦ ᑐᓴᕋᑦᓴᓂᒃ ᐱᕈᖅᐸᓪᓕᐊᓂᑦᑎᓐᓂᒃ ᑎᒥᐅᓪᓗᑕ.
ᐃᓗᐊᓂ, ᑕᑯᓂᐊᖅᑐᓯ ᐱᓕᕆᐊᖑᔪᓂᒃ ᐃᑲᔪᖅᑐᓚᐅᖅᑕᑎᓐᓂᒃ ᑐᓂᕐᕈᑎᖃᕐᓂᒃᑯᑦ, ᑕᑯᓂᐊᕆᓪᓗᒋᑦ ᓴᖅᑭᑕᐅᓂᖓ ᓄᑖᖑᓂᖅᐹᑦ ᑐᓂᕐᕈᓯᐊᑦᓴᓂᑦ ᑐᓴᐅᒪᑎᑦᓯᒋᐊᕐᓂᕐᒥ, ᐱᕈᔭᖅ ᑮᓇᐅᔭᑦᓴᑦ, ᓴᓇᔭᐅᓯᒪᔪᖅ ᖁᕝᕙᕆᐊᖅᑎᑦᓯᒍᑕᐅᓗᓂ ᑮᓇᐅᔭᓕᐅᕋᓱᐊᖅᑎᐅᖏᑦᑐᓂᒃ ᑎᒥᐅᔪᓂᑦ ᐊᒻᒪᓗ ᑐᓂᕐᕈᓯᐊᖅᑎᑦᓯᕙᑦᑐᓂᒃ ᓄᓇᓕᐅᔪᓂᒃ ᓄᓇᕗᒻᒥ, ᐊᒻᒪᓗ ᑭᖑᒧᑦ ᑕᑯᒋᐊᕈᑎᖏᑦ ᒍᐊᑕᓐ ᑎᒥᖁᑎᖓᓐᓂᒃ - ᐱᒋᐊᙵᐸᓪᓕᐊᓂᑦᑎᓐᓂ ᐃᑲᔪᖅᑐᐃᔨᐅᖃᑕᐅᓚᐅᖅᑐᑦ. ᐊᑐᓂ ᐃᓛᒃᑰᖓᔪᑦ ᓇᓗᓇᐃᖅᓯᔪᑦ ᓴᙱᓂᕆᔭᖓᓂᒃ ᐱᓕᕆᖃᑎᒌᓐᓂᐅᑉ, ᐅᑉᐱᕈᓱᓐᓂᐅᑉ, ᓱᓇᐅᒋᔭᖃᑦᓯᐊᕐᓂᕐᓗ ᒪᑭᑎᑦᓯᒍᑕᐅᓗᑎᑦ ᑐᙵᕕᖃᑦᓯᐊᖅᑐᒥᒃ ᐃᓄᐃᑦ ᐱᓕᕆᖃᑎᒌᒍᓯᖏᓐᓂᒃ.
ᖃᐃᖅᑯᔨᕗᒍᑦ ᐃᓕᓐᓂᒃ ᐊᑕᖏᕐᓗᒍ ᕿᒥᕐᕈᖁᓪᓗᓯ ᐅᓂᒃᑳᓕᐊᖑᓯᒪᔪᖅ, ᖁᕕᐊᓲᑎᖃᕐᓗᓯ ᐱᕙᓪᓕᐊᓂᕆᔭᑦᑎᓐᓂ, ᐊᒻᒪᓗ ᐃᓕᒋᐊᒃᑲᓐᓂᕐᓗᓯ ᑲᑐᔾᔨᖃᑎᒌᓐᓂᒃᑯᑦ ᓯᕗᒧᐊᖃᑎᒌᓐᓂᑦᑎᓐᓂᑦ. ᐅᓂᒃᑳᑦ ᐃᓗᐊᓃᑦᑐᑦ ᑎᑭᐅᑎᓯᒪᓂᑐᐃᓐᓇᐅᖏᑦᑐᑦ, ᑭᓯᐊᓂᑦᑕᐅᖅ ᓯᕗᓂᑦᓴᒥ ᐱᕕᑦᓴᐅᒍᓐᓇᖅᑐᑦ ᑲᑐᔾᔨᓗᑕ ᐱᓕᕆᖃᑎᒌᑦᑎᓪᓗᑕ ᓯᕗᓂᑦᓯᐊᕆᑦᑑᖁᓪᓗᒍ ᓄᓇᕗᑦ. ᓇᓂᓗᒍ ᐅᓂᒃᑳᓕᐊᖑᓯᒪᔪᖅ ᐅᕙᓂ.
