ᐊᕐᕌᒍᖕᓄᑦ ᒪᕐᕉᖕᓄᑦ ᑮᓇᐅᔭᕆᔭᐅᔪᑦ ᐊᕐᓇᐃᑦ/ᐊᖕᒍᑎᑦ ᓇᓕᒧᒌᒃᑎᑕᐅᓂᖕᒋᓐᓄᑦ ᐱᓕᕆᖃᑎᒌᓄᑦ

ᒪᐃ 2024-ᖕᒍᑎᓪᓗᒍ, ᑕᓪᓕᒪᑦ ᓄᓇᕗᒻᒥ ᑮᓇᐅᔭᓕᐅᕋᓱᒃᑎᐅᖖᒋᑦᑐᑦ ᐊᒻᒪᓗ ᐃᑲᔪᕋᓱᒃᑎᑦ ᑲᑐᔾᔨᖃᑎᒌᑦ ᑲᑎᓚᐅᖅᑐᑦ ᑮᓇᐅᔭᖃᖅᑎᑦᑎᔪᒪᓪᓗᑎᒃ ᐊᕐᓇᐃᑦ/ᐊᖕᒍᑎᑦ ᓇᓕᒧᒌᒃᑎᑕᐅᓂᖕᒋᓐᓄᑦ, ᐱᓕᕆᖃᑎᒌᑦ ᐊᔪᕐᓇᖖᒋᑎᑕᐅᔪᖅ ᑲᑐᔾᔨᖃᑎᒌᖕᓂᒃᑯᑦ ᓄᓇᓕᖕᓂ ᑐᖖᒐᕕᓕᕆᔩᑦ ᑲᓇᑕᒥ. ᐊᓐᓇᐅᒪᒃᑯᑦ ᓯᕗᓪᓕᐅᑎᔪᒪᔭᖕᒋᑕ ᓯᓚᑖᓂ, ᑭᓯᐊᓂ ᒪᓕᑦᑎᐊᖅᑐᖅ ᐱᒻᒪᕆᐅᒋᔭᖕᒋᓐᓄᑦ, ᐃᖅᑲᐅᒪᓇᓛᖕᒍᖃᑕᐅᓕᓚᐅᖅᑐᖅ ᐊᒻᒪᓗ ᖃᐅᔨᕚᓪᓕᕐᓇᓛᖕᒍᓪᓗᓂ ᑲᑎᖖᒐᓂᐅᔪᓂ ᐊᓐᓇᐅᒪᒃᑯᑦ ᑐᖖᒐᓱᒃᑎᑦᑎᓂᕆᓚᐅᖅᑕᖕᒐᓂ. ᐅᕝᕙᐅᑯᐊ ᐃᓚᖕᒋᑦ ᐅᓂᒃᑳᑦ ᐃᓕᔅᓯᓐᓄᑦ ᐅᖃᐅᓯᕆᔪᒪᔭᕗᑦ.

ᐃᖃᓗᖕᓂ ᕼᐋᑭᖅᑎᑦ ᑲᑐᔾᔨᖃᑎᒌᒃᑯᖕᒋᑦ ᑮᓇᐅᔭᓂᒃ ᐊᑐᓚᐅᖅᑐᑦ ᒪᑐᐃᖅᓯᓪᓗᑎᒃ ᕼᐋᑭᕐᕕᐅᔪᓐᓇᖅᑐᒥᒃ 51-ᓄᑦ ᒪᒃᑯᒃᑐᓄᑦ ᐊᕐᓇᕐᓄᑦ ᐱᖖᒍᐊᖅᑎᓄᑦ 38-ᖕᒍᓪᓗᑎᒃ ᐃᓅᓪᓗᑎᒃ. ᐊᔪᖖᒋᓐᓂᓕᖕᓄᑦ ᐃᓕᓐᓂᐊᕐᓂᖅ ᐊᐅᓚᑕᐅᓪᓗᓂ ᐊᕐᓇᓄᑦ ᕼᐋᑭᖅᑎᓄᑦ ᖃᐅᔨᓚᐅᖅᑐᑦ ᐊᔾᔨᐅᖖᒋᑦᑐᓂᒃ ᐅᑭᐅᖅᑕᖅᑐᒥ: “ᓂᕕᐊᖅᓯᐊᑦ ᐱᓕᕆᖃᑎᒌᑦᑎᐊᓚᐅᖅᑐᑦ ᐃᑲᔪᖃᑦᑕᐅᑎᓪᓗᑎᓪᓗ ᐊᔪᖖᒋᑕᒥᓄᑦ.” ᑭᖕᒍᓂᑦᑎᐊᖕᒐᒍᑦ, ᖁᕕᐊᑦᑕᒃᓯᒪᑦᑎᐊᖅᑐᑎᒃ, ᐃᖃᓗᐃᑦ ᕼᐋᑭᖅᑎᖕᒋᑦ ᓄᑲᖅᑏᑦ ᐊᕐᓇᐃᑦ ᐅᑎᓚᐅᖅᑐᑦ ᐱᖖᒍᐊᕆᐊᖅᑐᓯᒪᓚᐅᖅᑐᑎᒃ ᐋᑐᕚᑉ ᖃᓂᒋᔭᖕᒐᓂ ᑭᖕᒍᓪᓕᐅᓪᓗᑎᒃ ᐅᔭᒥᒃᑕᐅᓚᐅᖅᑐᑦ. 

ᖃᐅᔨᒋᐊᖅᑏᑦ ᖃᓄᐃᖖᒋᑦᑎᐊᖅᑐᓂ ᖃᐅᔨᓴᕐᕕᒃ ᑲᑎᑎᑦᑎᓚᐅᖅᑐᑦ ᐱᖕᒐᓲᔪᖅᑐᓂᒃ ᐃᓐᓇᕐᓂᒃ ᓄᓇᕘᓕᒫᒦᖖᒑᖅᑐᓂᒃ ᐅᓪᓗᓄᑦ ᐱᖕᒐᓱᓄᑦ ᐃᓕᖅᑯᓯᑐᖃᒃᑯᑦ ᐅᓂᒃᑳᖅᑐᐊᖅᑐᐃᒃ ᐃᖃᓗᖕᓂ. ᑲᑎᖖᒐᓂᐅᔪᒥ ᐃᓕᓐᓂᐊᓚᐅᖅᑐᑦ ᐱᖅᑯᓯᑐᖃᒃᑯᑦ ᐅᓂᒃᑳᖅᑐᐊᓂᑦ ᐊᒻᒪᓗ ᐃᓱᒪᒋᔭᖃᖅᑐᑎᒃ ᓄᓇᓕᐅᑉ ᐊᑐᕆᐊᖃᖅᑕᖕᒋᓐᓂᑦ ᐅᓪᓗᒥᐅᔪᖅ. ᑐᑭᒧᐊᒃᑎᑦᑎᔨᒧᑦ ᓯᐴᓚ ᒨᓐᔅ, ᓇᓗᓇᖖᒋᑦᑎᐊᓚᐅᖅᑐᖅ, “ᑕᐃᒪᐃᖖᒋᒃᑯᑦᑕ, ᐊᓯᐅᑐᐃᓐᓇᕐᓂᐊᖅᑐᑦ.” ᑭᖕᒍᓪᓕᕐᒥ ᐱᓕᕆᐊᖕᒍᔪᒃᓴᑦ ᐊᑐᕐᓗᒋᑦ ᑖᒃᑯᐊ ᐃᓕᑕᐅᔪᑦ ᐃᓐᓇᕐᒥᒃ ᑲᔪᖕᒋᖅᓴᐃᔪᓕᕆᓂᕐᒧᑦ ᐱᓕᕆᐊᒃᓴᒥᒃ.

‍
ᐱᑦᖁᕼᐃᕐᓂᒃᑯᑦ ᐃᓕᕼᐊᐅᑎᓂᖅ / ᕿᑎᕐᒥᐅᓂ ᐃᑦᑕᕐᓂᓴᓕᕆᔨᒃᑯᑦ ᑲᑐᔾᔨᖃᑎᒌᖕᒋᑕ ᐃᓐᓇᕐᓄᑦ-ᐊᔪᕈᓐᓃᖅᓴᔭᐅᔪᑦ ᑉᓕᓕᕆᐊᖕᒍᖃᑦᑕᓚᐅᖅᑐᑦ ᐅᓪᓗᓄᑦ ᑎᓴᒪᓄᑦ ᐱᓇᓱᐊᕈᓯᕐᒥ ᐊᕐᕌᒍᓕᒫᒧᑦ ᐊᕝᕙᖕᒐᓂᓗ, ᐅᖃᓪᓚᖃᑦᑕᖖᒋᑦᑐᑦ ᐅᖃᓪᓚᒍᓐᓇᖅᓯᑎᑕᐅᓪᓗᑎᒃ ᐃᓄᐃᓐᓇᖅᑐᓐ ᖃᐅᑕᒫᑦ. ᑖᒃᑯᐊ ᑲᑐᔾᔨᖃᑎᒌᖕᒍᔪᑦ ᑕᐃᒪᖖᒐᓂᑦ ᓵᓚᖃᖅᓯᒪᓕᖅᑐᑦ ᐅᑭᐅᖅᑕᖅᑐᒥ ᑲᔪᖕᒋᖅᓴᐃᓂᕐᒧᑦ ᓵᓚᖃᐅᓯᐊᒥᒃ ᒫᓐᓇᓗ ᑕᐅᑐᒐᖃᓪᓗᐊᑕᓕᖅᑐᑎᒃ ᐊᖕᒋᓪᓕᕙᓪᓕᐊᑎᑦᑎᓂᕐᒥᒃ ᐋᖅᑭᒃᓱᐃᕙᓪᓕᐊᓂᕐᒥᓪᓗ ᐃᓕᓐᓂᐊᕈᑎᒃᓴᓂᒃ ᐃᓕᓐᓂᐊᖅᑎᑦᑎᔾᔪᑕᐅᕙᒃᑐᓂᒃ ᓄᓇᕘᓕᒫᒥ, ᐊᒻᒪᓗ ᓄᑖᒥᒃ ᐱᓕᕆᖃᑎᖃᓕᖅᑐᑦ ᑯᐸᐃᒃ ᓯᓚᑦᑐᖅᓴᕐᕕᒡᔪᐊᖕᒐᓂ ᒪᓐᑐᕆᐊᓪᒥ ᐋᖅᑭᒃᓱᐃᓂᐊᕐᓗᑎᒃ ᓯᕗᓪᓕᖅᐹᑦᑎᐊᒥᒃ ᑎᑎᕋᖅᓯᒪᔪᓂᒃ ᐅᖃᐅᓯᕐᓂᒃ ᖃᕆᑕᐅᔭᒃᑯᓪᓗ ᐅᖃᐅᓰᑦ ᑐᑭᖕᒋᓐᓂᒃ ᐃᓄᐃᓐᓇᖅᑐᓐ.

ᐃᓕᑕᖅᓯᓂᐅᑉ ᓯᕗᓪᓕᖅᐹᑦᑎᐊᒥ ᐊᕐᓇᐃᑦ ᓯᕗᓕᖅᑎᐅᓂᕐᒧᑦ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ, ᓯᕗᒃᑲᖅᑕᐃᓂᖅ ᓇᖕᒥᓂᖅ ᐊᑐᖅᑕᑦᑎᓐᓂᒃ, 20-ᓂᒃ ᐱᖃᑕᐅᑎᑦᑎᓚᐅᖅᑐᑦ ᑲᖕᒋᖅᖠᓂᕐᒦᖖᒑᖅᑐᓂᒃ ᐅᓪᓗᓄᑦ ᑕᓪᓕᒪᓄᑦ ᐃᓕᓐᓂᐊᖅᑐᑎᒃ, ᐃᓕᖅᑯᓯᕐᒥᒃ, ᐊᒻᒪᓗ ᑲᓱᖃᑎᒌᖕᓂᕐᒥᒃ. ᐃᓕᓐᓂᐊᖅᓯᓐᓈᑦ ᑲᑎᒪᓂᖅ ᑲᑎᒪᑎᑦᑎᓚᐅᖅᑐᖅ ᐃᓄᖕᓂᒃ, ᐃᓕᑕᖅᓯᓂᐅᑉ ᑲᑎᖅᓱᖅᓯᒪᔪᒥᒃ ᐱᓕᕆᐊᒥᒃ ᐋᖅᑭᒃᓱᐃᓂᕐᒥᒃ, ᐱᕚᓪᓕᖅᑎᑕᐅᓪᓗᑎᒃ ᐊᒻᒪᓗ ᐱᐅᓯᕚᓪᓕᖅᑎᑕᐅᓪᓗᑎᒃ, ᐆᒻᒪᕆᖕᓂᖃᖅᑎᑦᑎᔪᖅ ᐱᓕᕆᐊᒃᓴᓕᒫᖕᒋᓐᓄᑦ. ᐱᖃᑕᐅᔪᑦ ᑕᐃᒪᖖᒐᓂ ᖁᕝᕙᕆᐊᖅᑕᐅᒃᑲᓐᓂᖅᓯᒪᓕᖅᑐᑦ ᓄᑖᓂᒡᓗ ᓄᓇᓕᖕᓂ ᐱᓕᕆᐊᒃᓴᖅᑖᖅᓯᒪᓕᖅᑐᑎᒃ. ᓂᕆᐅᒋᔭᐅᒻᒪᕆᒃᑐᖅ ᑐᒡᓕᐊᓂ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ ᐸᕐᓇᒃᑕᐅᓯᒪᓕᕇᖅᑐᖅ ᐃᖃᓗᖕᓂ ᑕᒪᑐᒪᓂ ᐊᕐᕌᒍᒥ.

‍
ᖃᔪᖅᑐᕐᕕᖕᒥ ᓄᓇᓕᖕᓂ ᓂᕿᓕᐅᕐᕕᖕᒥ, ᐃᓄᐃᑦ ᐊᕐᓇᐃᑦ ᑲᑎᖖᒐᔪᑦ ᖁᕕᐊᒋᔭᐅᕐᔪᐊᓕᓚᐅᖅᑐᖅ ᑎᓴᒪᐃᖅᓱᖅᑐᑎᒃ ᐱᓇᓱᐊᕈᓯᕐᒥ ᐃᖕᒋᕐᕋᓂᖃᓚᐅᖅᑐᖅ—ᑕᐃᒪᖖᒐᓂᓗ ᐊᖕᒋᓪᓕᒋᐊᖅᓯᒪᓪᓗᓂ ᐃᓄᓕᖅᑕᓂᒃ ᐊᑐᐃᓐᓇᐅᑎᑦᑎᕙᒃᑐᑎᒃ ᐊᒻᒪᓗ ᓄᓇᒥ ᐱᓕᕆᓂᖃᖅᐸᒃᑐᑎᒃ. ᓯᕗᓕᖅᑎᓄᑦ ᑐᑭᒧᐊᒃᑎᑦᑎᔨᐅᓪᓗᓂ, ᔫᓯᐱ ᒨᑖᒃ-ᕙᓚᐅᔅ ᐅᖃᖅᑕᖕᒐ:

"ᐊᓐᓇᐅᒪ ᑮᓇᐅᔭᖃᖅᑎᑕᐅᓂᖕᒐ ᐱᒋᐊᕈᑕᐅᓯᒪᓪᓚᕆᒃᐳᖅ ᐱᒋᐊᕈᑕᐅᓪᓗᓂ ᐊᓯᑦᑎᓐᓄᑦ ᑕᑯᔭᐅᕙᓪᓕᐊᓪᓗᓂ ᐱᕈᖅᐸᓪᓕᐊᔾᔪᑕᐅᓪᓗᓂᓗ."

ᑭᖕᒍᒧᑦ ᑕᑯᒋᐊᖅᑐᓂ, ᓈᓴᐅᑎᑦ ᐅᓂᒃᑳᖃᕐᒪᑕ: $825,000 ᓅᑕᐅᔪᑦ ᓄᓇᓕᖕᓄᑦ ᓄᓇᕘᓕᒫᒥ, ᐃᑲᔪᖅᑐᐃᓯᒪᕗᖅ ᐊᔾᔨᒌᖖᒋᕈᓘᔭᖅᑐᓂᒃ ᐱᓕᕆᐊᖕᒍᕙᓪᓕᐊᔪᒪᔪᓂᒃ ᐱᕚᓪᓕᖅᑎᑦᑎᔪᓂᒃ ᐃᓄᖕᓂᒃ ᐊᕐᓇᓂᒃ ᓂᕕᐊᖅᓯᐊᓂᓪᓗ. ᐱᓕᕆᖃᑎᒌᖕᓂᐅᔪᖅ ᐃᓱᓕᓕᖅᐳᖅ, ᑭᓯᐊᓂ ᐃᓅᖃᑎᒌᖕᓂᖅ, ᑐᖖᒐᓱᒃᑎᑦᑎᓂᖅ, ᐊᒻᒪᓗ ᐃᑲᔪᖃᑎᒌᖕᓂᖅ ᓱᓕ ᐊᑐᖅᑕᐅᑦᑎᐊᖅᑐ.